2 SAMWELI 3:3 - Bibliyeeda Ghaydit

³ nea abeeda deaba iyeenya geeguura Gileabu, was orjeeda Abigaeli was masinung'weanda Nabali bea Garmeli; nea deaba samwagu geeguura Absalomu was orjeeda Maaka was hudeaba Dalmayi was sugoocheanda Geshuri;

2 SAMWELI 3:3 Mawu Ofanana

2 SAMWELI 13:1

Abeeda Absalomu was orjeeda Dawdi, abeeda gwandeawa huda ghaamwat miy siguura gheawungaaschi Damari; iimuchu ghabwariiy Amnoni was orjeeda Dawdi huda.

2 SAMWELI 14:23

Hean ghang'eat Yoabu ak gawa Geshuri, ak gweadu Absalomu Yerusalemu.

2 SAMWELI 14:24

Ak ghwalamda sugoocheanda ak gwayeesha, “Nung'waada ghwasajaada ak goobiida gheanyi nea gaba geaw; amwadaah gheanyangeasu.” Ng'ata goobiida Absalomu gheanyi nea nisach geaw, ak ea mwaani madeeda gheanyanga sugoocheanda.

2 SAMWELI 14:32

Ghwasha Absalomu ak gwayeesha Yoabu, “Ng'ula, neajeeng'u ng'asheanda headaang'u, ‘Beeni hiji, ak gaydeajeaktaneey una heeda sugoocheanda, ak giinyaashi, “Ghwasaan aniini inyas gealeabu Geshuri? Gwachi gayghang'wana gideaba geandi hoowa eara ghamneawa.” Asi ghamneawa nung'waada dawa heeda sugoocheanda; amadeepa gwanda heedeanyu gidamuy, abeeda ea danuusean.’”

2 SAMWELI 15:7

Iimuchu nea gamuudean gweanyeew ang'wan ghwalamda Absalomu ak gwayeesha sugoocheanda, “Geamuscheey nung' dawa daadayda habeawoodeanyu, ghayi eayeaksi NG'UTAMIIDA, aba Hebroni.

2 SAMWELI 15:8

Aba gideaba siidaang'u bea gadiyeeda ghwaak habeawooda aba damanda mideewa Geshuri mida ng'eanyiida Aramu, ak gwayi, ‘Aba huumwa NG'UTAMIIDA inyas ghwanung' dabiikta Yerusalemu, abeeda daghadoawan NG'UTAMIIDA.’”

2 SAMWELI 18:33

Hean gwadeawiit muuchi, ak gawa jeeda ghooriida mida heetiyeada was ghuuta dooshta, ak gooyeawda; nea damanda beawa, gwayi, “Ea orjeedeanyu Absalomu, orjeedeanyu, orjeedeanyu Absalomu! Anda gwachi mwameawi aba hoorgeadaang'u!”

2 SAMWELI 2:2

Ak ghwascheang'da Dawdi gawa hoowa, niny sea gadeemgaaschi asiyeenya, Ahinoamu bea ng'eanyiida Yesreeli, ea Abigaeli, ghayi was gatmooda Nabali, bea ng'eanyiida Garmeli.

1 SUGOODIGA 1:6

Nea ghwaan eara aba gilinyoo ea damwan gil miighoanyareas aba giibearsiinda gideaba, “Ng'asheesu gisini aba naaha?” Nea abeeda niny ea siida miy muuchi; nea ghabwat badayda Absalomu.

1 SUGOODIGA 2:15

Hean gwayeesha, “Ginali gideaba sugoocheanduumeeda ghayi gaygabeahan, nea fuga sean bea Israeli gafurda gideaba gaydeambaliischi; ak ghamneawa ea niyam geaw ak ghoah dea orjeeda iya, niiw daanyi aba gideaba gwaleabu heeda NG'UTAMIIDA.

1 DAMANYOOJIGA 3:1

Asi suh orjooga Dawdi ghayi sijiilsa Hebroni duweacheeda Amnoni, nea ghaamwat geeguura Ahinoamu bea eemeeda Yesreeli; deabiyeenya geeguura Danieli was ghaamwat Abigaeli bea eemeeda Garmeli,

1 DAMANYOOJIGA 3:2

deaba samwagu Absalomu, nea ghaamwat ea Maaka gil, was hudeaba Dalmayi, was sugoocheanda Geshuri; deaba ang'wan ea Adoniyahi, siguura ghaamwat Hagiti;

GIIPKEATA DIIGHEANDA 3:14

Nea Yairi was orjeeda Manase ghamughuta ng'eanyiida sean bea Argobu, was Bashani ea gagul moonghooda fuga Geshuri ea Maaka ak gang'assa gharang'weakiga gheawungaaschi, Hawot-yairi, ak gwasunu ea ghoah ghamneawa).

YOSHUWA 13:13

Eara gwasunu fuga Israeli miighahoan fuga Geshuri ghana fuga Maaka ak gwanda bugusta fuga Israeli ea ghoah ghamneawa.

1 SAMWELI 25:3

Siisi geeguura gheawungaaschi Nabali, nea gatmoadaanyi geeguura gheawungaaschi Abigaeli. Abeeda gatmooni aamiy aba leanga ak ghabwada fughareeda, nea ng'eedeeda ea mandeawana mureeda ak ea muy seara, nea gaba dooshta Galebu.

1 SAMWELI 25:42

Ng'ata ghwalamwach geaw Abigaeli ak ghang'eat gwading'da digeeda, sea haweagaaschi gadiiydooscheesa niny; ak ghwaat geeshta giijasoodiga Dawdi, ak ghoah gatmoadaanyi.

1 SAMWELI 27:8

Ak ghwascheang'da Dawdi sea fugaaschi, ak gwasham fuga Geshuri, ea fuga Girsi, ea fuga Amaleki; aba gideaba suh fuga ghayi abiita ng'eanyiita, ea ghwahita Shuri, ea ghwahita ng'eanyiida Misri.