2 SAMWELI 11:15 - Bibliyeeda Ghaydit

¹⁵ Nea gang'oorsa jeeda barawajeanda gideaba, “Iina Uriya madeeda ng'ucheeda heeda ng'waan, amang'ata ginung'usi heeda, ak abeeda geabwaay ak geabwar ghami.”

2 SAMWELI 11:15 Mawu Ofanana

2 SAMWELI 11:16

Hean damanda ghasa Yoabu mujiini, ghwayiin Uriya heeda nal gideaba gwanda fuga meanyi.

2 SAMWELI 11:17

Ak ghapka fuga mujiini ak gang'uchi sea Yoabu; ak gameewa fuga mwaatkwa bea gadiyeeda Dawdi aba jeeda buuneeda. Ak eara Uriyaheeda eemeeda Hiti geabwar.

2 SAMWELI 12:9

Ghwasaan ang'iing'i inyas gifooli ng'asheanda NG'UTAMIIDA, ak gisini gidamuy aba madeadaanyi? Ak gibwari Uriyaheeda eemeeda Hiti aba ng'uta, ak gageanda gatmoadaanyi ak ghaghi, ak gibwari ng'uta fuga Amoni.

1 SUGOODIGA 15:5

aba gideaba Dawdi gwasin ng'asheega doobiiweadi aba madeeda NG'UTAMIIDA, nea mii ghwanung'waada gida wassean sirukusa niny galeaga sean aba jeeda eaweagaaschi, geaghus badayda Uriyaheeda eemeeda Hiti.

NYIIGHEEGA 51:14

Ea ASEETA, aghuuhanaan giihiideayda foojeanda buuneeda, ak ang'iing'i guwoosi ASEETA lealeanoodeanyu, ak gaygwasarman ghuuteanyu duumda nea geajuurji aba lealeanoadaang'u.

NYIIGHEEGA 51:4

Neasineeyi riing'eeda, ang'iing'i nea gibea geaw, ak geasinyi ng'asheega munyas aba madeeda gheanyangaagu, gidigasayi ang'iing'i ghwadoabiiw nea girgweageadaang'u ea mwajeamwachmwach.

REEKUSIINDA 8:11

Aba gideaba girgweageeda ng'asheanda muy iissa ea meebay eesin nea gurooruunatka buuneeda iissa gagasa gwasin ng'asheega munyas.

YEREMIYA 17:9

Guroorooda gaba ng'uya ea ghwanaawa haleanjeeda sean, nea ea nidatasa muuchi; gayghoamu ng'eaha ghwanal?

YEREMIYA 20:13

Asarmasiina NG'UTAMIIDA; Oakghaambiida NG'UTAMIIDA! Aba gideaba niiyaaw eaweeda siida bwarbwar aba geatinga fuga munyas.

1 SAMWELI 18:17

Ng'ata gwayeesha Sawli Dawdi, “Nukwa hudeanyu haw siguura Merabu; gaydagoonyi ghoah gatmoadaang'u; ak geaghus woosa daruus ak ging'uchi aba badayda NG'UTAMIIDA.” Aba gideaba gwayi Sawli, “Maygudu dang'uta geadi nung'waada ghabwar Dawdi fuga Filisti.”

1 SAMWELI 18:21

Ak gooteemshi Sawli ak gwayi, “Nung'waada daadaw huda niny, ak abeeda gayghoah ghaseeda aba headaanyi, ak abeeda gaygoobisa niny geatinga fuga Filisti.” Ng'ata gwayeesha Sawli Dawdi deaba iyeenya, Asi ghamneawa gayhuuwa orjeeda eagweajeewi.”

1 SAMWELI 18:25

Ng'ata gwayi Sawli, “Asi gajayeeshiina Dawdi, ‘Sugoocheanda magasa haleanjeeda gheenda geagasayi dimbaji bughala bea fuga Filisti ghoah waldeayda mureandooda aba heeda weajoodiga sugoocheanda.’” Nih gidagasiida Sawli gil gideaba gayghabwar Dawdi fuga Filisti.