2 SAMWELI 14:9 - Bibliyeeda Ghaydit

⁹ Gwayeesha gatmooda ng'eanyiida Dekowa sugoocheanda, “Gagasa goobiida badaydeanyu giidiinyeanda, ng'utamiideanyu was sugoocheanda, ea ghaheanya; gidabal ea mandeawana sugoocheanda ea hoorgeadaanyi giidiinyeanda.”

2 SAMWELI 14:9 Mawu Ofanana

GIING'EETA 27:13

Ghwalamda ghaamwat ak gwayeesha, “Orjeedeanyu nung'waada ghwahidu mooshteaydaang'u badaydeanyu; ang'iing'i sisiina mureeda ng'asheandeanyu, ak guwi, eanean.”

GIING'EETA 43:9

Gaydaghashta eaweegeasu aba badaydaanyi; ak gaygasa orjeeda aba geatingeasu. Iimeadeelni headaang'u ak ghaayiinyi madeadaang'u, abeeda ginung' dasar munyinda damanda manda muudeanooda;

2 SAMWELI 14:10

Ghwalamda sugoocheanda ak gwayeesha, “Asi iirukuneey siida ng'ashaan, abeeda giyeadu niny heedeanyu, ak abeeda ea maygudu gabiikta ghwasanyi.”

2 SAMWELI 14:8

Hean ghwalamda sugoocheanda ak gwayeesha gatmooda, “Una gheang'u, ak gaydasineey ng'ashaan.”

1 SUGOODIGA 2:33

Hean foojeanyeeka nyaawa gaygabiiksa uhuuda Yoabu ea iheenga jeacheangaaschi gida manda muudeanooda; ak aba Dawdi, ea gheanyi, ea hoorgeadaanyi, gaygaba hoyyooyda jea gwaleabu heeda NG'UTAMIIDA gida manda muudeanooda.”

IITOODA 35:33

Ak abeeda ea moang'udani ririnnyeanda ng'eanyiida oopiiti; aba gideaba foojeanda gang'uta ng'eanyiida ririnnyeanda; ak ea manda haleanjeeda ghadooweeda jea ghwaahiit aba badayda ng'eanyiida, aba badayda foojeanda weayeesa jeeda, geaghus foojeandeaba siidida ahiidaan.

Mattayo 27:25

Ghwasha buuneesean nea gwayeesha, “Nung'waada foojeandeaba siisi ghapka badahuukaasa ea gea diibigaasa!”

1 SAMWELI 25:24

Hean goobeedeaysa geeshangaaschi ak gwayeesha, “Badaydeanyu aniini, ng'utamiideanyu, gagasa goobiida munyinda badaydeanyu; geamuscheey hudaang'u bea gadiyeeda gwarukusa iidigaagu ng'asheega, ak giyiinyi ng'asheega hudaang'u.