2 SAMWELI 5:12 - Bibliyeeda Ghaydit

¹² Hean gwajeeng'u Dawdi gideaba ninung' NG'UTAMIIDA ghoah niny sugoocheanda jea goombal Israeli, ea gideaba nighaambiit sugoocheanduumeadaanyi aba badahuuka fugaaschi bea Israeli.

2 SAMWELI 5:12 Mawu Ofanana

2 SAMWELI 5:11

Iimuchu goojeakta sugoocheanda siguura Hiramu bea ng'eanyiida Diro giijasoodiga gaweay heeda Dawdi, ak gweasa geediga was guboyeeka, ea fuga beara geediga ea fuga deekshachi jea ghwadeas gheeh Dawdi.

2 SAMWELI 5:13

Ak gweadu Dawdi gwealajeega saang'a ea gadeemga aba Yerusalemu, iing'ata hinnooda leabu Hebroni; ak gwaji Dawdi orjooga saang'a ea haweega.

2 SAMWELI 7:16

Nea gheang'u ea sugoocheanduumeadaang'u gaygamajeegiit damanda manda muudeanooda aba madeedeanyu; nea hoorgeadaang'u gaygamajeegiit damanda manda muudeanooda.’”

1 SUGOODIGA 10:9

Gagasa eakghaambiit NG'UTAMIIDA was ASEATAANG'U, niloanyi ak ghamiindaneey aba uhuuda hoorgeeda eemeeda Israeli! Aba gideaba NG'UTAMIIDA ghabwariiy eemeeda Israeli damanda manda muudeanooda, nea ea niighaambiinyi wasa sugoocheanda, ak hean gimiineadaysi huumeanda ea doobiiwnata.”

1 DAMANYOOJIGA 14:2

Hean gwajeeng'u Dawdi gideaba niimajeek NG'UTAMIIDA niny goombal Israeli, aba gideaba gheambalmeadaanyi niheedu aba badahuuka fugaaschi was Israeli.

2 DAMANYOOJIGA 2:11

Nea Hirameeda was sugoocheanda Diro ghwasha aba barawajeanda ajeaksa heeda Sulemani, “Aba gideaba NG'UTAMIIDA ghabwariiy fugaaschi, ninung' was sugoocheanda jea ghoahaaghwa saawa.”

ESTA 4:14

Aba gideaba ang'iing'i inyas gisindi ghamneawa aba ng'asheanji, gwadeepa gwardu nawa nuut ak ghaghu fuga Yahudi, ak ang'iing'i ea ghweanigaagu gajooshealana. Ak ghwanal ng'eaha gideaba ang'iing'i miwuni aba sugoocheanduumeeda aba damanda uurji nihi?”

DANIELI 2:30

Ak ghamneawa gili funyaadiin ea siihiimnaan, nea meakna gideaba geawooschi weaghoot ea dang'al buuneeda suurja, geegasa ghwanal sugoocheanda gidarugu giirgweatka, ak abeeda ginali gidarugu fughareadaang'u.

IITOODA 24:7

Gayghwanyiit ghadeatkaaschi beega ea gagulda, nea histeangaaschi gaygwanda jeeda beega saang'a, ak sugoocheandaanyi gajeahaweewa Agagi, nea sugoocheanduumeadaanyi gajeakghaambiit.