2 SAMWELI 17:11 - Bibliyeeda Ghaydit

¹¹ Ak girgweageedeanyu ea gideaba gayghabwat geat buuneesean bea Israeli gil aba headaang'u, ghang'eada Dani ea ghwahita Beer-sheba, ea gwadeena eemeeda iseaskweanda ghuuta basooda, ak giideayeewi geaw ng'ucheeda.

2 SAMWELI 17:11 Mawu Ofanana

GIING'EETA 13:16

Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida.

GIING'EETA 21:14

Muchu ghang'eat Abrahamu sakteayda duw, ak gageanu mukaate ea ghadeeda mida beega, ak ghoadaw Hajiri, ak ghwayiin hamarjeadaanyi, ea baleanda, ak ghwanung' gawa. Ak ghang'eat gawa, ak gwaneayeewa jeeda dareapcheeda Beer-sheba.

GIING'EETA 22:17

aba huumwa gaydagoonyi ghawooda, ak gaydanung' ghwasaang'ayiit jeataang'u ea gwadeena miinga humng'eeda ea iseaskweanda ghuuta basooda. Nea jeacheangaagu gayghwajoar weajoodiga nyaawa,

2 SAMWELI 12:28

Asi ghamneawa bwadana geat buuneeda abit, ak gootuuwji aba murdeeda mujiini, ak gooneaweesi ak ghoang'waanyi; aba gideaba gajiidu ghaawunyi aniini ak ghaang'waanyi mujiini, ak geeguushteawa gheawungeasu.”

2 SAMWELI 24:2

Hean ghwalamda sugoocheanda ak gwayeesha Yoabu sea shirikareeda hees ambala shirikara, mideayi sea niny, “Aweayeena jeeda eemoojiga sean bea Israeli, ghang'eada Dani ea ghwahita Beer-sheba, ak giyiidayi buuneeda, ak abeeda ghaanali mooneeda buuneeda.”

2 SAMWELI 3:10

dageandeawa sugoocheanda gheeh Sawli, ak ghaamiindi hoorgeeda Dawdi goombal Israeli nea goombal Yuda, ghang'eada Dani ea ghwahita Beer-sheba.”

1 SUGOODIGA 20:10

Goojeaksa Ben-hadadi ak gwayeesha, “Gagasa gwahindanaan aseecheeka, ea ghwanaawa, inyas gaygabeachi birjeanda Samariya baneaguuka fuga eadu geeshteanyu.”

1 SUGOODIGA 4:20

Yuda ea Israeli ea saang'a ea gwadeena iseaskweanda ghuuta basooda; hean gweagiischi nea gwaleeshi nea gahoosan.

NYIIGHEEGA 9:16

NG'UTAMIIDA niihiimu geaw, ak ghwalach girgweageeda; nighas siida muy aba gadiyoojiga geatingaaschi.

YOSHUWA 11:4

Ak gwardu jarooda sea dabita nyaawa sean, ea lugooda haw, mooneeda nyaawa gawuurji iseaskweanda ghuuta basooda, ea faraasajeega saang'a ea mutukwajeega.

FUGA LAJA GIRGWEAGUUTKA 20:1

Hean gwarudu fuga Israeli, ak gaguuyeata eemeetuw siyagi, gidang'eada Dani ea gagul Beer-sheba, ea ng'eanyiida Gileyadi, gaguyeesa heeda NG'UTAMIIDA aba Mispa.

1 SAMWELI 13:5

Ng'ata ghabwat geat fuga Filisti gang'uchi sea Israeli, nea gwandeawa mutukwaji sagalamnyooji diktam ea damanamughuush, ea fuga faraasajeega sagalamnyooji lah, ea lugooda deena iseaskweanda ghuuta basooda aba seang'ayda; ghapka ak gooduuw aba Mikmashi, ea ghwahita gayeewda Bet-afeni.

1 SAMWELI 3:20

Ak ghwanal Israeleesean ng'eada Dani ea ghwahita Beer-sheba gideaba sinung' ghoah Samweli sibaneeda NG'UTAMIIDA.