2 SAMWELI 16:1 - Bibliyeeda Ghaydit

¹ Iidu nea ghwasuut Dawdi gilimwanang' uhuuda heayeeda, gwaroonyi sea Siba was siida gadiyeeda Mefibosheti, ea digeeni iyeenya sareesheat, nea gwanda badahuuka mukaataji bughalaji iyeenya, ea dameal bughala bea sabiibu, ea haghwi bughala bea geayda, ea shearooda difaayi.

2 SAMWELI 16:1 Mawu Ofanana

2 SAMWELI 15:30

Iidu gawa Dawdi nea gwasik naweeda diyeesa Giijeeda Saytuunajeega, nea gooyeawdeada nea gawa, nea ghaghus baneaguuka nea gwadukuta uhuudaanyi; nea fuga sean mideawa gwadukuta iheenga nyaawa, ak ghwascheang'da, ak gooyeawdeada nea gaweay.

2 SAMWELI 15:32

Hean nea ghwahita Dawdi uhuuda heayeeda, was heeda sibata ASEETA, ging'ulayi, ghwahidu Hushayi bea eemeeda Arkite ak gwaroonyi niny nea sibwaash hang'daanyi nea gwanda uhuudaanyi sigeeda.

2 SAMWELI 19:17

nea goodeana fih sagalama bea eemeeda Benjamini. Ak ghwahidu eara Siba was siida gadiyeeda fuga gheeh Sawli, nea gwandeawa orju damanamuut ikaaschi sea fugaaschi bea gadiyeeda diktam, ak gwasalda gaweay Yordani goosheedeawa sugoocheanda,

2 SAMWELI 19:32

Abeeda Barsilayi niwaasiit muuchi, nea gaba gweanyeew seedam; nea abeeda ea niidaw sugoocheanda hamita aba damanda mideewa Mahanaimu; aba gideaba niny siida baruur muuchi.

1 DAMANYOOJIGA 12:40

Nea eara buweadeega nyaawa, leabu heeda mii sheagi ayang'da Isakari ea Sabuloni ea Naftali, ghapka nea gweana hamita badahuuka digeeniga ea badahuuka ngamiyajeega ea badahuuka diyeanga uurji digeeniga ea badahuuka heewga, gweadu hamichoojiga saang'a, mukaatajeega sisna shaboogheeta, ea mughuusheanda sabiibooda gajeami, ea difaayi ea nagheeda, ea heewga ea gisilga, aba gideaba ning'weela fuga Israeli.

GHWASIILDEANGA 18:16

Haleanjeeda hayapta bea siida gaygwanyaksa gheata, ak gaygweadu niny madeeda fuga hees.

YEREMIYA 40:10

Ak aniini gaydeabiida Mispa, ak ghaamiinaadi aba madeeda fuga Galdayo jea ghapka heedeanya, nea agooga gooptu difaayi ea haghweega geayda, ea nagheeda, ak haleanjeeni ghoayiinyi jeeda dabiteang'wa, ak goopiidi jeeda ng'eanyiideang'wa ghayi oang'waanyi.”

YEREMIYA 40:12

Hean gabiikna fuga Yahudi meadajeega sean ghayi sihoosa. Ak gaweay ea ghwahita ng'eanyiida Mispa ak geawaam difaayi ea haghweega saang'a muuchi bea geayda.

AMOSI 8:1

Suh ng'asheega ahiimnaan Ng'utamiida was ASEETA gil: ng'ula, sooscheanda mida haghweega aba damanda daknooda.

MIKA 7:1

Deashageadi! Aba gideaba neawuurjeewi haghweega siimughuush bea geayda, geawuurjeewi sabiibooda siimughuush iing'ata lajita: ak ea manda eara damealeanda jea eayaak, ak ea manda eara haghweega madeeda gasa gurooroodeanyu.

1 SAMWELI 10:3

Ak gaybeawana hoowa ak gigali mwadi ea hita sabiida Dabori; nea ghwascheang'da fih samwagu gaweay heeda ASEETA aba Beteli ak gayroonyeewana niny aba hoowa, nea siyagi ghwasar dayi samwagu bea nooga, nea nuut ghwasar mukaataji samwagu, nea niirja ghwasar shearooda difaayi.

1 SAMWELI 16:20

Ng'ata goorjeanu Yese digeeda jea ghwaat mukaatajeega, ea shearooda difaayi, ea dayeenda, mbooyda ak ghwanung' gweasa Dawdeeda was orjeedaanyi Sawli.

1 SAMWELI 25:18

Ng'ata ghwalamwach Abigaeli, ak gageanu mukaataji bughalaji iyeenya, ea sheargwi iyeenya bea difaayi, ea gisil muut sibeash muuchi, ea gweeraji muut bea booga sibeash, ea muschoon bughala bea sabiibu ea mukaataji bughalaji iyeenya bea tiini; ak ghoasari digeeda.