2 SAMWELI 11:1 - Bibliyeeda Ghaydit

¹ Muchu nea ghwahita damanda muweedeaba gweaydida, damanda badiina sugoodiga ng'ucheeda, goojeakta Dawdi Yoabu, goodeayi sea fugaaschi bea gadiyeeda, sea buuneesean bea Israeli; ak ghawalda mureandooda aba heeda fuga Amoni, ak gwaneaweesa Raba. Nea Dawdi geenung'usa Yerusalemu.

2 SAMWELI 11:1 Mawu Ofanana

2 SAMWELI 10:14

Iidu nea ghwadaah fuga Amoni gideaba gamng'aw fuga Shaamu, hean gamng'aw eara saawa aba madeeda Abishayi, ak gaweay jeeda mujiini. Ng'ata gabiikna Yoabu ng'ucheeda fuga Amoni, ak ghwahidu Yerusalemu.

1 SUGOODIGA 20:22

Ng'ata gaweesa sibaneeda sugoocheanda Israeli, ak gwayeesha, “Beeni, ahaada uurda, ak gidaahi gichea sina; aba gideaba doomeelda sugoocheanda Shaamu gayghoan ng'ucheeda.”

1 SUGOODIGA 20:26

Damanda doomeelda gagwalu Ben-hadadi fuga Shaamu, ak gawa ea ghwahita ng'eanyiida siguura Afeki, gang'uchi sea fuga Israeli.

1 DAMANYOOJIGA 20:1

Iimuchu nea ghang'eat ghuuta gweayda, damanda beawa sugoocheanda ng'ucheeda, hean goosheedeawa Yoabu lugooda, ak ghaghas ng'eanyiida fuga Amoni, ak ghwaan ghoang'waay Raba. Nea Dawdi niny goobiida Yerusalemu. Ak ghabwar Yoabu Raba, ak ghabwaay.

2 DAMANYOOJIGA 36:10

Hean doomeelda gweayda sugoocheanda was Nebukadinesa goojeakta giijasoodiga ak geanung' eeyeadu niny Babeli, ea haleanjeeda haw shaayaat bea gheeda NG'UTAMIIDA, ak ghwanung' ghoah sugoocheanda jea ghoahaaghwa Yuda ea Yerusalemu orjeeda ghaamwat siguura Sedekiya.

NYIIGHEEGA 60:9

Gayghwaadan ng'eaha ea dahita mujiineeda neaweesa ghamarda? Gayghoadoabiiwan ng'eaha ea dahita Edomu?

REEKUSIINDA 3:8

damanda bariinyeega, ea damanda sicheeda; damanda ng'ucheeda, ea damanda maba ng'ucheeda.

YEREMIYA 49:2

Asi, ng'ula, gayghwahidu askwearjoojiga, gwarugu NG'UTAMIIDA, Gaydanung' eayiiy ghuuta ng'ucheeda aba badayda Raba was mujiineeda fuga Amoni; gayghoah eemeega ea raghoonyeanda, nea gharang'weakaaschi gajealas uhuuda aba beasta ak abeeda gaygoombal fuga Israeli fuga ghayi ambal saawa, gwarugu NG'UTAMIIDA.

YEREMIYA 49:3

“Aguula, Ea Heshboni, aba gideaba Ayi silas uhuuda! Ooyeawda, Ea haweega Raba! Ookweala hang'weaka guniyajeega, agiisana, nea goosalsi hiji ea hiji aba bugusta hilgweanda! Aba gideaba Milkomu gajeepaleak, soomjeanduumeeda, sea ashoohoodigaaschi sea fugaaschi hees.

ESEKIELI 21:20

Gayng'waara naweeda heechea gwasik ng'uta, gawa ea ghwahita mujiineeda Raba bea fuga Amoni, ea naweeda nuut gal mujiineeda mida ghamarda majeek nea Yerusalemu gil mida ng'eanyiida Yuda.

AMOSI 1:14

Ak gaydaayeat beasta aba jeeda ghamarda Raba, ak gayghwaak gealgaaschi, ak gaygwanda giijuureanda damanda ng'ucheeda, ak gayghang'waaniit ng'ucheeda ea gawuurji shaarara;

SAKARIYA 14:3

Hean abeeda gayghwahidu NG'UTAMIIDA ak gang'uchi sea eemeeni. Gawuurji gidaghayi ng'ucheata eaweedida.

GIIPKEATA DIIGHEANDA 3:11

(Hean geeghus Ogu was sugoocheanda ng'eanyiida Bashani, geeghus niny aba fuga Refayimu, ng'ula, bulaliidaanyi geesina bulaliida sisna lagheanga; nea ea manda ng'eanyiida Raba bea fuga Amoni, nea geawundaanyi gaba geatin shageash nea wiiloadaanyi geegala geatin ang'wan, geegala geatinda siida.)

1 SAMWELI 18:30

Ng'ata ghapka fuga hees bea Filisti ng'ucheeda, ak eara iissa ibuwa ng'ucheeda iissa gwajooriischi Dawdi muuchi ea ghang'al fuga sean bea gadiyeeda Sawli, ak gageawiit iitaanyi muuchi.