2 SAMWELI 21:1 - Bibliyeeda Ghaydit

¹ Iimuchu ghang'eat geejeeda gweanyeew samwagu aba damanda Dawdi, iing'ata gweanyi ak ghwahidu gweanyi; ak ghamwaash Dawdi NG'UTAMIIDA, “Sawli ea fugeaba gheanyi gaba riing'a niihiida foojeanda, aba gideaba nibwar fuga Gibeoni.”

2 SAMWELI 21:1 Mawu Ofanana

GIING'EETA 12:10

Muchu ghang'eat geejeeda aba jeeda ng'eanyiida. Hean ghang'eat Abramu gwararang'eesa ng'eanyiida Misri ak ghoah rabascheanda aba ng'eanyiita gili nuwaas aba gideaba ghwaraanya geejeeda aba jeeda ng'eanyiida.

GIING'EETA 26:1

Iimuchu ghang'eat geejeeda aba jeeda ng'eanyiida, nea gabassa geejeeda ghayi bea madeeda bea damanda Abrahamu. Ak ghang'eat Isaka gawa ng'eanyiida Gerari, heeda Abimeleki was sugoocheanda Filisti.

GIING'EETA 41:57

Ng'ata ghapka fuga leabu muunda ng'eanyiisean heeda Yosefu ghwasha booga, aba gideaba ning'waaniit geejeeda aba muunda ng'eanyiisean.

GIING'EETA 42:5

Hean ghapka orjooga Israeli ghwasha booga, nea goodeana suuk, aba gideaba gwanda geejeeda ng'eanyiida Ganaani.

GIING'EETA 43:1

Abeeda nea ning'waaniit geejeeda aba jeeda ng'eanyiida.

2 SAMWELI 16:8

Niwaldaaweey NG'UTAMIIDA mureandooda aba badahuukeagwa oogasean aba foojeanda gheeh Sawli, ghayi imbali hoorgeadaanyi; ak ghoadaw NG'UTAMIIDA sugoocheanduumeeda geatinga orjeedang'u was Absalomu. Daaha, ang'iing'i geegeananeey jeeda munyindaang'u; aba gideaba guwoosi siida foojeanda.”

2 SAMWELI 20:26

nea Ira bea eemeeda Yairi eara niny abeeda ashoohoocheanda Dawdihi.

2 SAMWELI 21:5

Gwayeesha saawa sugoocheanda, “Siidida gagasa ghwalas uhuudeanya ak ea moabuuda eara sih aba jeedeanya aba ng'eanyiida Israeli,

2 SAMWELI 24:1

Muchu gabiikta ghang'eat nyarasta NG'UTAMIIDA aba badayda Israeli, ak ghwanung' Dawdi ghwanyas sawanadeeda saawa, ak gwayeesha, “Una, ak giyiidayi fuga Israeli ea Yuda.”

2 SAMWELI 5:19

Ng'ata ghoanyaashta Dawdi aba heeda NG'UTAMIIDA, “Aniini gaydawa dang'uchi fuga Filisti? Gajiina saawa geatingeasu?” Ghwalamda NG'UTAMIIDA ak gwayeesha Dawdi, “Una, aba gideaba aba huumwa gaydayiin fuga Filisti geatingaagu.”

2 SAMWELI 5:23

Iidu nea gamus Dawdi NG'UTAMIIDA, gwayeesha, “Adiidu gischeang'di; ang'iing'i laabwana bwadaw, ak guweesi saawa aba madeeda geeta loongeanda.

1 SUGOODIGA 17:1

Hean Eliya bea eemeeda Dishbi, bea ng'eanyiida Dishbi mida Gileyadi, gwayeesha Ahabu, “Gidamideata NG'UTAMIIDA was ASEETA Israeli, aamiinaadi aba madeedaanyiin, maygwanda rahooda ea roopta aba gweanyeeksu, ea eaghus aba ng'asheandeanyu.”

1 SUGOODIGA 18:2

Hean gawa Eliya ghoahiimda geaw aba heeda Ahabu. Nea abeeda ea haw geejeeda aba ng'eanyiida Samariya.

2 SUGOODIGA 6:25

Iidu ghang'eat geejeeda ng'waan aba ng'eanyiida Samariya ea gwaneaweesa, ea gwadiyeada sheayeeda haleanjeeda. Inyeesa uhuuda digeeda geeshaaydaawa lapiyaji haradam nea fiyeega ghariibajeanda beachi jeeda ganakooda geeshaaydaawa lapiyaji iyeenya ea shiliingaji muut.

2 SUGOODIGA 8:1

Abeeda Elisha niyeesha gatmoodida ghayi adiidu orjeedaanyiin, “Ng'eada ak guwi ang'iing'i ea fugeaba gheang'u abalaga aweayeena ng'eanyiinuut ak gaywoosa rabascheanda aba hoowa. Aba gideaba NG'UTAMIIDA gayghwanung' ghwahidu geejeeda jeedeaba ng'eanyiini gweanyeew ispwa.”

AYUBU 10:2

Gaydayeesha ASEETA, adiirgweaksean, nung' danal gida jea eesheang'nyeewana.

NYIIGHEEGA 27:8

Ak giyeeni ang'iing'i, “Agasa gheamamdeanyu.” Gwayi gurooroodeanyu aba badaydaang'u, “NG'UTAMIIDA, gaydagasa gheamamdaang'u.”

NYIIGHEEGA 50:15

guurnean eaweeda sawanadeeda; gaydalealneey, ak gajaghaambiidaan.”

NYIIGHEEGA 91:15

Gaygaguurnean ak gaydeariip ghuutaanyi; gaydandeawa niny aba jeeda sawanadeeda, gaydalealu ak ghaadawji mureeda.

NG'ASHEEGA LAWI 26:26

Gaydanung' ghwahidu jalooda ng'waan ak gayghoawu gadeem damanamughuush mukaate aba dahuunagi, ak gaygagooneegwa mukaateeydeang'wa gicha nea goodeen; ak ghoayaaji, ak ea majalang'uuda.

IITOODA 27:21

Ak gayghamiinaada aba madeeda Eliyasari was ashoohoocheanda, ak gaygwarukusa niny gideagasayi nea gwarukusiina Urimu ea Dumimu aba madeeda NG'UTAMIIDA; ak aba ng'asheandaanyi gaygwarita, nea aba ng'asheandaanyi gayghapka ghoah; niny sea fuga sean bea Israeli, sea girgweageeda sean.”

YOSHUWA 7:1

Ak fuga Israeli gwasin riing'eeda aba badayda haleanjeeda siikghaydiit; aba gideaba Akaniheeda was orjeeda Garmi, bea Sabidi, bea Sera, bea eemeeda Yuda, gageanda haleanjeeni ng'ay siikghaydiit; ak ghwanyareas NG'UTAMIIDA aba badayda fuga Israeli.

YOSHUWA 9:20

Nih gajeesisiina saawa, ak geanung'waadi saawa goobiida, aba gideaba adiidu ghwahidu nyarasta ASEETA badaydeanya aba habeawooda siyeaksi saawa.”

RUTI 1:1

Nea aba damanda ambaliischeewa fuga laja girgweaguutka abeeda gwanda jeeda ng'eanyiida geejeeda, ak siyagi bea Betlehemeeda Yuda gawa ghamway ng'eanyiida Moabu, niny ea gatmoadaanyi ea orjoagaaschi asiyeenya.

1 SAMWELI 10:22

Iidu geebiikta eegasa aba heeda NG'UTAMIIDA, “Gudugwanda sih nuudi?” Gwayeesha NG'UTAMIIDA, “Ng'ula, ghafuy geaw aba jeeda dabita.”

1 SAMWELI 23:11

Neada fuga Geila gayghwayiinan geatingaaschi? Neada Sawli gayghwararang'aanda gida iing'da siidaang'u bea gadiyeeda? Ea NG'UTAMIIDA, ASEETA Israeli, geamuscheey, rukusiina siidaang'u bea gadiyeeda.” Ak gwayi NG'UTAMIIDA, “Gayghoan.”

1 SAMWELI 23:2

Ng'ata ghoanyaash Dawdi NG'UTAMIIDA, “Gaydawa dang'uchi fiisu bea Filistiin?” Gwayeesha NG'UTAMIIDA Dawdi, “Una ak ging'ucheewi fuga Filisti ak giighuuhi mujiineeda Geila.”

1 SAMWELI 23:4

Ng'ata gabiikta Dawdi ghoanyaash NG'UTAMIIDA. Ak ghwasha NG'UTAMIIDA ghuutaanyi nea gwayeesha, “Ng'eada, ng'ucheewana fuga Geila; aba gideaba gaydayiin fuga Filisti geatingaagu.”