2 SAMWELI 12:1 - Bibliyeeda Ghaydit

¹ Iimuchu goojeakta NG'UTAMIIDA Natani gaweesa Dawdi. Ghwahidu headaanyi, ak gwayeesha niny, “Gwanda fih iyeenya jeemba mujiinajean, ak ea baruur akaleala nea niirja ea bwarbwar.

2 SAMWELI 12:1 Mawu Ofanana

2 SAMWELI 11:25

Ghwalamda Dawdi ak gwayeesha siida siicheagu, “Asi gajeeshiina Yoabu, ‘Adinung' ghwanung' ng'asheanji sawanana, aba gideaba ng'uta ghwaakta nih gidakta diita; amajeega ng'ucheadaang'u aba badaydeaba mujiineani, ak gibwaanyi.’ Ak giimajeegi niny.”

2 SAMWELI 12:2

Nea siidida baruuriin gwandeawa hawaniga nooga ea dugwa;

2 SAMWELI 14:14

Aseasa gajeemeewa eesa sean, geewuurjeewi beega weayeesa ng'eanyi, mwoamu eebiikta eeramu gicha; nea ASEETA ea maygageanda eaweega iissa gayghoapkaat ng'asheega sirukusa ak gayghwanyas sugoocheanda gichea goodeeldeayda siida mang'aw.

2 SAMWELI 7:17

Nea aba ng'asheesu seaniin, ea aba ng'asheesu sean sitahaajiin, goobalool Natani Dawdi.

1 SUGOODIGA 1:8

Nea Sadokeeda was ashoohoocheanda, ea Benaya was orjeeda Yehoyada, ea Natani was sibaneeda, ea Simeyi, ea Rei, ea furiischoodiga Dawdi ea mandeayi sea Adoniya.

1 SUGOODIGA 13:1

Ak ging'ulayi, siida ASEETA gwarina Yuda, aba ng'asheanda NG'UTAMIIDA jea gawa Beteli. Yeroboamu abeeda ghamiinaada aba heeda wagiida ghaghwarda haleanjeeda ng'andidi.

1 SUGOODIGA 18:1

Iimuchu nea ning'ata eawoojiga saang'a ghwahidu ng'asheanda NG'UTAMIIDA heeda Eliya, aba gweaydeaba samwagu, ak gwayeesha, “Una ahiimsiina geaw Ahabu; ak gaydeajeagu roopta jeeda ng'eanyiida.”

1 SUGOODIGA 21:18

“Ng'eada hiing'aada una roonyeewana Ahabuheeda was sugoocheanda Israeli, nea gwanda Samariya; ng'ula gwanda jeeda madamnyeanda sabiibu bea Naboti, weah gwahearan.

1 SUGOODIGA 4:5

Asariya orjeeda Natani ghoah siichea gamiineadaysa fuga hees; Sabundi orjeeda Natani ghoah ashoohoocheanda ak nea gwarooroochi sea sugoocheanda.

2 SUGOODIGA 1:3

Ghwalamda malaykajeanda NG'UTAMIIDA ak gwayeesha Eliya was sibaneeda ng'eanyiida Dishbi, “Ng'eada una nyeascheewana fugiga ajeakta sugoocheanda Samariyahiin ak giyeeshi, ‘Heapi nih gwasin gideaba manda ASEETA jeeda ng'eanyiida Israeli? Ea aweayeena eanyaasha Baal-sebubu was aseeta Ekroni?’

1 DAMANYOOJIGA 29:29

Asi iita sugoocheanda was Dawdi, giing'eeta ea huuydeanda, ng'ula geeng'oorsa damanda askwearjoojiga Samweli, was siida deaha ng'asheega, ea damanda askwearjoojiga Natani was sibaneeda, ea damanda askwearjoojiga Gadi was siida deaha ng'asheega;

ISAYA 39:3

Hean ng'ata gawa Isaya was sibaneeda heeda Hesekiya was sugoocheanda ak gwayeesha, “Fiisu gwayeenaan? Nea gwaleabu yeenu?” Ghwalamda Hesekiya ak gwayeesha, “Gwaleabu daroorda sheagi, ak ghapka heedeanyu nea gwaleabu Babeli.”