2 SAMWELI 18:9 - Bibliyeeda Ghaydit

⁹ Iidu aba gheamamda gwaroonyi Absalomu sea fuga gadiyeeda Dawdi. Abeeda Absalomu gwading'da badayda nghataanyi, ak gawa nghata jeeda damealga hees bea geeta haw was sabiida, ak ghaghas gheata sabiida, ak geenung'wa heeda nea ghabwardaghaat ak ea maba humng'eeda nea maba ng'eanyi, nea ghabwaakghta nghata gwachi ding'da.

2 SAMWELI 18:9 Mawu Ofanana

2 SAMWELI 13:29

Ak gwasima fuga gadiyeeda Absalomu Amnoni gidarukusa Absalomu. Ak ghang'eat ng'eat orjooga sean bea sugoocheanda, ak gaba siisi ding'da nghataanyi ak gamng'aw.

2 SAMWELI 14:26

Nea iissa iireakghu uhuudaanyi ea manda heeda muy (aba gideaba iissa Iinyo goosha gweayda ghwareakghu uhuudaanyi; iissa iisaang'ayiit aba uhuuda ghwareakghu) ak goodeen buudeega uhuudaanyi, aba shiliingaji bughalaji iyeenya aba gidadeeniida sugoocheanda.

2 SAMWELI 17:23

Hean nea ghwadaah Ahitofeli gideaba geaheawa girgweageadaanyi, ghaghu digeadaanyi, ak gawa ghoah was mujiineadaanyi. Ak gwasisin gheanyi, ak ghwarata geaw; ak ghami, ak geebung'sa jeeda bung'eeda ghwaan.

2 SAMWELI 18:10

Ak gwadeagu siyagi, ak gwarukusa Yoabu gideaba, “Ng'ula, aniini ghaadaayi Absalomu nea ghabwardaghaat aba uhuuda sabiida.”

2 SAMWELI 18:14

Ghwalamda Yoabu ak gwayeesha, “Aniini mwammuusi deameas ak geabalooleey nea goosha aseeta.”

2 SAMWELI 18:8

Ak gwaheedu ng'ucheeda ea gwadarsa badayda ng'eanyiisean; ak gwaduulu dareabeeta buuneeda ea ghwanaawa fuga asha aba ng'uta.

AYUBU 31:3

Neada habitkweeda ea maygoobisa fuga mii doobiiweadi, nea ghwaak lugooda fuga sina ng'asheega munyasi?

GHWASIILDEANGA 20:20

Siida mwaashta ghwaan ghana ghaamwat, gheaboong'nyeandaanyi gaygamis aba jeeda misaneeda haw.

GHWASIILDEANGA 30:17

Siida juuga ghwaan ak gafool nea mooleeysiiniit ghaamwat, gaygang'alu gheang'daanyi udaghuuyda jeeda moangoachi, ak ghwaak diibiga murgheata.

YEREMIYA 48:44

Siida mang'awa muuwda gayghoabita jeeda shoomanda, nea siida siyeeng'na jeeda shoomanda gayghoang'waay gadageeda. Aba gideaba gaydeadu ng'asheesu seaniini badayda Moabu aba gweayda jea dalas, gwarugu NG'UTAMIIDA.

Mattayo 27:5

Hean gwahisa niny shiliingajeegiga jeeda gheeda sibata ASEETA, ak ghang'eat gawa ea mwahita ghwarata geaw.

Marko 7:10

Ghayi gwayeesheegwa Musa, ‘Sissiina gweanu ea geamadu mureeda’; nea, ‘Siida iimwaashta ghwaan ghana ghaamwat gagasa ghami.’

Galattiya 3:13

Gristo gootinaneasa jeeda mooshteayda deaweeda, aba gideaba niny simwaashta aba badahuukaasa aba gideaba gwayi Ng'ooruutka, “Simwaashta gilinyoo ea sih gil sirata aba uhuuda geeta”–

GIIPKEATA DIIGHEANDA 21:23

maygoobiida mustaanyi uhuuda geeta eaweesean, gaybunya niny eaweedida, aba gideaba siida sirata nimwaashta ASEETA; adiidu gibwari ng'eanyiideang'wa ghayi goonyi NG'UTAMIIDA was ASEATAANG'U ririnnyeanda ak goohearanyi.

GIIPKEATA DIIGHEANDA 27:16

“‘Gagasa eamwaashta gilinyoo gafool ghwaan ea ghaamwat’. Ak gaygwayi buuneesean, ‘Amin’.

GIIPKEATA DIIGHEANDA 27:20

“‘Gajeamwaashta siida nyooh gwaluudayi gatmooda ghwaan, aba gideaba nijaat eaghwada gatmooda ghwaan’. Ak gaygwayi buuneesean, ‘Amin.’