2 SAMWELI 2:8 - Bibliyeeda Ghaydit

⁸ Nea Abneri, was orjeeda Neri, was shirikarajeanda haw bea Sawli, ea nigeanda Ishbosheti orjeeda Sawli, ak ghwaat giigheawda ng'eanyiida Mahanaimu;

2 SAMWELI 2:8 Mawu Ofanana

GIING'EETA 32:2

hean nea ghwadaah Yakobo malaykajeegiga gwayi, “Suh lugooda ASEETA!” Ak gaguura gheawungeaba ng'eanyiita Mahanaimu.

GIING'EETA 32:3

Ak goojeakta Yakobo giijasoodiga goosheeda gaweay heeda Esawu was orjeeda ghaamwat aba ng'eanyiida Seyiri, was ng'eanyiida Edomu.

2 SAMWELI 17:24

Muchu ghwaan Dawdi ea ghwahidu heeda Mahanaimu. Ak ghoaghaawa Absalomu Yordani sea buuneesean bea Israeli.

2 SAMWELI 2:29

Hean gawa Abneri sea fugaaschi eaweesean nea gwasik dageascheeda Araba; ak ghoaghaawa Yordani, ak ghwahita Mahanaimu.

2 SAMWELI 2:7

Asi ghamneawa, gidabal geayiin geatingeagwa uurda, nea ghoahuuyi daruuschi; aba gideaba Sawliheeda was sugoocheandeang'wa nimi, ak ea niimwaaran gicha fuga gheeh Yuda doaw sugoocheanda jea goombaleegwa.”

2 SAMWELI 3:38

Ng'ata gwayeesha sugoocheanda fugaaschi bea gadiyeeda, “Agooga moanali gideaba sugoocheanda ea siida haw niibeedeayi askweareani aba Israeli?

2 SAMWELI 3:6

Abeeda aba damani gwanda ng'ucheeda dageascheeda fuga gheeh Sawli sea fuga gheeh Dawdi, abeeda ghwanyas Abneri uurda aba gheeh Sawli.

1 DAMANYOOJIGA 12:29

Fuga dooshta Benjamini, was buweacheanda Sawli, fih sagalamnyooji samwagu, nea fuga saang'a aba jeenyaawa gwasissa mureeda gheeh Sawli.

1 DAMANYOOJIGA 12:30

Fuga Efraimu sagalamnyooji diktam ea bughalaji sis, fuga mideawa uurjeenga meanyi, was fuga hees aba gealga ghweaniga nyaawa.

1 DAMANYOOJIGA 8:33

Neri gwaji Gishi, ak Gishi gwaji Sawli, ak Sawli gwaji Yonatan, ea Malkishuwa, ea Abinadabu, ea Eshbaali;

1 DAMANYOOJIGA 9:39

Neri gwaji Gishi, Gishi gwaji Sawli, Sawli gwaji Yonatan, ea Malkishuwa, ea Abinadabu, ea Eshbaali;

YOSHUWA 21:38

ak eemeeda Gadi, geataw Ramoti mida Gileyadi sea ng'eanyiida haghweeda nyaawa ea mujiineeda simng'awiisa aba siida bwar siida, Mahanaimu sea ng'eanyiida haghweadaanyi,

1 SAMWELI 14:50

nea gheawunga gatmooda Sawli geeguura Abinoamu was hudeaba Ahimasi. Ak gheawunga shirikarajeandaanyi haw geeguura Abna was orjeeda Neri, was orjeeda ghamagheamata Sawli;

1 SAMWELI 17:55

Daah Sawli Dawdi nea gawa gang'uchi fuga Filisti, gwayeesha Abneri was shirikarajeanda haw, “Abneri orjeeni gabeang'a?” Ghwalamda Abneri ak gwayeesha, “Ea sugoocheanda aba gidabiideata gurooroadaang'u, aniini mwaanali.”

1 SAMWELI 26:14

hean gaguursa Dawdi lugooda, sea Abna orjeeda Neri, ak gwayeesha, “Mwayshaaha gili, Abna?” Ghwalamda Abna ak gwayeesha, “Ang'iing'i ng'eaha iguuriisi NG'UTAMIIDEAN?”