2 SAMWELI 14:2 - Bibliyeeda Ghaydit

² Ak goojeakta Yoabu buuneeda gaweay Dekowa, gagasa aba hoowa gatmooda was weaghoocheanda, ak gwayeesha niny, “Hinda geaw gili meawaneey siyeeda, ak giikweali eagweega barakta; ak ea adiyeashti nagheeda, ak gisini geaw uurjeewana gatmooda goola eameawa;

2 SAMWELI 14:2 Mawu Ofanana

GIING'EETA 38:19

Ak ghang'eat ak gawa, ak gageanda weastaanyi akwealsa badayda hang'weakaaschi bea masinung'weanduumeadaanyi.

2 SAMWELI 11:26

Iimuchu nea ghwayiiy gatmooda Uriya gideaba siyeadaanyi was Uriya nimi, hean gagutu heareega siyeadaanyi.

2 SAMWELI 12:20

Ng'ata ghang'eat Dawdi aba ng'eanyi, ak goohuushi, ak ghwayeashta nagheeda, ak ghwayam hang'weakaaschi; ak gawa jeeda gheeda NG'UTAMIIDA, ak ghamwaash ASEETA; ng'ata gawa gheanyi; ak ghoanyaashta gichea ghwaak, hean geayiin hamita madeadaanyi ak gweagiischi.

2 SAMWELI 20:16

Ak goojuur gatmooda weaghoot aba jeeda mujiini, “Oaleaydiit, Oaleaydiit! Ayeeshiina Yoabu, ‘Beeni hiji, geagasayi deabaloolnyi.’”

2 SAMWELI 23:26

Ea Helesi bea eemeeda Beloni, ea Ira was orjeeda Ikeshi bea eemeeda Dekoyi,

1 SUGOODIGA 14:2

Gwayeesha Yeroboamu gatmoadaanyi, “Ng'eada ak giyami geaw, ea meanala gideaba guwoosi gatmooda Yeroboamu, ak guwi ng'eanyiida Shilo; ng'ula gwanda hoowa Ahiyaheeda was sibaneeda, ghayi rugu gideaba aniini gaydoaw sugoocheanda jea goombal fiisu.

1 SUGOODIGA 14:5

Gwayeesha NG'UTAMIIDA Ahiya, “Ng'ula, gatmooda Yeroboamu gayghoan goobearseey ng'asheega orjeedaanyi; aba gideaba ghamnyaan. Ak girukusi ng'asheanji ea ng'asheanji.” Iidu nea ghwahidu gwasin geaw gatmu nuut.

2 DAMANYOOJIGA 11:6

Ak ghwadeas eara Betlehemu, ea Etamu, ea Dekowa,

2 DAMANYOOJIGA 20:20

Iing'ata ghang'eatng'eat sakteayda ak gwarita gaweay jeeda dareapcheeda Dekowa; nea iinea gwarita ghamiinaada Yehoshafati ak gwayeesha, “Ooleeysiinean iita ea fuga Yuda sea fuga abiita Yerusalemu! Asisiina masaweega NG'UTAMIIDA was ASEETEANG'WA, ak abeeda gajanyasa uurjeenga; asisiina masaweega sibangaaschi ak abeeda gajanyagaada.”

NEHEMIYA 3:27

Ng'ata niny ghwadeas fuga Dekowa hichnuut duukusa madalooda haw ea ghwahita ghamarda Ofeli.

NEHEMIYA 3:5

Ng'ata saawa ghwadeas fuga Dekoyi nea fuga nyaawa hees ghaheawa gwasin gadiyeeda NG'UTAMIIDA nyaawa.

NYIIGHEEGA 104:15

ea difaayeeda jea goohoosan guroorooda siida, ea nagheeda jea ghwanung' gaweeshiit gheamamdaanyi, ea mukaateeyda jea ghwanung' gamajeegiit guroorooda siida.

REEKUSIINDA 9:8

Ak ginung' gaweeriidi hang'weakaagu galeaga sean; ak ea adaghanyi ea manda uhuudaang'u nagheeda.

YEREMIYA 6:1

Ea fuga Benjamini, amung'awa anyasa ghuhooda, ang'amwana bugusta Yerusalemu! Aghuuda durumbeati aba Dekowa, ak goosinyi gwadeagooda aba Bet-hakeremu; aba gideaba giishealda geedaahaan nea gwaleabu wiilooda ng'eanyiida ghayeawa, ea nyariida haw.

AMOSI 1:1

Suh ng'asheega Amosi, ghayi was siyagi aba jeeda jeagiischoodiga aba Dekowa, ghayi daah fuga Israeli, damanda waseewa Usiya sugoocheanda Yuda, ea aba damanda Yeroboamu orjeeda Yoashi, was sugoocheanda Israeli, aba gweaydeaba iyeenya heeda miighwahina sawooda ng'eanyiida.

Mattayo 6:17

Asi iiluuldi geaw, giyeashi uhuudaang'u ak giihuuni gheamamdaang'u,

RUTI 3:3

Ahuusheena ak giyeershi, ak giikweali hang'weaka miyaasiin ak guwi heeda siileeliisa ngaano; adiidu giihiimsi geaw bwak ea ghoahiit agiischooda ea leeshooda.