2 SAMWELI 23:5 - Bibliyeeda Ghaydit

⁵ Ak nih ea mii giduurji gheenyu aba madeeda ASEETA? Aba gideaba nisinuudayeewean neajeeda manda muudeanooda, ak gwandeawa deascheeda aba haleanjeeda sean nea ghwahit. Aba gideaba nih lealeanoodeanyu sean eagasayi?

2 SAMWELI 23:5 Mawu Ofanana

GIING'EETA 9:16

Damanda mideewa ghuweang'da jeeda shamooghooda, gaydadiiw uhuuda ak geang'ulayi ak ghaapkaachi neajeeda manda muudeanooda mida dageascheeda ASEETA ea dea diyeanga sean mideawa eaweega mida badayda ng'eanyiida.”

2 SAMWELI 12:10

Asi ghamneawa ng'uta maygwaheeli gheang'u, aba gideaba nifoolean, ak ea nigeandi gatmooda Uriyaheeda eemeeda Hiti ghoah gatmoadaang'u.’

2 SAMWELI 13:14

Ak ghaheawa niny gooleeysiit ng'asheagaaschi; iidu nea ghwadaah niny gaburdeawa uurda huda, ghoang'waay aba uurda, ak gwaluudayi.

2 SAMWELI 13:28

Hean gwarukusa Absalomu fugaaschi bea gadiyeeda gideaba, “Ooroora damanda jea gahoosana guroorooda Amnoni aba difaayi, ak geayeeshiineey, ‘Lasa Amnoni,’ abeeda gibwari ghami. Asi adibeali; neada ea mearukuneeyi aniini? Ameanyiita nea goodarusiidayi.”

2 SAMWELI 18:14

Ghwalamda Yoabu ak gwayeesha, “Aniini mwammuusi deameas ak geabalooleey nea goosha aseeta.”

2 SAMWELI 7:12

Nea ang'iing'i damanda jea ghwahina damandaang'u ak giluudayeewi ghweanigaagu aba ng'eanyi, gaydeadiing'u jeacheangaagu jea gamaseawneey, was gea jea gwaleabu saseadaang'u, ak gaydeamajeek sugoocheanduumeadaanyi.

2 SAMWELI 7:18

Ng'ata gawa sugoocheanda was Dawdi ak goopteada aba madeeda NG'UTAMIIDA, ak gwayeesha, “Aniini geawooschi ng'eaha Ea sugoocheanda was ASEETA, ak gheenyu ea naaha gil, bwak ea eanean heeda sheagi ayang'u? sheaktunu?

1 SUGOODIGA 1:5

Hean Adoniya orjeeda Hagiti goodiing'u geaw ak gwayi, “Gaydoaw sugoocheanda”; ak gwasissa geaw mutukwajeega ea fuga faraasajeega, ea fih haradam ea damanamughuush jea gwasalda goosheedeawa niny.

1 SUGOODIGA 11:38

Inyas gajaleeysiina iit gida earukuneey sean, ak giweewi naweadingeasu, ak gisini doobiiwnata aba madeedeanyu aba ging'ooyda huumeanyeekeasu ea diigheanyeekeasu, gawuurji gidasin Dawdeeda was siideanyu bea gadiyeeda, abeeda gajeendeayeena, ak gaydadeekneey gheeda huumwa, gawuurji gideadeeksiindi Dawdi, ak gaydagoonyi Israeli.

1 SUGOODIGA 12:14

hean goobaloola gida argweaksiinda orjooga, nea gwayeesha, “Bwaabwa ghayi ghoang'waay yookajeegeagwa, ak aniini gaydeaheaneegwa; Bwaabwa ghayi ghabwareegwa aba ghealooda, nea aniini gaydabwareegwa aba udagilbajeega.”

NYIIGHEEGA 111:9

Ak ea niyeassa fugaaschi lealeanooda nea gwarugu neajeadaanyi damanda manda muudeanooda. Gheawungaaschi ea ghaydit ak ea haloat!

NYIIGHEEGA 119:81

Gurooroodeanyu nibur aba giimuukghunoadaang'u giimuukghunooda gasooda lealeanoadaang'u; aniini ghaaghuschi aba ng'asheandaang'u.

NYIIGHEEGA 27:4

Gwanda ng'asheanjagi eagasayi aba heeda NG'UTAMIIDA, ak ea dea jea dagasa; gideaba gaydeabiida gheeda NG'UTAMIIDA, askwearjoojiga sean aba jeeda eaweegeasu, ak geang'ulayi alooheeda NG'UTAMIIDA, nea geasikteawi aba jeeda gheanyi sibata niny.

NYIIGHEEGA 62:2

Niny nea gabwageaw lagheaneedeanyu ea lealeanoodeanyu, hilgweandeanyu gil; maydaboadan.

NYIIGHEEGA 89:3

Ak giyeeni, “Aniini neasinyi neajeeda sea siideanyu aaloachi, ak ea neayeaksi habeawooda Dawdi was siideanyu bea gadiyeeda.

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 27:6

Galanya jeata Yakobo gayghang'uda ng'eanyi hawunga, nea fuga Israeli gooruudu deakghweeda ak ghafiirfiir, ak gayghwanyiit ng'eanyiisean haghweega.

ISAYA 4:2

Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

ISAYA 54:10

Aba gideaba giijeega gaygoosha nea eara heayeeniga gajeegeanda, ak bariinyeegeasu ea mayghang'amwa headaang'u, eara neajeedeanyu bea hoyyoo ea majeegeanda, gwarugu NG'UTAMIIDA bayiidaneey.

ISAYA 55:3

Oaleaydiit ak ghoapkaanyi heedeanyu; ayiinya, ak gajanyasa giibinda; ak gaydasin neajeeda manda muudeanooda sea agooga, asaha ea baydeayda majeek bea Dawdi.

ISAYA 61:8

Aba gideaba aniini NG'UTAMIIDA ghaabwariinyi girgweageeda doabiiwaat, ak ghaasichi lachng'eanyiida ea ng'asheega munyas. Ak gaydawalu waldeayda huumwa, ak gaydaneaji sea saawa neajeeda manda muudeanooda.

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

YEREMIYA 32:40

Nea gaydasin neajeeda manda muudeanooda sea saawa, gideaba maydayam geaw nea maydanung'wa heeda, ak gaydasima gea miyaas, ak gaydasin gheawalmeedeanyu jeeda gurooruunatka nyaawa aba gideaba ea mwayamwa geat ghwanung'wanaan heeda.

YEREMIYA 33:21

Abeeda ea majoamuusa ageanda neajeedeanyu ghayi easinyi sea Dawdi was siideanyu bea gadiyeeda geasinyi neajeedeanyu sea Dawdi gideaba inyeesa aba jeataanyi gaygwanda siida jea gawa hoorgeadaanyi, nea inyeesa gaygwanda ashoohoodiga dooshta Lawi jea gagadiyeesean.

ESEKIELI 37:26

Ak gaydasin neajeeda hoyyoo sea saawa, gayghoah neajeeda manda muudeanooda sea saawa. Ak gaydaadaw ghawooda nea ghaanung' ghwasaang'ayiit nea heedeanyu ghaydit gaydayiin bugusta nyaawa damanda manda muudeanooda.

AMOSI 9:11

“Ak eaweedida gaydasin gicha heeda giibinda Dawdi ghayi abeada ak geadukuti seawuutka ghayi nyara, nea geagatkachi gealga nyaawa nyara, ak geabiikti dadeas ea gabiiksiinda heeda gidaghayi bea mwadi;

Gadiyeeda Giijasoodiga 13:34

Damandida gooduuna jeeda fuga nimeewean, aba gideaba adagabiikta gicha hooweani ak gamunyiit, hean gwayi, ‘Gaydagooneegwa ghawooda ghaydit bea huumwa ghayi bea Dawdi.’

Ebraniya 13:20

Asi ghamneawa ASEETA mideawa hoyyoo biikta gweadu gicha Ng'utamiideanya was Yesu aba jeeda miyeeda, jeagiischoocheanda haw bea gisilga, aba foojeanda neajeeda manda muudeanooda,

Ebraniya 6:19

Geendeawi ng'asheanji nea gwarugu huumwa ak gawuurji alooheeda jea ghaweat giisiimeanda, ghusooda iissa gawa heeda ghaydit laabwa hoowa hang'da sibwaasha gheeda,

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.

1 SAMWELI 25:28

Geamuscheey samsiina giidiinyeanda hudaang'u; aba gideaba aba huumwa NG'UTAMIIDA gaygwasissa ng'utamiideanyu gheeda majeek, aba gideaba ng'utamiideanyu gang'uchi ng'ucheeda NG'UTAMIIDA; ak ea majeanyasa jeadaanyi munyinda aba eawoojigaagu sean.