2 SAMWELI 22:1 - Bibliyeeda Ghaydit

¹ Ng'ata goobalool Dawdi NG'UTAMIIDA ng'asheegeaba duumi eaweeda lealna niny aba geatinga weajoodigaaschi sean, sea geatinga Sawli.

2 SAMWELI 22:1 Mawu Ofanana

2 SAMWELI 12:7

Gwayeesha Natani Dawdi, “Siida ang'iing'i. Asi gwarugu NG'UTAMIIDA, was ASEETA Israeli, ‘Aniini ghaamwaarjeey huwa sugoocheanda jea goombal Israeli, ak ghaaghuuhaneey geatinga Sawli;

2 SAMWELI 22:49

ak gooruunean jarooda aba jeeda weajoodigeasu; hean gidingean heetiyeada daneawna weajoodigeasu, ak giighuuyaan aba heeda fuga jala.

1 DAMANYOOJIGA 16:7

Iimuchu eaweedida ghwanung' Dawdi ghanyi eesarman duumda badiischeesiinda NG'UTAMIIDA nea gamiineadaysa Asafu sea buweadeagaaschi.

NYIIGHEEGA 34:19

Sawanaduutka fuga doobiiweadi aasaang'a; ak gaygwalealna NG'UTAMIIDA suh seaniin.

NYIIGHEEGA 50:14

Adawa ASEETA lukghumajeega badiischooda, ak giidawi haleanjeeda iradi ASEETA haw bea humng'eeda;

RITEAYDA 15:1

Ng'ata gwasarmasa Musa sea fuga Israeli NG'UTAMIIDA, nea geeyi, “Gaydasarmasa NG'UTAMIIDA, aba gideaba ea ghaambiidaat muuchi, nea faraasajeega ea siida ding'da gwahisa jeeda basooda.

2 Goriinto 1:10

niny ghoaghuuhaneasa jeeda washta haw bea miyeeda, ak gaygabiikta ghoaghuuheasa; nea aseasa ea sirarji niny gideaba gaygabiikta ghoaghuuheasa.

GIIPKEATA DIIGHEANDA 31:30

Hean gwarukusa Musa fuga bwatgeat sean bea Israeli ng'asheegeaba duumi ea ghwayiiy aba iidiga nyaawa:

2 Dimoteo 4:18

Ak gaygwalealneani Ng'utamiida aba ng'asheanda wassean muy, ak gayghaghamwadan ea dahita gheambalmeadaanyi bea humng'eeda. Giigheambiita daanyi gil ea ghoah eaweega manda muudeanooda. Amin.

FUGA LAJA GIRGWEAGUUTKA 5:1

Ng'ata Debora ea Barakeeda was orjeeda Abinoamu gwasarman eaweecheandida nea gwayi:

1 SAMWELI 23:14

Ng'ata goobiida Dawdi heeda funyaat aba dareapcheeda aba ng'eanyiida heayeeniga mida dareapcheeda Sifu. Ak gagaseadayi Sawli galeagasean, ak ea mwayiina ASEETA geatingaaschi.

1 SAMWELI 24:15

Gagasa ghoah NG'UTAMIIDA siida jea ghwalach girgweageeda, ak ghwalach girgweageeda aba dageascheedeanyu ea daang'u, ak ghwadaah nea gabassa ng'asheega ghuuteanyu, ak gwalealnanean geatindaang'u.”

1 SAMWELI 25:29

Nea eara ghang'eat buuneeda nea gagasa eaweagaagu, eaweega ng'utamiideanyu gajeerasa jeeda shageeda eaweega sea NG'UTAMIIDA, was ASEATAANG'U; nea eaweega weajoodigaagu ea gea jea gwahisa jarooda gawuurji gili sihisteawa makeamooda.

1 SAMWELI 26:24

Ng'ula, eaweagaagu ghang'alda askweareani aba madeedeanyu, ak gidabal ghang'alda eaweegeasu aba madeeda NG'UTAMIIDA, ak gooheeleewanean ng'asheega sean munyas.”

1 SAMWELI 27:1

Hean gwayi Dawdi aba jeadaanyi, “Eaweecheanjagi gayghabwaran Sawli; ak ea manda gidang'al gideaba gaydawapta dawa ng'eanyiida Filisti; ak abeeda gaygabur Sawli aba gassoodeanyu aba jeeda moonghajeega Israeli, ak gaydamng'awa geatindaanyi.”