2 SAMWELI 2:1 - Bibliyeeda Ghaydit

¹ Iimuchu nea ghang'ata ng'asheesu seaniin, ghoanyaash Dawdi NG'UTAMIIDA, gideaba, “Gaydaweesa mujiineeda wassean bea Yuda daang'waay?” Gwayeesha NG'UTAMIIDA, “Asaha una.” Ghwalamda Dawdi ak gwayeesha, “Gaydaang'waay aneeda?” Gwayeesha NG'UTAMIIDA, “Hebroni.”

2 SAMWELI 2:1 Mawu Ofanana

GIING'EETA 13:18

Muchu goobaleak Abramu maheemajeandaanyi, ak gawa goobiida murdeeda saloojiiga Mamre, mida ng'eanyiida Hebroni; hean gwasissa NG'UTAMIIDA heeda wagiida aba hoowa.

GIING'EETA 32:2

hean nea ghwadaah Yakobo malaykajeegiga gwayi, “Suh lugooda ASEETA!” Ak gaguura gheawungeaba ng'eanyiita Mahanaimu.

2 SAMWELI 15:7

Iimuchu nea gamuudean gweanyeew ang'wan ghwalamda Absalomu ak gwayeesha sugoocheanda, “Geamuscheey nung' dawa daadayda habeawoodeanyu, ghayi eayeaksi NG'UTAMIIDA, aba Hebroni.

2 SAMWELI 2:11

Abeeda damanda ambaleewa Dawdi Hebroni ambaleewa fuga gheeh Yuda gweanyeew ispwa ea sheeh lah.

2 SAMWELI 5:19

Ng'ata ghoanyaashta Dawdi aba heeda NG'UTAMIIDA, “Aniini gaydawa dang'uchi fuga Filisti? Gajiina saawa geatingeasu?” Ghwalamda NG'UTAMIIDA ak gwayeesha Dawdi, “Una, aba gideaba aba huumwa gaydayiin fuga Filisti geatingaagu.”

2 SAMWELI 5:23

Iidu nea gamus Dawdi NG'UTAMIIDA, gwayeesha, “Adiidu gischeang'di; ang'iing'i laabwana bwadaw, ak guweesi saawa aba madeeda geeta loongeanda.

1 SUGOODIGA 2:11

Nea eawoojiga ambali Dawdi fuga Israeli ghwanyiit gweanyeew haradam; goombaliischi gweanyeew ispwa aba Hermoni, ak gweanyeew diktam ea samwagu goombaliischi aba Yerusalemu.

1 DAMANYOOJIGA 29:7

Ak ghoadayda haleanjeeda aba gadiyeeda gheeda ASEETA, dahaabu dalaantaji sagalamnyooji muut, ea lapiyeeda hita sagalamnyooji damanamughuush bea dahaabu, ea lapiya dalaantaji sagalamnyooji damanamughuush, ea lagheanga sisna lapiya dalaantaji sagalamnyooji damasis, ea gharinga dalaantaji sagalamnyooji bughala.

2 DAMANYOOJIGA 11:10

ea Sora, ea Aiyaloni, ea Hebroni, mujiinajeega sineaweesa hilooga mida Yuda ea Benjamini.

NYIIGHEEGA 143:8

Nung' dayiiy bariinyeagaagu sakteayda, aba gideaba aniini ghaaghuscheeyi ang'iing'i. Anaalaan naweeda jea dasik, aba gideaba geagatkachi gurooroodeanyu gagalu headaang'u.

NYIIGHEEGA 27:4

Gwanda ng'asheanjagi eagasayi aba heeda NG'UTAMIIDA, ak ea dea jea dagasa; gideaba gaydeabiida gheeda NG'UTAMIIDA, askwearjoojiga sean aba jeeda eaweegeasu, ak geang'ulayi alooheeda NG'UTAMIIDA, nea geasikteawi aba jeeda gheanyi sibata niny.

ESEKIELI 36:37

“Gwayi NG'UTAMIIDA was ASEETA, gaygamusan fuga Israeli danung' ghwasaang'ayiit saawa ea gwadeena hawanda gisilga.

IITOODA 13:22

Ghwascheang'da ea ghwahita Negebu, ak ghwahita Hebroni; ak ghwanyas hoowa Ahimani, ea Sheshayi, ea Dalmayi, ea orjooga Anaki. (Nea Hebroni ghayi geadeas ak ghang'ata gweanyeew ispwa nea miyeadeas mujiineeda Soani mida ng'eanyiida Misri.)

IITOODA 27:21

Ak gayghamiinaada aba madeeda Eliyasari was ashoohoocheanda, ak gaygwarukusa niny gideagasayi nea gwarukusiina Urimu ea Dumimu aba madeeda NG'UTAMIIDA; ak aba ng'asheandaanyi gaygwarita, nea aba ng'asheandaanyi gayghapka ghoah; niny sea fuga sean bea Israeli, sea girgweageeda sean.”

YOSHUWA 15:13

Aba gidarukusiinda NG'UTAMIIDA Yoshuwa, gideaba ghoadaw Galebu orjeeda Yefune ng'eanyiida aba bugusta fuga Yuda, was Giriat-arba, nea Hebroni gil (Araba abeeda ghweanda Anaki gil).

FUGA LAJA GIRGWEAGUUTKA 1:1

Iing'ata miyeeda Yoshuwa goobearsa fuga Israeli NG'UTAMIIDA, “Gaygoosheeda ng'eaha gwadiyeada aba badaydeanya gaweay heeda fuga Ganaani, gang'uchi sea saawa?”

1 SAMWELI 10:22

Iidu geebiikta eegasa aba heeda NG'UTAMIIDA, “Gudugwanda sih nuudi?” Gwayeesha NG'UTAMIIDA, “Ng'ula, ghafuy geaw aba jeeda dabita.”

1 SAMWELI 23:2

Ng'ata ghoanyaash Dawdi NG'UTAMIIDA, “Gaydawa dang'uchi fiisu bea Filistiin?” Gwayeesha NG'UTAMIIDA Dawdi, “Una ak ging'ucheewi fuga Filisti ak giighuuhi mujiineeda Geila.”

1 SAMWELI 23:4

Ng'ata gabiikta Dawdi ghoanyaash NG'UTAMIIDA. Ak ghwasha NG'UTAMIIDA ghuutaanyi nea gwayeesha, “Ng'eada, ng'ucheewana fuga Geila; aba gideaba gaydayiin fuga Filisti geatingaagu.”

1 SAMWELI 30:31

ea heedeaba fugiga bea Hebronin, ea heedeaba fugiga mida hiji wassean abiita Dawdi ea fugaaschiin.