2 SAMWELI 21:7 - Bibliyeeda Ghaydit

⁷ Ak ghoaghu sugoocheanda Mefibosheti orjeeda Yonatan was orjeeda Sawli, aba habeawooda NG'UTAMIIDA mida dageascheeda nyaawa, dageascheeda Dawdi ea dea Yonatan orjeeda Sawli.

2 SAMWELI 21:7 Mawu Ofanana

2 SAMWELI 16:4

Hean gwayeesha sugoocheanda Siba, “Ng'ula, haleanjeeda sean bea Mefibosheti ghamneawa gaagu.” Gwayeesha Siba, “Aniini geamuscheey gideaba; nung' danyas alooheeda aba madeadaang'u, ng'utamiideanyu was sugoocheanda.”

2 SAMWELI 19:25

Hean damanda wuna Yerusalemu gwaroonyi sugoocheanda, ghwalamda sugoocheanda ak gwayeesha niny, “Ghwasaan ang'iing'i inyas meeteayeeni sea aniini, Mefibosheti?”

2 SAMWELI 4:4

Nea abeeda orjeeda Sawli was Yonatan gwandeawa orjeeda badeeda. Abeeda gaba gweanyeew muut damanda hitaawa iita, Sawli sea Yonatan ng'eanyiida Yesreeli; ak ghwaat huda areeri ak gamng'aw; iidu damanda fwaja nea ghwalamwach, ghoabeada ak ghwanyas badeeda. Ak geeguura gheawungaaschi Mefibosheti.

2 SAMWELI 9:1

Hean gwayi Dawdi, “Gudugwanda siida abit aba jeeda gheeh Sawli, jea deahiimsa alooheeda leabu heeda Yonatan?”

2 SAMWELI 9:10

Nea ang'iing'i sea orjoagaaschi sea fugaaschi bea gadiyeeda gaygabarsa ng'eanyi niny, ak gaygweadu booga nyas, ak abeeda ghwanyas orjeeda siidaang'u haw mukaateeyda jea ghwaak; nea Mefibosheti was orjeeda siidaang'u haw gaygweagiischeewa galeaga sean badayda measeedeanyu.” Abeeda Siba gwandeawa orju damanamuut ea fih diktam bea gadiyeeda.

2 SAMWELI 9:6

Nea Mefibosheti orjeeda Yonatan, was orjeeda Sawli ghwahidu heeda Dawdi, ak ghoabeada ak ghabwada jih ng'eanyi ak gamus aba mureeda. Ak ghwalamda Dawdi ak gwayeesha, “Mefibosheti!” Ak ghwasha nea gwayeesha, “Ng'ula siidaang'u bea gadiyeeda.”

2 SAMWELI 9:7

Hean gwayeesha Dawdi niny, “Adibeali, aba gideaba gaydaahiimneey inyeanda jeeda aba badayda gweanu was Yonatan, ak gaydeadeelneey ng'eanyiisean ghayi bea Sawliheeda was gweanu; ak gajagiisacheena aba measeedeanyu galeaga sean.”

REEKUSIINDA 8:2

Aniini geayeenyi, Ang'waanya diigheanda sugoocheanda; nea nih gweagu habeawooda iyeaksi ASEETA.

1 SAMWELI 18:3

Hean gwasin Yonatan neajeeda sea Dawdi, aba gideaba ghabwariiyda niny gidabwariiyda gurooroadaanyi.

1 SAMWELI 20:12

Gwayeesha Yonatan Dawdi, “NG'UTAMIIDA, was ASEETA Israeli gagasa ghoah muushoocheanda! Damanda jea danyaasha numuji damanda uurji nih, ghana eaweeteaba samwagu, ng'ula, iideepa gwanda ng'asheanda miy haguuw Dawdi, abeeda gwachi ea maydeaneey iita ak gearukuneey ng'asheanji?

1 SAMWELI 20:15

ak ea adigeandi bariinyeagaagu aba gheenyu damanda manda muudeanooda. Aba damanda jea gooheeleewa NG'UTAMIIDA giliwas sih was weajoodiga Dawdi aba badayda ng'eanyiida,

1 SAMWELI 20:17

Ak ghwanung' Yonatan ghwaak Dawdi habeawooda gicha aba gidabwariiyda niny; aba gideaba ghabwariiy niny gidabwariiyda gurooroadaanyi.

1 SAMWELI 20:42

Ng'ata gwayeesha Yonatan Dawdi, “Una nea gibea hoyyoo, ‘ak gaygwasikteawa NG'UTAMIIDA gideaba ang'iing'i ea aniini, ea jeacheangaagu ea geasu, gayghoang'waay neajeeda ghaydit damanda manda muudeanooda.’” Ghang'eat Dawdi gawa, ak ghang'eat Yonatan gawa mujiini.

1 SAMWELI 20:8

Asi sisiina siidaang'u bea gadiyeeda ng'asheega miyaas, aba gideaba niyeadu siidaang'u bea gadiyeeda jeeda neajeadaang'u ghaydit sea ang'iing'i. Ama deepa gwanda heedeanyu giidiinyeanda, abeeda ginuuschean ang'iing'i; aba gideaba ghwasaan inyas gajaadaan heeda gweanu eenuusan?”

1 SAMWELI 23:18

Ak gwasin fiisu duwaawiin neajeeda aba madeeda NG'UTAMIIDA; ak goobiida Dawdi Horeshi, nea gawa Yonatan ghoah.

1 SAMWELI 24:22

Ng'ata gweaksa Dawdi habeawooda Sawli. Ng'ata gawa Sawli ghoah, nea Dawdi sea fugaaschi gaweay heeda ghayi fuysa geat.