2 SAMWELI 20:6 - Bibliyeeda Ghaydit

⁶ Iidu gwayeesha Dawdi Abishayi, “Asi ghamneawa Sheba orjeeda Bikri gaygwasimaneasa ng'asheega munyas suuk ea ghwasuut Absalomu; geanda fuga gadiyeeda ng'utamiidaang'u ak gimaseawi niny, adiidu gawa jeesinga mujiinajeega hees, ak ghwanung' eanyasa sawanadeeda.”

2 SAMWELI 20:6 Mawu Ofanana

2 SAMWELI 10:14

Iidu nea ghwadaah fuga Amoni gideaba gamng'aw fuga Shaamu, hean gamng'aw eara saawa aba madeeda Abishayi, ak gaweay jeeda mujiini. Ng'ata gabiikna Yoabu ng'ucheeda fuga Amoni, ak ghwahidu Yerusalemu.

2 SAMWELI 11:11

Ghwalamda Uriya ak gwayeesha Dawdi, “Sandakwajeanda neajeeda ea fuga Israeli ea Yuda goobiita jeesinga meandoojiga; nea ng'utamiideanyu was Yoabu sea fuga gadiyeeda ng'utamiideanyu gwanda ng'eanyiida eesh; asi gaydawa gheenyu, ak geayeagiischi nea gealeeshi, ak gealuudayeewi gatmoodeanyu? Aba gidiibiideati, ea gidabiideata gurooroadaang'u, maydasin ng'asheanji.”

2 SAMWELI 18:12

Ghwalamda siida ak gwayeesha Yoabu, “Eara gwachi goobissa geatindeanyu shiliingaji sagalama, maydeaheaksa geatindeanyu orjeeda sugoocheanda; aba gideaba geayiinyi nea gwarukuneey sugoocheanda ang'iing'i ea Abishayi ea Itayi gideaba, ‘Adiidu gisawani Absalomu aba badaydeanyu.’

2 SAMWELI 18:2

Ak ghwanung' Dawdi gaweay lugooda, nea nibwaash geenga ghoah samwagu, geahagi goombal shirikarajeanda haw siguura Yoabu, nea geedeaba iyeenya goombal shirikarajeanda haw siguura Abishayi was orjeeda Seruya, was orjeeda geenyea Yoabu, nea geedeaba samwagu ghwanung' goombal shirikarajeanda siguura Itayi bea eemeeda Giti. Ak gwayeesha sugoocheanda buuneeda, “Eara aniini gajeeteayeena sea agooga.”

2 SAMWELI 19:7

Asi ng'eada ghamneawa, ak giriti abaloola fugaagu bea gadiyeeda nea giijiileesi; aba gideaba aniini ghaayaaji habeawooda aba badayda NG'UTAMIIDA, aba gideaba iimuwani, ea manda siida jea mideawana eaweani; ak gaygamunyiit ng'asheanji aba headaang'u ea ghwanaawa ng'asheega sean munyas ghayi ninyasi ghang'eada hisiindaang'u bea heeda ea ghoah ghamneawa.”

2 SAMWELI 2:18

Abeeda gwanda hoowa orju samwagu bea Seruya nea Yoabu gil, ea Abishayi sea Asaheli. Nea Asaheli ea asasiida geeshanga gea darweeta;

2 SAMWELI 21:17

Hean ghwahidu Abishayi was orjeeda Seruya ak ghaweat, ak gang'uchi siida Filisti ak ghabwar ghami. Ak ghwaak habeawooda fuga Dawdi nea gwayeesha, “Maygudu rita eeteayeena ng'ucheeda, gajiidu ginuusi gheaboong'nyeanda Israeli.”

2 SAMWELI 23:18

Abeeda Abishayi, bea geenyea Yoabu, orjeeda Seruya abeeda niny goombal fih diktam ea damanamughuush. Ak gooyuuk ng'utaanyi aba jeeda fuga nyiit bughalaji samwagu ak ghabwar gameewa, ak gwaheedu gheawungaaschi aba jeeda fuga asamwagu.

2 SAMWELI 3:30

Hean ghabwar Yoabu sea Abishayi was orjeeda ghaamwat Abneri, aba gideaba nibwar orjeeda ghaamwat was Asaheli aba ng'ucheeda Gibeoni.

2 SAMWELI 3:39

Nea askweareani geawooschi ng'arng'ar, earapeadi simwaaran doaw sugoocheandean; nea fiisu was orjooga Seruyaan ea hang'oonyi aba heedeanyu. Dawalda NG'UTAMIIDA munyinda siida muy gawuurji giteena giidiinyeandaanyi!”

1 SUGOODIGA 1:33

Hean gwayeesha sugoocheanda, “Ayaada fuga gadiyeeda bea ng'utamiidaang'u, ak gootiing'si orjeedeanyu was Sulemani badayda faraaseedeanyu, ak gooteayeewi ea gwararang'eesa Gihoni;

1 DAMANYOOJIGA 11:20

Hean Abishayi, was orjeeda geenyea Yoabu, ghoah siida ambal fih diktam ea damanamughuush. Ak gooyuuk ng'utaanyi ak gang'uchi fih bughalaji samwagu ak ghabwar, ak gwaheedu gheawungaaschi aba jeeda fuga assamwagu.

1 DAMANYOOJIGA 18:12

Abishayi, was orjeeda Seruya ghabwar fih sagalamnyooji damasis bea eemeeda Edomu aba mwangwachiyda Balang'da.

YEREMIYA 8:14

Ghwasaan anda gudeepiidana hiji? Eemughuusha geat, ak geeweayi jeeda mujiinajeega mideawa hilooga ak geeshealsi hoowa, aba gideaba NG'UTAMIIDA was ASEETEANYA nimwas miyeedeanya, nea ea nigooneasa beega mideawa furooda, aba gideaba sisissi NG'UTAMIIDA riing'eeda.

Marko 3:24

Sugoocheanduumeeda iimaweechi sugoocheanduumeeni ea maygahuweada.

1 SAMWELI 26:6

Ak gwayeesha Dawdi Ahimeleki was siida eemeeda Hiti, ea heeda orjeeda geenyea Yoabu siguura Abishayi orjeeda Seruya, “Gaydeadeayi ng'eaha eararang'aada eeweaya jeeda museasooda heeda Sawli?” Ghwalamda Abishayi ak gwayeesha, “Gajeeteayeena sea ang'iing'i.”