2 SAMWELI 15:10 - Bibliyeeda Ghaydit

¹⁰ Muchu goojeakta Absalomu buuneeda aba makcheameeda aba jeeda eemoojiga sean bea Israeli, ak gwayeesha, “Asi iyoayiinyi ghuuta durumbeati, abeeda giyeeni, ‘Absalomu sugoocheanda Hebroni!’”

2 SAMWELI 15:10 Mawu Ofanana

2 SAMWELI 13:28

Hean gwarukusa Absalomu fugaaschi bea gadiyeeda gideaba, “Ooroora damanda jea gahoosana guroorooda Amnoni aba difaayi, ak geayeeshiineey, ‘Lasa Amnoni,’ abeeda gibwari ghami. Asi adibeali; neada ea mearukuneeyi aniini? Ameanyiita nea goodarusiidayi.”

2 SAMWELI 14:30

Hean gwayeesha fugaaschi bea gadiyeeda, “Adaaha madamnyeanda Yoabu gabageaji sea deanyu, ak gwandeawa ngaano aba hoowa; asi una ak ging'udi beasta.” Ak gageanu fuga gadiyeeda Absalomu ak ghang'uda beasta.

2 SAMWELI 15:9

Ak ghwalamda NG'UTAMIIDA ak gwayeesha niny, “Una nea gibeahi seayu.” Hean ghang'eat, ak gawa Hebroni.

2 SAMWELI 19:10

Nea Absalomuheeda ghayi simwaarji goombaleasa, ea nimeewsa ng'ucheeda. Asi ghamneawa ghwasaan inyas mirukuni gil aba giideelnooda sugoocheanda?”

2 SAMWELI 2:1

Iimuchu nea ghang'ata ng'asheesu seaniin, ghoanyaash Dawdi NG'UTAMIIDA, gideaba, “Gaydaweesa mujiineeda wassean bea Yuda daang'waay?” Gwayeesha NG'UTAMIIDA, “Asaha una.” Ghwalamda Dawdi ak gwayeesha, “Gaydaang'waay aneeda?” Gwayeesha NG'UTAMIIDA, “Hebroni.”

2 SAMWELI 2:11

Abeeda damanda ambaleewa Dawdi Hebroni ambaleewa fuga gheeh Yuda gweanyeew ispwa ea sheeh lah.

2 SAMWELI 5:5

Aba Hebroni goombal fuga Yuda gweanyeew ispwa ea sheeh lah; ak aba Yerusalemu goombal fuga sean bea Israeli ea fuga Yuda gweanyeew diktam ea damasamwagu.

1 SUGOODIGA 1:11

Ng'ata Natani gwayeesha Batsheba was gheamata Sulemani, “Mii iinya gideaba Adoniya orjeeda Hagiti niiw sugoocheanda nea Dawdeeda was sugoocheandeanya ea mandeawana iita?

1 SUGOODIGA 1:34

Ak Sadokeeda was ashoohoocheanda ea Nataneeda was sibaneeda aba hoowa ghamiinda ghoah sugoocheanda ghoahaaghwa Israeli; ak ghoaghuuchi durumbeati, nea gooyeenyi, ‘Gagasa ghwanyas eaweega geawi sugoocheanda was Sulemani!’

2 SUGOODIGA 9:13

Hean gaba sih lamwach gageanu hang'daanyi ak geabwadageat ghamiinaadawa Yehu uhuuda. Ak geeghuut durumbeati nea geeyi, “Yehu sugoocheanda gil.”

1 DAMANYOOJIGA 11:3

Ng'ata ghapka gweargwa sean bea Israeli heeda sugoocheanda aba Hebroni; ak gwasin Dawdi neajeeda sea saawa aba Hebroni aba madeeda NG'UTAMIIDA, ak ghoamwaar Dawdi ghoah sugoocheanda goombal Israeli, gawuurji gidanyaashta ng'asheanda NG'UTAMIIDA ghayi rugu Samweli.

1 DAMANYOOJIGA 12:23

Suh mooneeda geenga shirikareeda ng'ucheeda, buwa heeda Dawdi aba Hebroni, ghabwaay sugoocheanduumeeda Sawli ak gageanda, gawuurji gidanyaashta ng'asheanda NG'UTAMIIDA.

1 DAMANYOOJIGA 12:38

Fiisu sean was shirikareeda ng'ucheedean ghapka Hebroni nea gabada gideaba gaygoombiit Dawdi ghoah sugoocheanda jea goombal Israeleesean; ak gwasunu eara buuneesean abit bea Israeli gaba fughareanagi nea gagasa goombiit Dawdi ghoah sugoocheanda.