2 SAMWELI 16:4 - Bibliyeeda Ghaydit

⁴ Hean gwayeesha sugoocheanda Siba, “Ng'ula, haleanjeeda sean bea Mefibosheti ghamneawa gaagu.” Gwayeesha Siba, “Aniini geamuscheey gideaba; nung' danyas alooheeda aba madeadaang'u, ng'utamiideanyu was sugoocheanda.”

2 SAMWELI 16:4 Mawu Ofanana

2 SAMWELI 14:22

Hean ghoabeada Yoabu nea ghabwada jih ng'eanyi, ak gamus, nea ghoadaw sugoocheanda ghawooda; ak gwayeesha Yoabu, “Eanean ninal siidaang'u bea gadiyeeda gideaba ninyas alooheeda aba madeeda gheanyangaagu, ng'utamiideanyu was sugoocheanda, ak aba ng'asheanji ea niidaw sugoocheanda siidaanyi bea gadiyeeda gidagasa.”

2 SAMWELI 14:4

Iidu nea ghwahita gatmooda leabu Dekowa heeda sugoocheanda, ghoabeada nea ghabwada jih ng'eanyi, ak gamus, nea gwayeesha, “Weadaan, Ea sugoocheanda.”

2 SAMWELI 14:8

Hean ghwalamda sugoocheanda ak gwayeesha gatmooda, “Una gheang'u, ak gaydasineey ng'ashaan.”

2 SAMWELI 16:3

Ghwalamda sugoocheanda ak gwayeesha, “Gwanda yeenu orjeeda siidaang'u haw?” Gwayeesha Siba sugoocheanda, “Ng'ula, geanung'wi Yerusalemu; aba gideaba gwayi, ‘Eanean gheeh Israeli gaygoodeelnean sugoocheanduumeeda bwaabwa.’”

2 SAMWELI 16:5

Iidu damanda hina sugoocheanda was Dawdi Bahurimu, ghwahidu sih bea gheeh Sawli, siguura gheawungaaschi Shimeyi, was orjeeda Gera; hean damanda hina ghamwaashta.

2 SAMWELI 19:27

Niny nibeash siidaang'u bea gadiyeeda aba heeda ng'utamiideanyu was sugoocheanda. Iidu ng'utamiideanyu was sugoocheanda gawuurji malaykajeanda ASEETA, asi sina gididaahi gideaba aamiy aba headaang'u.

2 SAMWELI 9:6

Nea Mefibosheti orjeeda Yonatan, was orjeeda Sawli ghwahidu heeda Dawdi, ak ghoabeada ak ghabwada jih ng'eanyi ak gamus aba mureeda. Ak ghwalamda Dawdi ak gwayeesha, “Mefibosheti!” Ak ghwasha nea gwayeesha, “Ng'ula siidaang'u bea gadiyeeda.”

2 SAMWELI 9:9

Hean gaguursa sugoocheanda Siba, was siida gadiyeeda Sawli, ak gwayeesha, “Haleanjeeda sean bea Sawli ea haleanjeeda sean bea gheanyi naadawji orjeeda siidaang'u haw.

RITEAYDA 23:8

Adiing'waanyi lapiyeeda seawshooda, aba gideaba seawshooda gayghwanung' gang'oowiidi gheanyanga fuga ang'wearu ak ghwadatas girgweageeda fuga doobiiweadi.

GHWASIILDEANGA 18:13

Siida inyeesa ghwasha ng'asheanda nea miigooleeysiit, leendeeda gil ak ea baspaseega gil aba headaanyi.

GHWASIILDEANGA 18:17

Siida ang'eat ghuuta baloolda girgweageadaanyi iising'ula ea doabiiwaat, bwak ea ghapka fuga suurja gwasikteawa niny.

GHWASIILDEANGA 19:2

Ak ea miimiy gideaba siida mandeawana fughareeda, siida weah ea ghwalamwajaada gaygwaruusa geaw.

GIIPKEATA DIIGHEANDA 19:15

“Siyagi muuwu ng'asheega moamu ghwajoar siida aba ramaseanda wassean ghana giidiinyeanda wassean deepa ea nisin, geeghus aba madeeda fih iyeenya ghana fih samwagu was muushoodiga, abeeda gaygamajeekcheewiidi ng'asheega.