2 SAMWELI 16:2 - Bibliyeeda Ghaydit

² Hean ghwalamda sugoocheanda ak gwayeesha Siba, “Ghwasaan inyas giyeadu haleanjeeni?” Ghwasha Siba ak gwayeesha, “Digeeniga gaba gheeda sugoocheanda gaygwasareeni, mukaate ea haghweega geayda gayghwaak gheareemanga, nea difaayi gayghwali fugiga ahiili aba dareapcheedean.”

2 SAMWELI 16:2 Mawu Ofanana

GIING'EETA 21:29

Ng'ata gwayeesha Abimeleki Abrahamu, “Gideabeedeaba ichkweesu bea gisilga asispwa isajiin naaha?”

GIING'EETA 33:8

Ak ghwalamda Esawu ak gwayeesha, “Nih gidaabwa fiisu sean deenu earoonyeewiin?” Ghwasha Yakobo nea gwayeesha, “Gweagu gideaba geagasayi danyas alooheeda aba madeeda ng'utamiideanyu.”

2 SAMWELI 15:1

Iing'ata ng'asheesu gwanyaksa geaw Absalomu mutuku ea faraasajeega, sea fih haradam ea damanamughuush jea gwasalda aba madeadaanyi.

2 SAMWELI 15:23

Ak gooyeawda buuneesean aba ghuuta haw damanda ng'ataawa buuneesean, ak ghoaghaawa sugoocheanda ghealooda Gidroni, ak ghoaghaawa buuneesean nea gagal dareapcheeda.

2 SAMWELI 17:29

ea maleeda ea nagheedeesh ea gisilleanda ea nagheeda heasaat bea deeda ghwaak Dawdi sea buuneadaanyi mideawa; aba gideaba gwayi, “Buuneeda gabearji jalooda ak ea nibur nea niyaak muwoash aba dareapcheeda.”

2 SAMWELI 19:26

Ghwasha nea gwayeesha, “Ng'utamiideanyu, Ea sugoocheanda, gwareenganean siideanyu bea gadiyeeda; aba gideaba gwayeesha siidaang'u bea gadiyeeda niny, ‘Gooynean digeeda, ak geading'di ak geeteayi sea sugoocheanda.’ Aba gideaba siidaang'u bea gadiyeeda gaba bada.

ESEKIELI 37:18

Ama inyas gwayeeshiineey fugaagu, ‘gideabeedeaba ng'asheesu isiniin mayrukuneasa?’

FUGA LAJA GIRGWEAGUUTKA 10:4

Niny gaba orju diktam ea damanamughuush nea inyeesa gwading'iida gureendiga digeeniga was diktam ea damanamughuush, nea saawa gwandeawa mujiinaji diktam ea damanamughuush, siguura Hawot-yairi bwak ea ghoah ghamneawa, nea gwanda ng'eanyiida Gileyadi.

FUGA LAJA GIRGWEAGUUTKA 5:10

“Arukuta ng'asheanji, agoogeeda ooding'iida badahuuka digeeniga eashish, agoogeeda oopiitpiidi badahuuka muuchka hees sheayeat ea agoogeeda ooyeadayi naweeda.

1 SAMWELI 14:28

Ng'ata gwayeesha siyagi aba jeeda buuneeda, “Gweanu gwarukusa buuneeda ng'asheanda nea ghoang'waaniit aba habeawooda, ak gwayeesha, ‘Gajeamwaashta siida agiischi askweareani.’” Nea abeeda ea ning'arng'ariidi buuneeda.

1 SAMWELI 25:27

Asi ghamneawa haleanjeeni eadu siidaang'u bea gadiyeeda heeda ng'utamiideanyu gagasa eataw gheareemanga aat geeshta ng'utamiideanyu.