2 SAMWELI 15:18 - Bibliyeeda Ghaydit

¹⁸ Gwasik fugaaschi sean bea gadiyeeda murdeadaanyi; ea fuga sean bea Gereti, ea fuga sean bea Beleti, ea fuga sean bea Giti hita bughalaji lah ghayi eadu geeshta aba Gati, ak ghang'ata aba madeeda sugoocheanda.

2 SAMWELI 15:18 Mawu Ofanana

2 SAMWELI 15:17

Ak gawa sugoocheanda nea ghwaat geeshta buuneesean; ak gawus aba gheeda washiini.

2 SAMWELI 18:2

Ak ghwanung' Dawdi gaweay lugooda, nea nibwaash geenga ghoah samwagu, geahagi goombal shirikarajeanda haw siguura Yoabu, nea geedeaba iyeenya goombal shirikarajeanda haw siguura Abishayi was orjeeda Seruya, was orjeeda geenyea Yoabu, nea geedeaba samwagu ghwanung' goombal shirikarajeanda siguura Itayi bea eemeeda Giti. Ak gwayeesha sugoocheanda buuneeda, “Eara aniini gajeeteayeena sea agooga.”

2 SAMWELI 20:23

Nea Yoabu abeeda ea shirikarajeanda haw ambal shirikareesean bea Israeli; nea Benaya orjeeda Yehoyada ea shirikarajeanda ambal fuga Gereti gil sea fuga Beleti;

2 SAMWELI 20:7

Muchu gwarita ak gamaseaw Abishayi, fuga Yoabu ea fuga Gereti ea fuga Beleti, sea headiga mideawa uurjeenga; ak ghabeawa Yerusalemu ak gamaseaw Sheba orjeeda Bikri.

2 SAMWELI 6:10

Hean ea magasa Dawdi gweadu sandakwajeanda NG'UTAMIIDA jeeda mujiineeda Dawdi; ak ghoang'aamwa hoowa ak ghwaat gheeh Obed-edomu bea eemeeda Giti.

2 SAMWELI 8:18

nea Benaya orjeeda Yehoyada goombal fuga Gereti ea fuga Beleti; nea orjooga Dawdi ea ashoohoodiga.

1 SUGOODIGA 1:38

Ak Sadokeeda was ashoohoocheanda, ea Nataneeda was sibaneeda ea Benayeeda was orjeeda Yehoyada, ea fuga Gereti ea gea Beleti, goodiing'sa Sulemani badayda faraaseeda Dawdeeda was sugoocheanda, ak ghwaat ea ghwahita Gihoni.

1 DAMANYOOJIGA 18:17

nea Benaya orjeeda Yehoyada gwanda madeeda fuga Gereti ea fuga Beleti; nea orjooga Dawdi ea fuga hees bea gadiyeeda sugoocheanda.

1 SAMWELI 23:13

Iidu ghang'eat Dawdi sea fugaaschi hita bughalaji lah, ak ghabeawa Geila, ak gaweay heeda gasa wassean. Hean iidu nea geerukusa Sawli gideaba niwaapta Dawdi aba Geila, ghwanung'waada gida gwachi gasa gwasin.

1 SAMWELI 25:13

Ghwalamda Dawdi ak gwayeesha fugaaschi, “Daba siisi ashaash ng'utaanyi!” Ak gaba siiisi ashaash ng'utaanyi; eara Dawdi ghoashaash ng'utaanyi; ak ghwaat geeshta Dawdi fuga nyiit bughalaji ang'wan, nea ghwanung'wa bwadaw fih bughalaji iyeenya fuga haleanjeeda.

1 SAMWELI 27:3

Ak gwandeayi Dawdi sea Akishi aba Gati, niny sea fugaaschi, giliwas sih ea fugeaba gheanyi, sea Dawdi ea gadeamgaaschi asiyeenya, Ahinoamu bea ng'eanyiida Yesreeli, sea Abigaeli bea Garmeli, was masinung'weanda Nabali.

1 SAMWELI 27:4

Iimuchu nea geerukusa Sawli gideaba niwaapta Dawdi gawa Gati, ea mudu gahoona wuuh gicha.

1 SAMWELI 30:1

Iimuchu eaweedeaba samwagu nea ghwahita Dawdi sea fugaaschi Siklagi, abeeda fuga Amaleki nighasa jih gang'uchi aba Negebu ea Siklagi. Ak ghwajoar fuga Siklagi, ak ghang'uda beasta,

1 SAMWELI 30:14

Ak ea sing'ucheewi ng'eanyiida Negebu mida fuga Gereti ea dea ng'eanyiida Yuda, ea Negebooda Galebu; ak geang'udi Siklagi beasta.”

1 SAMWELI 30:9

Hean gwasimsa Dawdi beata sea fih bughalaji lah mideayi sea niny, ak ghwahita ghealooda Besori, heeda abiita fuga ghayi sinung'usa bwadaw.