2 SAMWELI 24:7 - Bibliyeeda Ghaydit

⁷ ak ghapka ea ghwahidu mujiineeda majeek bea Diro ea mujiinajeega sean bea fuga Hifi ea fuga Ganaani; ak gaweay ea ghwahita Beer-sheba mida meatkweeda ng'eanyiida Yuda biyeara.

2 SAMWELI 24:7 Mawu Ofanana

2 SAMWELI 24:2

Hean ghwalamda sugoocheanda ak gwayeesha Yoabu sea shirikareeda hees ambala shirikara, mideayi sea niny, “Aweayeena jeeda eemoojiga sean bea Israeli, ghang'eada Dani ea ghwahita Beer-sheba, ak giyiidayi buuneeda, ak abeeda ghaanali mooneeda buuneeda.”

2 SAMWELI 24:8

Iidu nea nineayeewa jeeda ng'eanyiisean, ghapka Yerusalemu iing'ata sheeh shageash ea eawooji diktam.

SAKARIYA 9:3

Fuga Diro gwadeeksa geat museasooda, ak geawaam lapiya ea gwadeena iseaskweanda, ea dahaabu siguura dahaabu, ea gawuurji ghwashaayda mida ghuuta naweeda bareanda.

YOSHUWA 11:3

ea ghoah fuga Ganaani mida heeda ghayeawa ea heeda biyeara, ea fuga Amori, ea Hiti, ea Berisi, ea Yebusi ea gea mida ng'eanyiida heayeeniga, ea Hifi mida hing'eadayda Hermoni bea ng'eanyiida Mispa.

YOSHUWA 19:28

Ebroni, ea Rehobu, ea Hamoni, ea Gana, ak gawa ea ghwahita Sidoneeda haw;

YOSHUWA 19:29

ak gwayamu geaw moonghooda ak gawa ea ghwahita Rama, ak gawa ea ghwahita hilgweanda mujiineeda Diro, ak gwayamu geaw moonghooda ea ghwahidu Hosa, ak gamuudeana basooda; neekeewa Mahalabu, ea Akisibu,

YOSHUWA 9:1

Iidu nea ghwayiiy ng'asheesu sugoodiga mida giigheawda Yordani bea ng'eanyiida heayeeniga mida jeeda mooheeda ea ghuuta basooda haw deaschi Lebanoni, ea fuga Hiti, ea Amori, ea Ganaani, ea Beresi, ea Hafiti, ea Yebusi iiy ng'asheesu,

YOSHUWA 9:7

Ghwalamda fuga Israeli ak gwayeesha fuga Hifi, “Gwadeeba andana bugusteanya; abeeda gajeesindaan neajeeda sea agooga?”

FUGA LAJA GIRGWEAGUUTKA 3:3

Eemoojiga suhu: Sugoodi muut bea Filisti, ea fuga sean bea Ganaani, ea fuga Sidoni, ea fuga Hifi abiita uhuuda giijeeda Lebanoni, gidang'eada giijeeda Baal-hermoni ea ghwahita gidaghuuta Hamati.