2 SAMWELI 2:26 - Bibliyeeda Ghaydit

²⁶ Ng'ata gaguursa Abneri Yoabu ak gwayeesha, “Ng'uta gayghwaak buuneeda damanda manda muudeanooda? Minali gideaba iimuchu huuydeanda gayghang'waaniit? Gajeeyi bwak ea ghoah eeju gideaba ginung'waadi ea mireekusiini fugaagu ghwanung'waada eadita geeshta orjooga ghaamwat?”

2 SAMWELI 2:26 Mawu Ofanana

2 SAMWELI 11:25

Ghwalamda Dawdi ak gwayeesha siida siicheagu, “Asi gajeeshiina Yoabu, ‘Adinung' ghwanung' ng'asheanji sawanana, aba gideaba ng'uta ghwaakta nih gidakta diita; amajeega ng'ucheadaang'u aba badaydeaba mujiineani, ak gibwaanyi.’ Ak giimajeegi niny.”

2 SAMWELI 2:14

Hean ghwalamda Abneri ak gwayeesha Yoabu, “Geagasayi nung' ghang'eatng'eat gheareemang'su ak ghang'was aba madeedeanya.” Gwayeesha Yoabu, “Asaha dang'eatng'eada gaweay.”

2 SAMWELI 2:16

Ak gaba siisi ang'ooyna weajoocheandaanyi uhuuda, ak ghang'uda ng'utaanyi gisheajeega siida mida murdeeda; ak ghoabeada duwaawi. Ak geeguura gheawungeaba ng'eanyiita Helkat-hasurimu, mida ng'eanyiida Gibeoni.

2 SAMWELI 2:25

Hean ghabwat geat fuga dooshta Benjamini aba geeshta Abneri, ak ghoah lugoanagi, ak ghamiinaada aba uhuuda heayeeda.

2 SAMWELI 2:27

Ghwalamda Yoabu ak gwayeesha, “Aba gidabiideata ASEETA gwachi inyeeda ea mibalooli, gwachi gajea ninung'waada sakteayda eadita geeshta orjooga ghaamwat.”

AYUBU 18:2

“Gaygasa ng'asheega jea rukuni ea ghoah eeju? Ateemsheena muuchi ak gajeerukuna.

AYUBU 19:2

“Heapi gajoanyareasan ea ghoah eeju? Nea goohirjeawean aba ng'asheega?

NYIIGHEEGA 4:2

Ea buuneeda, mureedeanyu gajoapwaaspwaasa ea ghoah eeju? Gajabwariinya ng'asheega marachi gil ea ghoah eeju nea googaseadayi ng'uyeega?

GHWASIILDEANGA 17:14

Giing'eeta jaliida gawuurji siida sin seawadeeda aba dabascheanda beega, asi anung'waada jaliida heeda mii gaguldeawa.

ISAYA 1:20

Ama inyas ghoaheawi ak ghoaschoardi, abeeda gajealas uhuudeang'wa aba ng'uta; aba gideaba nih ginyah NG'UTAMIIDA gil.”

YEREMIYA 12:12

Fuga ghas fih niding'da iheenga heayeeniga manda gil mida dareapcheeda; Aba gideaba ng'uta NG'UTAMIIDA nihuuyda fih ghang'eada meatkweenagi bea ng'eanyiida ea gagul muudeanoodeaba niirja; Manda siida bea seayu.

YEREMIYA 2:30

Aniini naayaagi fugaagu ghoorjooda ak ea marachi gil, ak ghaheawa girgweaksinda; ak ng'utaang'u ea nihuuydeayda sibangaagu ng'adiida bearji jalooda.

YEREMIYA 4:21

Gaydang'ula beendeerajeanda ng'ucheeda ea ghoah eeju, nea ghaayiinyi nyeashta durumbeati?

YEREMIYA 46:10

Eaweedida eaweeda NG'UTAMIIDA was ASEETA bea lugweega, Eaweeda waldeayda mureandooda, ak ghawalda mureandooda niny aba heeda weajoodigaaschi. Ak gayghwaak ng'uta ea gwalang'u, ak ghwali foojeanda nyaawa ea ghwarikgh. Aba gideaba NG'UTAMIIDA bea lugweega gwanda lukghumeadaanyi wiilooda ng'eanyiida ghayeawa neekeewa eenda Furati.

YEREMIYA 46:14

“Arukwiida aba ng'eanyiida Misri, ak ghoapwaashchi iita aba Migdoli; oapwaasha iita aba Nofu ea aba Dahpanesi; nea gooyeeshi, ‘Miinaada nea guwoosi hidaat, aba gideaba ng'uta ghwaak meadajeagaagu sean.’

HOSEYA 11:6

Nea gaygoobisa ng'uta jeeda mujiinajeega nyaawa, ak gwaduudu gida sirata ghuusiga gealga nyaawa, ak gaygahuuyda sean aba jeeda ghamarda nyaawa.

Gadiyeeda Giijasoodiga 7:26

Iimuchu eaweeda bassa ghwadaah fih iyeenya bea Israeli nea gabearji hean gawa gooheeli ak gwayeesha, ‘Agooga goowooschi orjoopa gheawagi, iijea eeyi bwak ea abearjeena.’