2 SAMWELI 4:5 - Bibliyeeda Ghaydit

⁵ Nea abeeda orjooga Rimoni bea eemeeda Beroti, Rekabu ea Baana, gaweay, ak ghwahita gheeh Ishbosheti, askweari nea gwadagu.

2 SAMWELI 4:5 Mawu Ofanana

2 SAMWELI 11:2

Iimuchu eaweecha shing'ada, nea ghang'eat Dawdi aba badayda bulaliidaanyi ak gwaneayi aba uhuuda gheeda sugoocheanda, ghwadaah damanda mideewa uhuuda gheeda gatmooda nea goohuushi; nea gatmooda aamiy muuchi.

2 SAMWELI 2:8

Nea Abneri, was orjeeda Neri, was shirikarajeanda haw bea Sawli, ea nigeanda Ishbosheti orjeeda Sawli, ak ghwaat giigheawda ng'eanyiida Mahanaimu;

2 SAMWELI 4:2

Abeeda orjeeda Sawli gwandeawa fih iyeenya was shirikareeda hees ambal lugweega; nea gheawunga dea madeeda geeguura Baana, nea gheawungeaba niirja geeguura Rekabu, was orjooga Rimoni bea dooshta Benjamini bea ng'eanyiida Beroti (aba gideaba eara Beroti geanung' gaba Benjamini;

1 SUGOODIGA 16:9

Nea siidaanyi bea gadiyeeda siguura Sumri, was shirikarajeanda miineadaysa mutukwajeega silach bugusta; gwang'usa foolayda. Damanda mida Dirsa, nea gwaleeshi ea gaboogit aba jeeda gheeh Arsa, was siida miineadaysa gheeda aba Dirsa.

2 DAMANYOOJIGA 24:25

Hean nea ghang'amwa headaanyi, nea geanung'wa heeda nea gaba deaneaduutka, fugaaschi bea gadiyeeda gabada niny ng'asheega munyas aba badayda foojeanda orjeeda Yehoyada was ashoohoocheanda, ak gwanuuksa badayda bulaliidaanyi. Ng'ata ghami; ak geebung'sa jeeda mujiineeda Dawdi, nea ea meebung'siina jeeda bung'eadinga sugoodiga.

2 DAMANYOOJIGA 25:27

Hean gidang'eada damanda yamwa geaw Amasiya ak gwanung'usa heeda NG'UTAMIIDA, hean geebada ng'asheega munyas aba badaydaanyi aba Yerusalemu; hean gamng'aw ea ghwahita Lakishi, ng'ata geecheakta fuga jea ghwaat geeshta aba Lakishi, ak geenuuksa hoowa.

2 DAMANYOOJIGA 33:24

Hean ghwalaabwa bwadaw fugaaschi bea gadiyeeda ak geenuuksa jeedeaba gheanyi.