2 SAMWELI 18:2 - Bibliyeeda Ghaydit

² Ak ghwanung' Dawdi gaweay lugooda, nea nibwaash geenga ghoah samwagu, geahagi goombal shirikarajeanda haw siguura Yoabu, nea geedeaba iyeenya goombal shirikarajeanda haw siguura Abishayi was orjeeda Seruya, was orjeeda geenyea Yoabu, nea geedeaba samwagu ghwanung' goombal shirikarajeanda siguura Itayi bea eemeeda Giti. Ak gwayeesha sugoocheanda buuneeda, “Eara aniini gajeeteayeena sea agooga.”

2 SAMWELI 18:2 Mawu Ofanana

2 SAMWELI 17:11

Ak girgweageedeanyu ea gideaba gayghabwat geat buuneesean bea Israeli gil aba headaang'u, ghang'eada Dani ea ghwahita Beer-sheba, ea gwadeena eemeeda iseaskweanda ghuuta basooda, ak giideayeewi geaw ng'ucheeda.

2 SAMWELI 21:17

Hean ghwahidu Abishayi was orjeeda Seruya ak ghaweat, ak gang'uchi siida Filisti ak ghabwar ghami. Ak ghwaak habeawooda fuga Dawdi nea gwayeesha, “Maygudu rita eeteayeena ng'ucheeda, gajiidu ginuusi gheaboong'nyeanda Israeli.”

2 SAMWELI 23:18

Abeeda Abishayi, bea geenyea Yoabu, orjeeda Seruya abeeda niny goombal fih diktam ea damanamughuush. Ak gooyuuk ng'utaanyi aba jeeda fuga nyiit bughalaji samwagu ak ghabwar gameewa, ak gwaheedu gheawungaaschi aba jeeda fuga asamwagu.

2 SAMWELI 8:16

Abeeda Yoabu orjeeda Seruya goombal lugooda; nea Yehoshafati orjeeda Ahiludi ea siida ng'oora askwearjoojiga;

1 SUGOODIGA 2:28

Iing'ata gwahissa heeda Yoabu ng'asheesu, aba gideaba Yoabu ghwaat geeshta Adoniya nea ea mwaada geeshta Absalomu Yoabu gafachsa jeeda maheemajeanda NG'UTAMIIDA ak ghoang'waayi gujaka heeda wagiida.

NYIIGHEEGA 3:6

Aniini mwaawali fuga nyiit sagalamnyooji damanamughuush jip geat aba badaydeanyu aba meadajeega sean.

FUGA LAJA GIRGWEAGUUTKA 7:16

Ng'ata ghwalach fugiga was bughalaji samwaguun ghoah geen samwagu, ak gaba siisi siyiin durumbeati geatindaanyi ea sirbiida manda beega, ea beascheeka siyiin jeesinga sirbajeega.

FUGA LAJA GIRGWEAGUUTKA 7:19

Hean ghwahita Gideoni sea fih bughala mideayi sea ninyiin uuta museasooda, aba giing'eeta lageanyeeda lugooda mida bugusta damanda siyamuujeewa fuga lageanyi; ghaghuut durumbeati ak gwanyarjeawi sirbajeega mida geatinga nyaawa.

FUGA LAJA GIRGWEAGUUTKA 9:43

Ng'ata gageanu fugaaschi, ak ghaghwal ghoah lugwi samwagu, ak gwasham fuga mida madameega; ak ghwadaah, ging'ulayi buuneeda gwarina jeeda mujiini; ak ghang'eat gang'uchi sea saawa, ak ghwajoar.

1 SAMWELI 11:11

Eaweedida ghabwaashaada Sawli buuneeda ak ghwanung' ghoah geenga samwagu; iimuchu sakteayda duw gang'eesa museasooda, ak ghabwar fuga Amoni ea ghang'waaniit daknooda; ak fuga ghuh ghwadarda, ea eamudu gwandeayi fih iyeenya.