2 SAMWELI 12:16 - Bibliyeeda Ghaydit

¹⁶ Ak gamus Dawdi ASEETA aba badayda baleanda; ak gooluulda geaw Dawdi, ak gawa gah ak gwalla ng'eanyi eaweesean.

2 SAMWELI 12:16 Mawu Ofanana

2 SAMWELI 13:31

Hean ghang'eat sugoocheanda, ak ghabwaashaada hang'weakaaschi, ak gawiil geaw aba ng'eanyi; nea fugaaschi sean bea gadiyeeda gwachi miinaada ghabwaashaada hang'weaka nyaawa.

Gadiyeeda Giijasoodiga 9:9

Goopteada Sawli eawooji samwagu nea moang'wearda, ak ea mwaaga gil nea mwali gil.

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

NYIIGHEEGA 69:10

Damanda aayaadi geaw ng'eanyi aba giiluuldeaydeaba geaw, hean gwanyareeksean buuneeda.

NYIIGHEEGA 50:15

guurnean eaweeda sawanadeeda; gaydalealneey, ak gajaghaambiidaan.”

ESTA 4:16

“Una, ak gibwadigeat fuga Israeli sean mida ng'eanyiida Susa, ak gooluuldi geat aba badaydeanyu, adooyeagiischi nea adooleeshi eawooji samwagu, eawa ea askweari ak eara aniini ea haweegeasu bea gadiyeeda gajeeluulda geat eewuurjeewaneegwa. Hean gaydawa heeda sugoocheanda, nea mii deaweeda gil, ak inyas ghaameayi abeeda ghaameayi.”

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

2 SAMWELI 12:22

Ghwalamda niny ak gwayeesha, “Damanda mideewa baleanda, gealuuldi geaw nea geayeawdi; aba gideaba geayeenyi, ‘Neada ghwanal ng'eaha ea jea ghabwaydanaan NG'UTAMIIDA, ak ghwanyas baleanda eaweega?’

ISAYA 26:16

Ea NG'UTAMIIDA, damanda sawanadeeda iissa geegaseeyi ang'iing'i, iissa ghamoash muuchi ghawooda damanda mideewa lasitaang'u badahuuka nyaawa.

2 SAMWELI 12:15

Ng'ata ghang'eat Natani ak gawa gheanyi. Ak ghwanung' NG'UTAMIIDA ghamnyaan baleanda jiilsa gatmooda Uriya Dawdi, ak ghamnyaan muuchi.

NEHEMIYA 1:4

Iidu nea ghayiinyi ng'asheesu geapteadi ak geayeawdi, ak geanyahuushi ea dageanu eawoojiga; nea gealuudi geaw nea ghaamwaashchi ASEETA mida humng'eeda.

DANIELI 6:18

Hit ghang'eat sugoocheanda gawa gheanyi, ak gooluulda geaw eaweedida; ak ea manda hamita ak, nea gwaroota ruweanga.

YOSHUWA 7:6

Hean ghabwaashaada Yoshuwa hang'weakaaschi ak gwajaksa geaw ng'eanyi nea ghang'uda gheamamdaanyi ng'eanyi aba madeeda sandakwajeanda neajeeda bea NG'UTAMIIDA ea ghoah shing'ada, niny ea gweargwa Israeli; nea gang'alsa birjeanda iheenga nyaawa.

DANIELI 9:3

Ng'ata ghaasaji ghaat deageal heeda NG'UTAMIIDA was ASEETA, ak geamuschi niny nea ghaamwaashchi ghawooda nea ghaaghadoawanyi nea gealuuldi geaw nea geakweali hang'weaka guniyajeega nea geabiidi jeeda deareeda.