2 SAMWELI 17:14 - Bibliyeeda Ghaydit

¹⁴ Ak gwayi Absalomu sea buuneesean bea Israeli, “Girgweageeda Hushayi bea eemeeda Arkite aamiy ea ghang'al girgweageeda Ahitofeli.” Aba gideaba nimwaar NG'UTAMIIDA niny ghwajoar girgweageeda miy bea Ahitofeli, ak abeeda gweadu NG'UTAMIIDA gidamuy badayda Absalomu.

2 SAMWELI 17:14 Mawu Ofanana

GIING'EETA 32:28

Hean gwayeesha, “Gheawungaagu maygudu eeguureewaneey Yakobo, gajeeguureewaneey Israeli, aba gideaba ning'alealeewi ASEETA ea buuneeda, ak ea nijooriischi.”

2 SAMWELI 15:31

Ak geerukusa Dawdi gideaba, “Ahitofeli gaba jeeda fuga iiy iiteaba geat sea Absalomu.” Ak gwayi Dawdi, “Ea NG'UTAMIIDA, geamuscheey ang'iing'i, yamwa girgweageeda Ahitofeli ghoah leendeeda.”

2 SAMWELI 15:34

Ama ibiikti mujiini, ak girukusi Absalomu, ‘gaydoaw siidaang'u bea gadiyeeda Ea sugoocheanda; gawuurji gidaghayi eawoosti siida gadiyeeda bea gweanu, asi ghamneawa gaydoaw siidaang'u bea gadiyeeda,’ abeeda gayjoornean girgweageeda Ahitofeli.

2 SAMWELI 16:23

Nea aba askwearjoojigiga iissa girgweageeda rukuta Ahitofeli iissa geamwasta gili ng'asheanda ASEETA; ak gamajeegiit girgweaguutka sean bea Ahitofeli, aba heeda Dawdi ea heeda Absalomu.

2 DAMANYOOJIGA 10:15

Ak sugoocheanda ea mooleeysiina iita buuneeda, aba gideaba ng'asheanji gwaleabu heeda ASEETA gideaba NG'UTAMIIDA gayghwahidu ng'asheandaanyi ghayi rukuna ghuuta Ahiya bea eemeeda Shiloni rukusa Yeroboamooda was orjeeda Nebati.

2 DAMANYOOJIGA 10:8

Ng'ata ghoanaawa geaw girgweageeda adaw gweargwa, ak ghoang'waay girgweageeda gheareemanga hitiisa heeda sea niny nea gamiineadayi aba madeadaanyi.

2 DAMANYOOJIGA 25:16

Hean damanda gudugabalool gwayeesha sugoocheanda niny, “Aseasa siyiinyeey huwa siichea goorgweakiiseasa? Siinda! Ghwasaan ang'iing'i anda meenuusnyi?” Hean ghwasiinda sibaneeda, ng'ata gwayeesha, “Ghana gideaba ASEETA nigasa gideaba gaygwanuusnyi aba gideaba nisini ng'asheanji nea ea miileeysiini iita girgweageedeanyu.”

2 DAMANYOOJIGA 25:20

Ak ea mooleeysiina iita Amasiya; aba gideaba ng'asheesu gwaleabu heeda ASEETA, gideaba gayghoahaak saawa geatinga weajoodiga nyaawa, aba gideaba nigaseada aseecheeka fuga Edomu.

NEHEMIYA 4:15

Inyas ghwayiiy weajoodigaasa gideaba sinyaschi iita, ea gideaba niyaam ASEETA gidagasiida saawa, hean geebiikni sean deekshooda ghamarda ak gaba nih biiksa gadiyeadaanyi.

AYUBU 12:17

Niny inyeesa ghwanung' gaweay fuga argweakiisa buuneeda nea dawiiri, nea ghwanung' gwadasheahiidi fuga laja girgweaguutka.

NYIIGHEEGA 9:15

Eemoojiga niibita jeeda shoomanda ghayi sin; nea aba gheareedanga ghayi fuy ea nighas geeshanga nyaawa.

NYIIGHEEGA 9:16

NG'UTAMIIDA niihiimu geaw, ak ghwalach girgweageeda; nighas siida muy aba gadiyoojiga geatingaaschi.

RITEAYDA 9:16

iidu aba ng'asheanji ghoah gideagooni eaweega ak ghaahiimneegwa uurdeanyu, ak abeeda geerukwiida gheawungeasu aba badayda ng'eanyiisean

GHWASIILDEANGA 19:21

Siida iissa ghwadaawdaaw ng'asheega saang'a aba uhuudaanyi, nea ng'asheanda jea gwasa ea gidagasiida NG'UTAMIIDA gil.

GHWASIILDEANGA 21:30

Manda weaghuumeeda ghana fughareeda, ghana girgweaksiinda jea ghaweanyi aba badayda NG'UTAMIIDA.

ISAYA 8:10

Asi abaloola, ak gayghwayamwa; arukuni ng'asheanda ak ea maygwasa, aba gideaba ASEETA gwanda meatkweedeanya.

HEAREEGA 3:37

Ghoamu gwarugu ng'eaha ng'asheanda ak gwasa, meakghusa ghamwas Ng'utamiida?

AMOSI 9:3

Ak eara ghafuy geat aba uhuuda giijeeda Garmeli, gaydagasa ak gearuuni hoowa saawa; eara ghafuy geat aba heeda mwaadaahi bea uuta beega saang'a bea basooda, aba hoowa gaydanung' gawa ichibooda ghaghanya saawa.

Lukka 16:8

Gagwarsa Siida haw haghweadoocheandida sina ng'asheega munyasiin, aba gideaba orjoogeaba ng'eanyiini ea bareahi iheeni aba jeedeaba rooproobang'su ea ghang'al fuga abiita heedeesh.

1 Goriinto 3:19

Aba gideaba weaghuumeedeaba ng'eanyiini leendeeda gil aba heeda ASEETA. Aba gideaba geang'waar, “Siida ang'oonyi siida weaghoot aba jeeda milmilanda nyaawa,”

GIIPKEATA DIIGHEANDA 2:30

Nea abeeda Sihoni was sugoocheanda ng'eanyiida Heshboni ghaweadaneasa beata jea ealaabwa headaanyi; aba gideaba NG'UTAMIIDA was ASEETEANG'WA niihang'waay gurooroadaanyi, hean gayghwayiin niny geatingaagu ghoah giduurji ghamneawa.

YOSHUWA 11:20

Aba gideaba ghoahang'waay NG'UTAMIIDA gurooruunatka nyaawa ak ghapka gang'uchi sea fuga Israeli, nea gabaysiina gideaba ghwanung' goosha, ak ea meabwayda geenung' goosha, gawuurji gidarukusiinda NG'UTAMIIDA Musa.