2 SAMWELI 22:3 - Bibliyeeda Ghaydit

³ ASEETEANYU, ea lagheaneedeanyu, was heeda eamng'awsi, igeamboodeanyu ea gujaweeda lealnoodeanyu, hoorgeedeanyu majeek ea heedeanyu ea mang'awsi, was lealnoocheandeanyu; ang'iing'i gilealnanean jeeda jaliida.

2 SAMWELI 22:3 Mawu Ofanana

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

2 SAMWELI 22:31

ASEETA naweadaanyi ea doabiiwaat; nea heeleesiinda NG'UTAMIIDA ghoahiimu huumeanda; niny igeambooda gil aba heeda fuga salsa niny.

2 SAMWELI 22:47

“NG'UTAMIIDA gwandeawa eaweega; gagasa eebadiischeesa lagheaneedeanyu, gagasa eakghaambiit ASEETEANYU, was lagheaneeda lealeanoodeanyu,

2 SAMWELI 22:49

ak gooruunean jarooda aba jeeda weajoodigeasu; hean gidingean heetiyeada daneawna weajoodigeasu, ak giighuuyaan aba heeda fuga jala.

2 SAMWELI 22:51

Ghoadaw sugoocheandaanyi lealeanooda haw, ak goohiimsa bariinyeagaaschi bea huumwa siidaanyi simwaar, Dawdi ea jeacheangaaschi damanda manda muudeanooda.”

2 SAMWELI 23:3

ASEETA Israeli nibalool, lagheaneeda haw bea Israeli niyeeshiinean: siida iimida madeeda buuneeda nea ghoahaaghwa muuchi, ak ghoahaaghwiida buuneeda gheawalmeeda ASEETA,

NYIIGHEEGA 14:6

Ak ghoapwaaspwaaschi girgweageeda siida ng'arng'ar, nea NG'UTAMIIDA ea heeda mang'awiisa.

NYIIGHEEGA 140:1

Ea NG'UTAMIIDA, lealnean aba heeda siida muy; aghuuhaan aba heeda siida ng'ooweata,

NYIIGHEEGA 140:11

Siida beera buuneeda adagamnyeen aba jeeda ng'eanyiida; ak munyinda ea danyasa fuga ng'ooweata ak ghwalas uhuuda!

NYIIGHEEGA 140:4

Ea NG'UTAMIIDA, ahaaghwanaan aba heeda geatinga siida muy; aghuuhaan aba heeda siida ng'ooweata, was gea bada giischoordeayda geeshteanyu.

NYIIGHEEGA 142:4

Ng'ula meatkweeda geatinda dugwa ak gidaahi, aba gideaba manda siida nalan; ak ea manda heeda jea dafuysa geaw, ak ea manda siida ahaaghwanaan.

NYIIGHEEGA 144:2

niny siida eaduupcheewi ea hilgweandeanyu majeek, niny gheenyu majeegi ea lealnoocheandeanyu, niny igeamboodeanyu ak ea dea eafuysi geawi, was dea joara eemoojiga ak ghwayiin hiing'eadaydeanyu.

NYIIGHEEGA 18:2

NG'UTAMIIDA niny lagheaneedeanyu hawi, ea hilgweandeanyu, ea lealnoocheandeanyu, ASEETEANYU, ea lagheaneedeanyu was dea eamng'awsi, igeamboodeanyu eadiinyi, ak ghoahaaghwanaan ak ghwanung' daba seayu.

NYIIGHEEGA 27:5

Aba gideaba gayghafunyan aba jirooneadaanyi aba eaweeda sawanadeeda; gaygookwealan aba jeeda udahabeascheandaanyi, gaygookwealsean maheemajeandaanyi, ak ghoaghuuhan aba uhuuda lagheaneeda haw.

NYIIGHEEGA 28:7

NG'UTAMIIDA uurdeanyu gil ea igeamboodeanyu; ak ghaghus gurooroodeanyu; ak ea siweadan, ak gahoosasa gurooroodeanyu, ak aba duumdeanyu gaydabadiischeesa.

NYIIGHEEGA 3:3

Nea ang'iing'i, Ea NG'UTAMIIDA, guwoosi igeambooda aba meadajeegeasu sean, giigheambiiteanyu, ea dea gatkat uhuudeanyu.

NYIIGHEEGA 32:7

Ang'iing'i guwoosi igeamboodeanyu, ang'iing'i giihaaghwanaan damanda sawanadeeda, gajaneaweesean duumjeenga lealeanooda.

NYIIGHEEGA 46:1

ASEETA aba heedeanya dea simng'awiisi gil ea uurda, niny musanyeanda niny weeteanya bea galeagasean aba damanda sawanadeeda.

NYIIGHEEGA 46:11

NG'UTAMIIDA bea lugweega gwanda heedeanya; ASEETA Yakobo dea simng'awiisi.

NYIIGHEEGA 46:2

Ak ea majeabeala earapeadi yamwa ng'eanyiida ak eara gwaduumduum ng'eanyiida nea goobeedeaysa giijeega bugusta basooda;

NYIIGHEEGA 46:7

NG'UTAMIIDA bea lugweega gwanda heedeanya; ASEETA Yakobo dea simng'awiisi.

NYIIGHEEGA 5:12

Aba gideaba ang'iing'i gajadawa ghawooda siida doabiiwaat, Ea NG'UTAMIIDA, bariinyeagaagu gwadiiy saawa gawuurji gili diiy igeambooda.

NYIIGHEEGA 55:9

Ea NG'UTAMIIDA, eaniyean lasa uhuuda, ak gidatasi iita nyaawa; aba gideaba naadaayi ghabasta ea foolayda aba mujiini.

NYIIGHEEGA 59:16

Ak aniini gaydasarman uurdaang'u sakteayda; gaydasarman bariinyeagaagu aba hooseaneega. Aba gideaba ang'iing'i guwoosi igeamboodeanyu ea heeda eamng'awsi damanda sawanadeedeanyu.

NYIIGHEEGA 61:3

aba gideaba ang'iing'i guwoosi heeda eamng'awsi, gheeda majeek jea ghoadeal weajoocheanda.

NYIIGHEEGA 71:7

Naahuuyi siida sigala aba heeda fuga saang'a, aba gideaba guwoosi siida majeek ahaaghwanaan.

NYIIGHEEGA 72:14

Ak gaygwalealna eaweega nyaawa jeeda sawanadeeda ea ghabasta, nea foojeanda nyaawa gaba sheayeeda haw aba madeadaanyi.

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

NYIIGHEEGA 84:9

Ea ASEETA was igeamboodeanya; ng'ula gheamamda siidaang'u imwaari!

NYIIGHEEGA 86:14

Ea ASEETA, fuga ghwarjeeda nupka ng'ucheedeanyu; nea fuga bwat geat ng'weani gagasa eaweegeasu, ak ea mwayiinyi madeeda gheanyanga nyaawa.

NYIIGHEEGA 9:10

Nea fuga nal gheawungaagu ghwayiin ghusooda nyaawa badaydaang'u, aba gideaba ang'iing'i, Ea NG'UTAMIIDA, mii nung'usiina heeda fugiga gaseadayeeyiin.

NYIIGHEEGA 9:9

NG'UTAMIIDA heeda mang'awiisa fuga sisawani, heeda simng'awiisa damanda sawanadeeda.

RITEAYDA 15:2

NG'UTAMIIDA uurdeanyu gil ea sarmeedeanyu, ak ea niiw lealeanoodeanyu; nih ASEETEANYU ak gaydaduumsa, niny was ASEETA bwaabwa, ak gaydaaghaambiit niny.

GHWASIILDEANGA 18:10

Gheawunga NG'UTAMIIDA hilgweanda majeek gil, siida doabiiwaat iifachsa gaygaba seayu.

GHWASIILDEANGA 30:5

Gili nyooh ea ng'asheanda ASEETA gil sisikteawa, niny igeambooda gil aba giika mwasiin.

ISAYA 12:2

“Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.”

ISAYA 32:2

Gaygaba siisi uurji heechea eefuysa geat aba jeameeda, ak gawuurji heechea eefunya geat aba roopta jeameeda, ak gawuurji eeniga mida beega mida ng'eanyiida ghajaam, ak gawuurji jirooneeda lagheaneeda haw mida jeeda dareapcheeda.

ISAYA 45:21

Arukuni iidi nea ghoatahaachi, ak goorugu iiteang'wa; nea gooyeasi iheenga hijagi! Siida ghayi bean gwarugu ng'asheesu bunuun ng'eaha? Ghayi ng'asheesu gwarugu ng'eaha? Neada ea mii aniini, NG'UTAMIIDA? Ak ea manda aseeta nuut geakghusan, aniini geawooschi ASEETA doabiiwaat ea lealnoocheanda, manda nuut geakghusan.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 16:9

Aba gideaba gwayi NG'UTAMIIDA bea lugweega, was ASEETA fuga Israeli: Ng'ula gaydaang'aamwa hiji bea madeedeang'wean ea madeeda eawoojigeagwean giijuureanda rearga ea hooseaneega, ea nyeashta orjeeda geeshi ea sibeeda.

Lukka 1:47

Nea guroroodeanyu gahoosasa ASEETA was lealnoocheandeanyu

Lukka 1:69

nimiinda gujaweeda lealnooda aba jeeda gheeda soomjeandaanyi was Dawdi,

Lukka 1:71

ak gajeelealnaneasa heeda weajoodigaasa, ea geatinga fuga sean sideasa;

GIIPKEATA DIIGHEANDA 32:37

Hean gaygwayi, ‘Gwanda yeenu aseecheeka nyaawa, harearacheandida mang'awsean.

GIIPKEATA DIIGHEANDA 32:4

“Niny harearacheanda, gadiyeadaanyi ea hidaat aba gideaba naweadingaaschi sean ghwadoabiiw. ASEETA doabiiwaat, mandeawana ng'asheega munyas, niny ea doabiiwaat gaba ng'asheega doobiiweadi.

GIIPKEATA DIIGHEANDA 33:29

Ng'wanaweagaagu, Ea Israeli! Dea uurjeewaneey ng'eaha, fuga lealu NG'UTAMIIDA, was igeamboadaang'u weanyi, ea ng'uta giigheambiitaang'u! Weajoodigaagu gayghapka nea ghoawal gheang'daang'u, ak gajaleapsiina ng'eanyi heanyaawa mida humng'eeda.”

Ditto 3:4

Ak miyinda ea bariinyeega ASEETA was lealnoocheandeanya geataajiit,

Ditto 3:6

nea gagoaneasa nea gooheedu aba naweeda Yesu Gristoyda was lealnoocheandeanya,

Ebraniya 2:13

Nea gicha, “Gaydayiin masaweegeasu heeda ASEETA.” Nea gicha, “Aniini geandi hiji, ak ea nigoonan ASEETA diibiga.”

1 SAMWELI 2:1

Hean eara ghamwaash ghawooda nea gwayi, “Gurooroodeanyu gahoosan aba heeda NG'UTAMIIDA; nea uurdeanyu ghoaghaambiit NG'UTAMIIDA. Ghuuteanyu gwajuuga weajoodigeasu, aba gideaba geahoosanyi aba jeeda lealeanoadaang'u.

1 SAMWELI 2:2

“Manda siinuut ghaydit ea gawuurji NG'UTAMIIDA, manda siinuut murdeadaang'u; ak ea manda lagheaneeda uurji ASEETEANYA.