2 SAMWELI 12:13 - Bibliyeeda Ghaydit

¹³ Ghwalamda Dawdi ak gwayeesha Natani, “Aniini neasinyi riing'eeda aba madeeda NG'UTAMIIDA.” Hean gwayeesha Natani Dawdi, “Eara NG'UTAMIIDA nigeanda riing'eadaang'u; maygudu meawa.

2 SAMWELI 12:13 Mawu Ofanana

GIING'EETA 39:9

ak geandeawi gheambalmeeda uurji dea mideawa niny; ak ea miighaweadanaan gida wasean ea eaghusnyi, aba gideaba guwoosi gatmoadaanyi; abeeda gaydasindaan ng'asheanda muy sunu, was riing'eeda aba madeeda ASEETA?”

2 SAMWELI 24:10

Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

2 SAMWELI 24:17

Hean goobalool Dawdi NG'UTAMIIDA iidaah malaykajeanda bwar buuneeda, ak gwayeesha, “Uuw, aniini neasinyi riing'eeda, ak ea neasinyi gidamuy; nea gisilsu, neada saawa ea nisin naaha? Geamuscheey iina geatindaang'u badaydeanyu ea badayda fuga ghaheanya.”

1 SUGOODIGA 13:4

Hean nea ghwayiiy sugoocheanda ng'asheega siida ASEETA, ayeawusa heeda wagiida aba Beteli, ghoadoabiiw Yeroboamu geatindaanyi aba heeda wagiida ak gwayi, “Oong'ooyni.” Ak geatindaanyi aheaksa niny gwashita, ak ghwaraay gichea goodeeldeayda headaanyi.

1 SUGOODIGA 21:20

Gwayeesha Ahabu Eliya, “Ninyaschaan, Ea weajoocheandeanyu?” Hean gwayeesha Eliya, “Naanyascheey, aba gideaba nishaaydi geaw aba heeda siida muy aba madeeda NG'UTAMIIDA.

1 SUGOODIGA 22:8

Ng'ata gwayeesha sugoocheanda Israeli Yehoshafati, “Gwanda siyagi jea eepearsiina ng'asheanda NG'UTAMIIDA, Mikayaheeda was orjeeda Imla; nea aniini ghaasichi niny, aba gideaba moang'wa ghwaramoaran gea miyaasiin aba heedeanyu, geaghus gea munyas.” “Manda adiidu ghwanyaashtunu sugoocheanda.”

2 SUGOODIGA 1:9

Ng'ata goojeakta sugoocheanda shirikarajeanda haw ambal lugooda. Sea fih haradam ea damanamughuush. Ak geeweesa Eliya hean geahita nea goopteada aba uhuuda heayeeda. Hean geeyeesha “Ea orjeeda siida ASEETA gwayi sugoocheanda, ‘rarang'aana.’”

1 DAMANYOOJIGA 21:8

Hean ghwalamda Dawdi ak gwayeesha ASEETA, “Aniini neasinyi riing'eeda haw ak geasinyi ng'asheanji. Ak ghamneawa geamuscheey ang'iing'i, geanda munyinda siidaang'u bea gadiyeeda; aba gideaba neasinyi leendeeda.”

2 DAMANYOOJIGA 16:10

Ng'ata ghoanyareas Asa meang'nyeandida, ng'ata gwajaksa jeeda gheeda ghealooniga, aba gideaba ghoanyareas ng'asheandida. Hean ghoang'eat Asa aba damandida sawanda fuga mwaatkwa.

2 DAMANYOOJIGA 25:16

Hean damanda gudugabalool gwayeesha sugoocheanda niny, “Aseasa siyiinyeey huwa siichea goorgweakiiseasa? Siinda! Ghwasaan ang'iing'i anda meenuusnyi?” Hean ghwasiinda sibaneeda, ng'ata gwayeesha, “Ghana gideaba ASEETA nigasa gideaba gaygwanuusnyi aba gideaba nisini ng'asheanji nea ea miileeysiini iita girgweageedeanyu.”

AYUBU 33:27

niny iissa gwasarman aba madeeda buuneeda, nea gwayi: ‘Aniini neasinyi riing'eeda, ak ghaanung' ghwaschoarda ng'asheega doobiiweadi, ak ea meawala ng'asheanji aba heedeanyu.

NYIIGHEEGA 103:12

gawuurji gidasheakta heeda ghayeawa sea heeda biyeara nih gidasheagita riing'eegaasa gil aba heedeanya.

NYIIGHEEGA 51:16

Aba gideaba ang'iing'i mibwariinyi lukghumajeega; gwachi gaydagu lukghumajeega sighwarda, ang'iing'i migassi lukghumajeega sighwarda.

NYIIGHEEGA 51:4

Neasineeyi riing'eeda, ang'iing'i nea gibea geaw, ak geasinyi ng'asheega munyas aba madeeda gheanyangaagu, gidigasayi ang'iing'i ghwadoabiiw nea girgweageadaang'u ea mwajeamwachmwach.

NYIIGHEEGA 51:6

Ng'ula, ang'iing'i gibwariinyi huumeanda mida jeeda guroorooda; ak ang'iing'i gayrukunean fughareeda aba makcheameeda mida gurooroodeanyu.

RITEAYDA 9:27

Hean goojeakta Farao buuneeda eeguursa Musa ea Haruni, ak gwayeesha, “Asi ghamneawa aniini geabeayi riing'a; NG'UTAMIIDA ea doabiiwaat, nea aniini ea fugeasu geendi jeeda giidiinyeanda.

GHWASIILDEANGA 25:12

Siida weaghoot iimiin gheang'da siida iing'shi, ghang'wana, mwasamwa ghuniida ghana ngoofajeanda dahaabooda miy.

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

ISAYA 38:17

Ng'ula, ghaanyaschi sawanadeeda haw aba badayda hoyyooydeanyu, ak aba gida ibwariiydanaan ak ea niighuuhi eaweegeasu aba ghuuta shoomanda haloota, aba gideaba nihisi riing'eegeasu sean badaydaang'u.

ISAYA 43:24

Mii sheaynean nagheeda ng'andit aba lapiya, nea minung' dalang'u aba nagheeda lukghumajeagaagu, ak riing'eagaagu ea niiw sareenda aba heedeanyu nea niiburan ng'asheagaagu munyas.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

HEAREEGA 3:32

earapeadi ninung' ghang'ut gurmeahiida, gayghabwayda aba giteena seang'ayda bariinyeagaaschi;

NG'ASHEEGA LAWI 20:10

“Nea siida iimealuul sea gatmooda giischeewoocheandaanyi, duwaawi siida mealuul sea gatmooda mealuuluudayi gajeabwar gameewa.

NG'ASHEEGA LAWI 24:17

Nea siida nuus siida gajeenuus.

SAKARIYA 3:4

Ghwalamda malaykajeanda ak gwayeesha fugiga miinaada aba madeadaanyiin, “Ageanda hang'weakiga munyas bea ririnyeandean,” ak gwayeesha niny “ng'ula neageandeawaneey ng'asheagaagu munyas, ak gaydanung' akweala hang'weaka sheayeeda haw.”

Mattayo 14:10

goojeakta siida gawa ghealooni ak ghwalach gheata Yohana.

Lukka 15:21

Hean gwayeesha Orjeedida niny, ‘Bwaabwa aniini neadiiysi humng'eeda ea madeadaang'u, mamiisean gideaba gajeeguureewean orjeedang'u.’

Lukka 18:13

Hean ghamiinaada siidida ang'oonyi gwaadiin nea dildeaweat nea eara gheanyangaaschi ea meageala humng'eeda, gagiisan nea gwayi, ‘ASEETA, bwaydanaan aniini geabea riing'a!’

Gadiyeeda Giijasoodiga 2:37

Ak ghwayiiy buuneeda ng'asheesu ak gwasawana gurooruunatka nyaawa, hean geenyaash Betaro ea giijasoodiga suurja nea geeyeesha, “Fuga siduupcheewi, gajeesina naaha?”

Ebraniya 9:26

aba sareani gwachi gaygabiikiida jeeda sawanadeeda ghang'eada dea ghayi sisna sindeeta ng'eanyiida. Ak aba nih, ghwahidu nibwagi aba muudeanooda damanda ak gageanda riing'eeda aba giidaydeaydeaba geaw ghoah lukghumeadaanyi.

1 Yohaana 1:7

nea iisineayeewi jeeda weeshinda, gawuurji gidamideata niny jeeda weeshinda abeeda ea sibareanyi aseasa, ak foojeanda Yesuheeda was Orjeedaanyi gaygoohuun riing'eegaasa sean.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

1 SAMWELI 15:20

Ng'ata gwayeesha Sawli Samweli, “Aniini naayiinyi ghuuta NG'UTAMIIDA, ak ea neawi bareanyeeka ajeaktanean NG'UTAMIIDA, ak geayeadu Agagi sugoocheanda Amaleki, ak ea naalaschi uhuuda fuga Amaleki.

1 SAMWELI 15:30

Hit gwayi, “Aniini neasinyi riing'eeda; ak gisinnean mureeda aba madeeda gweargwa buuneedeanyu ea madeeda Israeli, ak giyami geaw sea aniini, ak abeeda ghaabwachi NG'UTAMIIDA was ASEATAANG'U.”