2 SAMWELI 19:8 - Bibliyeeda Ghaydit

⁸ Hean ghang'eat sugoocheanda, ak goopteada aba dooshta. Ak geerukusa buuneesean gideaba, “Ang'ula, sugoocheanda goopteada aba dooshta”; ng'ata ghapka buuneesean madeeda sugoocheanda. Aba damandida fuga Israeli niba siisi mang'awsa gheanyi.

2 SAMWELI 19:8 Mawu Ofanana

2 SAMWELI 15:2

Nea iissa Absalomu gabay ghang'eat sakteayda ak ghamiinaada aba murdeeda naweeda gal dooshta; ak iissa iimida siida mideawa ng'asheanda jea gweadu madeeda sugoocheanda eergweaksiina, iissa gaguursa Absalomu niny ak gwayeesha, “Ang'iing'i gibeahi ana mujiinajean?” Ama deepa gwayi, “Siidaang'u bea gadiyeeda gaba eemeeni ghana eemeeni aba jeeda Israeli,”

2 SAMWELI 18:17

Ak gageanda saawa Absalomu, ak gwajaksa jeeda shoomanda haw aba jeeda dareabeeta, ak geemuguushsa badaydaanyi dulgwajeanda haw bea lagheanga; ak gamng'aw Israeleesean ak gaba siisi gheanyi.

2 SAMWELI 18:24

Abeeda Dawdi goopteada aba dageascheeda dooshinga assiyeenya; ak gwading'da furiischoocheanda uhuuda ghamarda ak ghamiinaada aba heetiyeada deaschi ghuuta dooshta, hean gagatkat gheanyangaaschi ak ghoang'wearda, ghwadaah siida fwach nea gabwageaw.

2 SAMWELI 18:4

Ghwalamda sugoocheanda ak gwayeesha saawa, “Gidoadaayi gideaba ghwahit aba heedeang'wa gaydasin.” Hean ghamiinaada sugoocheanda aba murdeeda huwaneeda, nea ghang'ata lugooda nea gabadiina bughalajeega ea gea badiina sagalamnyoojiga.

2 SAMWELI 19:3

Ak ghafuy geat buuneeda eaweedida ak gaweay jeeda mujiini gawuurji fuga bwaspwas fuy geat damanda mang'aw aba ng'ucheeda.

1 SUGOODIGA 22:36

Hean gamikta aseeta ak geekuulsa jeeda lugooda sean, “Daba siisi biikta jeeda mujiineadaanyi, daba siisi biikta jeeda ng'eanyiidaanyi!”

2 SUGOODIGA 14:12

Iidu fuga Yuda ghwajoar fuga Israeli ak gaba siisi fwach gawa gheanyi.

2 SUGOODIGA 8:21

Hean ghang'eat Yehoramu ak gawa ea ghwahita Sairi. Niny ea mutukwajeagaaschi sean; ghang'eat bugusta eaweeda ak ghabwar fuga Edomu ea gea neaweesa niny ea shirikarajeega hees bea mutukwajeega. Hean gamng'aw lugoadaanyi gaweay gealga nyaawa.

1 SAMWELI 4:10

Hean gaweay fuga Filisti ng'ucheeda, ak geajoar fuga Israeli, ak gamng'aw, ak gaba siisi weah ng'eang'da nyaawa; ak geabwar fuga saang'a, aba gideaba geabwar fih sagalamnyooji diktam ea damanamughuush was shirikara beawa geeshanga.