2 SAMWELI 5:18 - Bibliyeeda Ghaydit

¹⁸ Hean ghapka fuga Filisti ak ghwadarda aba moangoachiyda Refaimu.

2 SAMWELI 5:18 Mawu Ofanana

GIING'EETA 14:5

Hita gweaydeaba damanang'wan ghwahidu Gedorlaoma sea maseawdaanyi ea lugweega nyaawa ak ghwajoar fuga Refayimu aba Ashterot-garnaimu, ea fuga Susi aba Hamu, ea fuga Emi aba Shawe-giryataimu,

2 SAMWELI 23:13

Iidu ghwararang'aada fih samwagu aba jeedeaba fugiga atiktam heesiin, ak ghapka heeda Dawdi damanda lajita booga nea gwanda gwaleeda Adulamu, damanda wuseewa fiispa Filisti aba moangoachiyda Refaimu.

2 SAMWELI 5:22

Ak gabiikta gicha fuga Filisti, ak ghwadarda aba jeeda moangoachiyda Refaimu.

1 DAMANYOOJIGA 11:15

Ak gaweay fih samwagu hees was shirikara aba jeedeaba fugiga atiktam ea damanamughuushiin ak gwararang'eesa lagheaneeda ak gaweay heeda Dawdi aba gwaleeda Adulamu, was heeda wusa lugooda Filisti mida mooheeda Refaimu.

ISAYA 17:5

Fuga Israeli gaygooshealda madamnyeanda silaja booga ak gajeenung' gawuurji siida lach booga, ak gaygawuurji madamnyeanda silach booga ak geenung'usa heeda aba moangoachiyda Refayimu.

YOSHUWA 15:8

hean gawa moonghooda ghwascheang'da nea gwasik moangoachiyda orjeeda Hinomu mida wiilooda ng'eanyiida biyeara mida ng'eanyiida fuga Yebusi (nea Yerusalemu gil); ea moonghooda weah ghwascheang'da ea ghwahita uhuuda giijeeda duukusa moangoachiyda Hinomu, mida heeda biyeara, bea wiilooda ng'eanyiida ghayeawa bea muudeanooda moangoachiyda fuga Refayimu;

YOSHUWA 17:15

Ghwalamda Yoshuwa ak gwayeesha saawa, “Iwoosi eemeeda saang'a siyeeng'da una dareabeeta, ak giibuusi ng'eanyiida aba hoowa heechea abiidana aba jeeda ng'eanyiida fuga Beresi ea Refayimu, ea ghang'eada ng'eanyiida heayeeniga bea Efraimu iimageandaneey.”

YOSHUWA 18:16

hean gawa moonghooda ghwararang'aada ea gawa moonghooda giijeeda deaschi moangoachiyda orjeeda Hinomu; mida wiilooda ng'eanyiida ghayeawa mida moangoachiyda fuga Refayimu, hean gawa nea ghwararang'aada ea ghwahita moangoachiyda Hinomu, mida wiilooda ng'eanyiida biyeara bea murdeeda fuga Yebusi, ak ghwararang'aada ea gawa Enrogeli;