2 SAMWELI 12:9 - Bibliyeeda Ghaydit

⁹ Ghwasaan ang'iing'i inyas gifooli ng'asheanda NG'UTAMIIDA, ak gisini gidamuy aba madeadaanyi? Ak gibwari Uriyaheeda eemeeda Hiti aba ng'uta, ak gageanda gatmoadaanyi ak ghaghi, ak gibwari ng'uta fuga Amoni.

2 SAMWELI 12:9 Mawu Ofanana

2 SAMWELI 11:4

Hean goojeakta Dawdi giijasoodiga, ak gweadu niny; ak ghwaan headaanyi, ak gwaluudayi. (Aba gideaba gatmoodida niimmiidu geaw aba ririnnyeandaanyi.) Ng'ata gabiikta gheanyaawa.

2 SAMWELI 12:10

Asi ghamneawa ng'uta maygwaheeli gheang'u, aba gideaba nifoolean, ak ea nigeandi gatmooda Uriyaheeda eemeeda Hiti ghoah gatmoadaang'u.’

2 SAMWELI 16:7

Iidu gwayi Shimeyi aba mooshteaydaanyi, “Una, una, siida foojeanda, was siida marachi gil!

1 SUGOODIGA 15:5

aba gideaba Dawdi gwasin ng'asheega doobiiweadi aba madeeda NG'UTAMIIDA, nea mii ghwanung'waada gida wassean sirukusa niny galeaga sean aba jeeda eaweagaaschi, geaghus badayda Uriyaheeda eemeeda Hiti.

1 SUGOODIGA 21:19

Ak giyeeshi, ‘Gwayi NG'UTAMIIDA, “ghamneawa nireang'u, nea nihearaniischi?”’ Ak gajeeshiina, ‘Gwayi NG'UTAMIIDA: “Heeda meeshsa gudajeega foojeanda Naboti, gaygameeriisa gudajeega hoowa foojeandaang'u”’”

2 DAMANYOOJIGA 33:6

Ak ghaghwarda orjoagaaschi ghoah haleanjeeda sisabwa geadi aba jeeda moangoachiyda orjeeda Hinomu, aba ng'ata ghabwar lagheanga, ak gwasin beeneetkweanduumeeda, ea giijoocheanduumeeda ea fuga ang'urooni buuneeda. Hean gwasin muuchi riing'eeda aba madeeda NG'UTAMIIDA, ak ghwanung' ghwanyareas niny.

NYIIGHEEGA 51:14

Ea ASEETA, aghuuhanaan giihiideayda foojeanda buuneeda, ak ang'iing'i guwoosi ASEETA lealeanoodeanyu, ak gaygwasarman ghuuteanyu duumda nea geajuurji aba lealeanoadaang'u.

NYIIGHEEGA 51:16

Aba gideaba ang'iing'i mibwariinyi lukghumajeega; gwachi gaydagu lukghumajeega sighwarda, ang'iing'i migassi lukghumajeega sighwarda.

NYIIGHEEGA 51:4

Neasineeyi riing'eeda, ang'iing'i nea gibea geaw, ak geasinyi ng'asheega munyas aba madeeda gheanyangaagu, gidigasayi ang'iing'i ghwadoabiiw nea girgweageadaang'u ea mwajeamwachmwach.

NYIIGHEEGA 90:8

Ak ea niyiini munyasnacheakaasa madeadaang'u, nea riing'eegaasa funyaat gwanda heedeesh was madeeda gheanyangaagu.

GHWASIILDEANGA 14:2

Siida doabiiw giibindaanyi gayghoawal gheang'da NG'UTAMIIDA, nea dea hang'waay uhu gaygafool niny aba jeeda naweadingaaschi.

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

YEREMIYA 18:10

Nea inyas gwasin munyinda aba madeedeanyu, nea mooleeysiina ghuuteanyu, abeeda gaydaduukuuna sinooda ng'asheega miyaasiin ghayi jea dasisa saawa.

AMOSI 2:4

Asi gwayi NG'UTAMIIDA: “Fuga Yuda nisin riing'eeda gicha, ak aba sareani gaydalas saawa; aba gideaba geaheawa deaweedeeda NG'UTAMIIDA, nea meang'waanya diigheanyeekaaschi, ak ea ninung' ng'uyeega nyaawa ghwaramwas saawa, gidaghayi sin ghweaniga nyaawa.

1 SAMWELI 15:19

Abeeda ghwasaan inyas mimwasi ghuuta NG'UTAMIIDA? Ghwasaan anda ging'eesi geandeayda haleanjeeda siyaas, ak gisini gidamuy aba madeeda NG'UTAMIIDA?”

1 SAMWELI 15:23

Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 15:26

Iidu gwayeesha Samweli Sawli, “Aniini maydabiikta sea ang'iing'i; aba gideaba niheawi ng'asheanda NG'UTAMIIDA, ak ea niheawaneey NG'UTAMIIDA ea muhuuwi sugoocheanda Israeli.”