2 SAMWELI 23:1 - Bibliyeeda Ghaydit

¹ Asi suh ng'asheega Dawdi huuydean: Ng'asheega rugu Dawdi was orjeeda Yese, ng'asheega siida ghayi sinung' ghang'eat gwaheedu, was siida simwaar bea ASEETA Yakobo, ng'ada duumjeenga miyaasiin bea Israeli:

2 SAMWELI 23:1 Mawu Ofanana

GIING'EETA 49:1

Ng'ata gaguursa Yakobo orjoagaaschi, ak gwayeesha, “Asi aghadoawana geat, ak gearukuneegwa gichea gabusseegwa aba askwearjoojiga jea ghwahidu.

2 SAMWELI 22:34

Ak ea ninung' gawuurji geeshangeasu gea mayeanda, hean ghwanung' damiinaada nea geabeayi seayu aba deageaw.

2 SAMWELI 22:51

Ghoadaw sugoocheandaanyi lealeanooda haw, ak goohiimsa bariinyeagaaschi bea huumwa siidaanyi simwaar, Dawdi ea jeacheangaaschi damanda manda muudeanooda.”

1 DAMANYOOJIGA 16:7

Iimuchu eaweedida ghwanung' Dawdi ghanyi eesarman duumda badiischeesiinda NG'UTAMIIDA nea gamiineadaysa Asafu sea buweadeagaaschi.

1 DAMANYOOJIGA 16:9

Asarmasiina, asarmasiina aba nyiigheega; Ooteemsheesiina ng'asheagaaschi sean deamdeameadi.

NYIIGHEEGA 2:6

“Ak aniini ea naambiichi sugoocheandeanyu aaloachi aba uhuuda Sayuneeda was giijeedeanyu ghaydit.”

NYIIGHEEGA 72:20

Mooshta ghawooda Dawdi orjeeda Yese, gamuudean.

NYIIGHEEGA 89:20

Naadaayi Dawdeeda was siideanyu bea gadiyeeda; naamwaarji aba nagheedeanyu ghaydit;

NYIIGHEEGA 89:21

was dea jea gamajeegiit geatindeanyu aba badaydaanyi, ak gayghwanung' geatindeanyu ghwanyas uurda.

AMOSI 6:5

agoogeeda inyas goosarmanyi sarmoojiga mwadaagha aba ghuuta gidoondooriida, ak gawuurji gidaghayi sissa geaw Dawdi gidoondoorajeega sarmeeda;

Lukka 20:42

Aba gideaba gwayi Dawdi aba jeeda gitaabooda nyiigheega, ‘Ng'utamiida gwayeesha Ng'utamiideanyu, Apteada aba geatindeanyu bea dugwa,

Lukka 24:44

Hean gwayeesha saawa, “Suh ng'asheegeasu ghayi earukuneegwa, damanda sindeaydooscheewi, ak abeeda ng'asheega aba badaydeanyu aba jeeda deaweedeeda Musa ea sibanga ea gitaabooda Nyiigheega gajeahiit.”

GIIPKEATA DIIGHEANDA 33:1

Nih ghawooda Musa gil was siida ASEETA adaw fuga Israeli heeda mii ghameawa.

Golosaayi 3:16

Anung' goobiida ng'asheanda Gristo jeedeang'wa nea gwaheedu, anaala nea gaba siisi reekusa nuut aba weaghuumeeda sean, nea goosarmanyi nyiigheega ea sarmoojiga guroorooda nea goobadiischeesi ASEETA aba gurooruunatkeagwa.

Yakkobo 5:13

Siida ghaheang'wa nibussa sawanadeeda? Gagasa ghamwaash ASEETA. Gwandeawa hooseaneega wassean? Ea dasarmana duumda duumsheesiinda.

1 SAMWELI 17:12

Abeeda Dawdi baleandeaba siidida was Furati bea Betlehemeeda Yudahiin, siguura gheawungaaschi Yese; nea abeeda gwandeawa orju sis; nea abeeda niny ea gweargweeda gil damanda Sawli, ak ea niwaasiit muuchi.

1 SAMWELI 18:7

Hean gwasarman gadeemga nea gooriipisiinyi damanda sarmana. “Sawli nibwar sagalamnyoojigaaschi, nea Dawdi ghabwar sagalamnyoojiga niba damanamughuush ikaaschi.”

1 SAMWELI 2:10

Weajoodiga NG'UTAMIIDA gajeegul uhuuda ea ghoah basanga; ak gayghoaghweandan aba badahuuka nyaawa aba humng'eeda. NG'UTAMIIDA gaygoorgweaksa muudeanooda ng'eanyiida; ak gayghoadaw sugoocheandaanyi uurda, nea goomajeek uurda siidaanyi amwaar.”