2 SAMWELI 3:25 - Bibliyeeda Ghaydit

²⁵ Ang'iing'i ginali gideaba Abneri orjeeda Neri ghwaan gwareenganeey, ak ghwanal riteaydaang'u ea hinoadaang'u nea ghwanal ng'asheega sean iisini.”

2 SAMWELI 3:25 Mawu Ofanana

GIING'EETA 42:12

Ghwalamda niny ak gwayeesha saawa, “Manda, ghoapkaanyi adaaha healuumeeda ng'eanyiida.”

GIING'EETA 42:16

Oocheakta orjeenagi aba jeedeang'wa, ak gweadu orjeeda geamadu, nea agooga gajoopiidana ghealooniga ak abeeda geesikteawa ng'asheegeagwa, eadaaha ea goorugu huumwa; amasa abeeda aba gheawunga Farao, aba huumwa goowooschi fuga gheang'da.”

GIING'EETA 42:9

Ak ghoapkaat Yosefu giirgweatka ghayi argweatiisa saawa; ak gwayeesha, “Agooga goowooschi fuga gheang'da, ghoapkaanyi adaaha healuumeeda ng'eanyiida.”

2 SAMWELI 10:3

Iidu gwayeesha sugoodiga fuga Amoni Hanuneeda was ng'utamiida nyaawa, “Ang'iing'i iing'ulayi Dawdi goojeagu fuga buwa gageanda salgheang'da aba gideaba gwasissa gweanu mureeda? Neada Dawdi ea meajeakna fugaaschi bea gadiyeeda ghwadaah mujiini, nea ghaghwalda gheang'da, ak ghwalas uhuuda?”

2 SAMWELI 3:24

Ng'ata gawa Yoabu heeda sugoocheanda ak gwayeesha, “Neada ang'iing'i ea nisini naaha? Ng'ula, Abneri ghwaan headaang'u; neada ghwasaan inyas giidawi beata, ak ea nuwa?

2 SAMWELI 3:26

Iidu nea ghabeawa Yoabu madeeda Dawdi, goojeakta giijasoodiga ghwaat geeshta Abneri, ak geeteelna heeda healadeeda Sira; nea abeeda Dawdi ea mwanala gil.

2 SAMWELI 3:27

Iimuchu nea gabiikna Abneri Hebroni, ghwasach Yoabu niny aba jeeda dooshta ak ghwaat makcheameeda, ak ghang'ut jeeda, ak ghami, aba badayda foojeanda Asaheli was orjeeda ghaamwat.

2 SUGOODIGA 18:32

Bwak ea dahidu ak ghaayaadeegwa ng'eanyiida uurji ng'eanyiideang'wa, ng'eanyiida mida booga ea difaayi ng'eanyiida mida mukaate ea madameega sabiibu, ng'eanyiida mida geediga saytuunajeega, ea maleeda jea oopiidana ea moomeewi. Ak ea adoolleeysiit Hesekiya reenganeegwa nea gwayi, NG'UTAMIIDA gayghoaghuuheasa.

NYIIGHEEGA 121:8

NG'UTAMIIDA gayghoahaaghwaneey damanda iriteawi ea damanda iwuni gah ghang'eada damani ak gagal mwadi ea ghoah damanda manda muudeanooda.

ISAYA 37:28

‘Aniini ghaanali gidiibiideati, ea gidiriteaydi sean ea damanda ibiikni, ea nyarastaang'u iinyareeksean.

IITOODA 27:17

was dea jea gwarita goosheedeawa saawa, nea ghoadoabiiw saawa; ak ghoadoabiiw damanda riteawa, nea ghoaghuumu ghoah; ak ea mawuurji fuga girgweageeda NG'UTAMIIDA gisilga nyeah jeagiischoochean.”

Yohaana 7:12

Iidu gwaheedu giiniikghta aba jeeda buuneeda. Mwaatkwa iissa gwayi, “Siisi aamiy,” nea mwaatkwa gwayi, “Manda, niny gahuteawi buuneeda.”

Yohaana 7:47

Ghwasha Farisaayajeega nea gwayeesha saawa, “Asi eara agooga sireenganeegwa?

Ruumi 2:1

Asi moondeawani samsiinda, ea siida, neada guwoosi ng'eaha, iirgweaksi siinuut, aba inyas giirgweaksi siida ada abeeda giirgweaksi geaw ang'iing'i, aba gideaba ang'iing'eeda argweaksa siida, gisini ng'asheanda uurji diita.

GIIPKEATA DIIGHEANDA 28:6

Gajeegoonyi ghawooda iiwi gah, ak gajeegoonyi ghawooda iriti jarooda.