2 SAMWELI 14:11 - Bibliyeeda Ghaydit

¹¹ Ng'ata gwayeesha gatmooda niny, “Musa ghoapkaat sugoocheanda NG'UTAMIIDA was ASEATAANG'U, ak abeeda siida walda mureandooda aba foojeanda ea mudu gabiikta gwasin giidiinyeanda ak ghabwar orjeedeanyu nuut.” Gwayeesha, “Aba gidabiideata NG'UTAMIIDA, manda buudeanjagi bea orjeedang'u jea goobissa ng'eanyi.”

2 SAMWELI 14:11 Mawu Ofanana

GIING'EETA 14:22

Ng'ata gwayeesha Abramu sugoocheanda Sodoma, “Aniini neayeaksi habeawooda NG'UTAMIIDA was ASEETA haw bea humng'eeda, ghayi sin humng'eeda ea ng'eanyiida,

GIING'EETA 31:50

Asi ang'iing'i isimi haweegeasu ng'asheega munyas ghana gheana gadeem suuk ak giroabi haweegeasu, earapeadi mwaanali, apkaada gideaba ASEETA muushoocheanda gil aba dageascheadaang'u ea deanyu.”

2 SAMWELI 14:10

Ghwalamda sugoocheanda ak gwayeesha, “Asi iirukuneey siida ng'ashaan, abeeda giyeadu niny heedeanyu, ak abeeda ea maygudu gabiikta ghwasanyi.”

2 SAMWELI 14:12

Hean ghwalamda gatmooda ak gwayeesha, “Geamuscheey nung' hudaang'u bea gadiyeeda gwarukusa ng'asheanda ng'utamiideanyu was sugoocheanda.” Gwayeesha, “Baloola.”

2 SAMWELI 14:21

Ng'ata gwayeesha sugoocheanda Yoabu, “Ng'ula ghamneawa, neasinyi ng'asheanji; una, ak giideelu gheareemaneeda was Absalomu.”

1 SUGOODIGA 1:52

Ak hean gwayi Sulemani, “Inyas gayghoahiimu geaw gideaba siida doabiiwaat gil, eara buudeanjagi maygoobisa ng'eanyi; aba mida jeadaanyi munyinda, gayghami.”

YEREMIYA 4:2

Inyas gajaga habeawooda, ‘Aba gidabiideata NG'UTAMIIDA,’ aba huumeanda, ea aba doobiiwnata, ea aba alooheeda, abeeda gaygabadiischeesa geat eemoojiga aba gheawungaaschi, nea aba gheawungaaschi gayghoaghaambiit geat.”

IITOODA 35:19

Ak siida jea ghawalda mureandooda foojeanda niny siida jea ghabwar siida nuus siida; asi iiroonyi sea niny, gayghabwar ghami.

IITOODA 35:21

ghana ghwalasa geatindaanyi aba gideaba weajoocheanda gil, ak ghami; siidida bwariin eara niny gajeabwar ghami; aba gideaba niny nireang'u; siida walda mureandooda foojeanda gayghabwar siida reang'u, damanda roonyeewa sea niny.

IITOODA 35:27

ak ghwadaah siida jea ghawalda mureandooda foojeanda, nea ninaawa moonghooda mujiineadaanyi mang'awsa, ak gwadeagu siida jea ghawalda mureandooda aba foojeanda siidida reang'uun, mayghwanyas giidiinyeanda aba foojeanda;

Mattayo 10:30

Nea agooga eara buudeega iheengeagwa ea siyiida sean.

Gadiyeeda Giijasoodiga 27:34

Asi geamuscheegwa ayeagiischeena; aba gideaba gajanyasa uurda, aba gideaba eara buudeanjagi bea iheengeagwa manda dea jea ghwaroat.”

1 SAMWELI 14:45

Iidu gwayeesha buuneeda Sawli, “Gayghami Yonatan, was dea ghayi eadu lealeanooda haw jeeda Israeli? Manda! Gidabiideata NG'UTAMIIDA, manda buudeanjagi bea uhuudaanyi jea goobissa ng'eanyi; aba gideaba niny gwasin gadiyeeda sea ASEETA askweareani.” Ak gwalealu buuneeda Yonatan, ea mwami.

1 SAMWELI 20:42

Ng'ata gwayeesha Yonatan Dawdi, “Una nea gibea hoyyoo, ‘ak gaygwasikteawa NG'UTAMIIDA gideaba ang'iing'i ea aniini, ea jeacheangaagu ea geasu, gayghoang'waay neajeeda ghaydit damanda manda muudeanooda.’” Ghang'eat Dawdi gawa, ak ghang'eat Yonatan gawa mujiini.

1 SAMWELI 28:10

Ak gweaksa Sawli niny habeawooda aba badayda NG'UTAMIIDA, “Aba gidabiideata NG'UTAMIIDA, manda bileangida jea ghwahineey aba badaydeaba ng'asheanji.”