2 SAMWELI 24:10 - Bibliyeeda Ghaydit

¹⁰ Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

2 SAMWELI 24:10 Mawu Ofanana

2 SAMWELI 12:13

Ghwalamda Dawdi ak gwayeesha Natani, “Aniini neasinyi riing'eeda aba madeeda NG'UTAMIIDA.” Hean gwayeesha Natani Dawdi, “Eara NG'UTAMIIDA nigeanda riing'eadaang'u; maygudu meawa.

2 SAMWELI 24:17

Hean goobalool Dawdi NG'UTAMIIDA iidaah malaykajeanda bwar buuneeda, ak gwayeesha, “Uuw, aniini neasinyi riing'eeda, ak ea neasinyi gidamuy; nea gisilsu, neada saawa ea nisin naaha? Geamuscheey iina geatindaang'u badaydeanyu ea badayda fuga ghaheanya.”

1 SUGOODIGA 8:35

“Inyas gwatkweada humng'eeda ak ea maroabwana aba gideaba nisineey riing'eeda, inyas gaygamusiischi nea googeal iheenga hiji, ak gwaruku gheawungaagu, ak gwaduukuuna riing'eega nyaawa damanda ijaksi hang'weaniidooda,

1 DAMANYOOJIGA 21:7

Amadu gamunyiit ng'asheanji aba madeeda ASEETA, ak ghwalas fuga Israeli.

1 DAMANYOOJIGA 21:8

Hean ghwalamda Dawdi ak gwayeesha ASEETA, “Aniini neasinyi riing'eeda haw ak geasinyi ng'asheanji. Ak ghamneawa geamuscheey ang'iing'i, geanda munyinda siidaang'u bea gadiyeeda; aba gideaba neasinyi leendeeda.”

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

2 DAMANYOOJIGA 32:26

Ng'ata gwahiing'sa geaw ng'eanyi Hesekiya aba ghwarjeeda gurooroadaanyi, niny sea fuga abiita Yerusalemu, ak ea mudu ghwahidu nyarasta NG'UTAMIIDA heanyaawa aba damanda Hesekiya.

AYUBU 7:21

Ghwasaan anda mibwaydani giidiinyeadeanyu, ak gigeandeawanean munyindeanyu? Gajeepunyan eawoojisu duwaawiin gajeani geeshteanyu ak gajea mudu danda.”

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

RITEAYDA 10:16

Hean ghwalamwach gaguursa Farao Musa ea Haruni ak gwayeesha, “Neasissi riing'eeda NG'UTAMIIDA was ASEETEANG'WA ea agooga,

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

HOSEYA 14:2

Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

IITOODA 12:11

Hean gwayeesha Haruni Musa, “Ea ng'utamiideanyu, geamuscheey muuchi, adiyiini badahuukaasa riing'eeda, aba gideaba sisinyi ng'asheega leendeeda, ak geesinyi riing'eeda.

Marko 7:22

Ea gwadishta, ea nuusta buuneeda, mealuuleega, shidoodeaba ghaang', munyinda, lachng'eanyiida, ririnnyeanda, geawunda gheang'da, giing'weaka, ghwarjeeda ea leendeeda.

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Yohaana 8:9

Iiy ng'asheanji hean gabadiinagi nea goosheeda gweargwa. Geanung'wa heeda Yesu nea gaba geaw sea gatmoodida miinaada aba madeadaanyiin.

GIIPKEATA DIIGHEANDA 32:6

Nea gichea oosisiina NG'UTAMIIDEA, ea fuga dasheahi mwanala gil? Niny mii gweanu, ghayi gwasinyi, niny gwasinyi ak ea maygoomajeeknyi?

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Yohaana 1:9

Nea iisiduukuuni riing'eegaasa, niny awaam nea doabiiwaat, ak gaygwasamsa riing'eegaasa, ak goohuuneasa aba haleanjeeda sean mwadoabiiwa.

1 SAMWELI 13:13

Ng'ata gwayeesha Samweli Sawli, “Ang'iing'i gisini leendeeda; ang'iing'i miing'waanyi diigheanda NG'UTAMIIDA was ASEATAANG'U, ghayi rukuneey; aba gideaba gwachi gaygwasinyi NG'UTAMIIDA huwa sugoocheanda Israeli damanda manda muudeanooda.

1 SAMWELI 24:5

Iidu gwasawana jeeda Dawdi, aba gideaba ghwalach hang'da ashuup geaw Sawli.

1 SAMWELI 24:6

Ghwalamda ak gwayeesha fugaaschi, “Gagasa ghwanung' NG'UTAMIIDA ea measimani ng'asheanji ng'utamiideanyu, was dea ghayi amwaar NG'UTAMIIDA, ak geaheaksi geatindeanyu niny aba gideaba niny siida amwaar NG'UTAMIIDA.”

1 SAMWELI 26:21

Ghwalamda Sawli ak gwayi, “Neasinyi ng'asheega munyas; biikni, orjeedeanyu Dawdi, aba gideaba maygudu dasimaneey gidamuy, aba gideaba eaweegeasu ghang'alda aba madeeda gheanyangaagu askweareani; ng'ula, aniini neasinyi leendeeda, neasinyi ng'asheanda muy muuchi.”