2 SAMWELI 10:12 - Bibliyeeda Ghaydit

¹² Asi adaruusiita, ak geeng'uchi muuchi aba badahuuka buuneedeanya ea aba badahuuka mujiinajeega ASEETEANYA. Ak gidabal gwasin NG'UTAMIIDA gidagasa.”

2 SAMWELI 10:12 Mawu Ofanana

2 SAMWELI 10:11

Ak gwayeesha, “Iideepa gaburdeawean uurda fuga Shaamu, abeeda gajaweadaan; ama deepa gaburdeaweey uurda fuga Amoni, abeeda gaydoan daweanyi.

2 SAMWELI 15:26

ama deepa gwayi, ‘Aniini meagasseey,’ ng'ula, aniini geandi hiji, nung'waada gwasinnean niny gidadaah gideaba ghwahit aba headaanyi.”

1 DAMANYOOJIGA 19:13

Asi daruusiida, amajeega geaw aba badayda buuneedeanya, ea aba badayda mujiinajeega ASEETEANYA; ak gagasa gwasin NG'UTAMIIDA gidadaah gideaba ghwahit aba headaanyi.”

2 DAMANYOOJIGA 32:7

“Adaruusiita nea goobeayi uurjeeni. Adiidu ghoabeali ghana gameewa gurooruunatkeagwa aba badayda sugoocheanda Ashuru ghana shirikarajeagaaschi sean mideawa; aba gideaba gwanda heedeanya siyagi haw burdeawa dea mideawa niny.

NEHEMIYA 4:14

Ak ghaang'weardi ak ghaang'eachi ak geayeeshi fuga mida madeeda buuneeda ea fuga hees ea buuneeda suurja gea abit, “Adoawali saawa. Oapkaada NG'UTAMIIDA haw, siiwali gheang'da ak goong'uchi aba badayda orjooga giyeang'wa, ea orjoogeagwa, ea haweegeagwa, ea gadeemgeagwa, ea gealgeagwa.”

NEHEMIYA 4:8

ak geebalool sean gideaba eapka ng'ucheeda aba Yerusalemu nea geesin ng'ooweata.

ESTA 4:16

“Una, ak gibwadigeat fuga Israeli sean mida ng'eanyiida Susa, ak gooluuldi geat aba badaydeanyu, adooyeagiischi nea adooleeshi eawooji samwagu, eawa ea askweari ak eara aniini ea haweegeasu bea gadiyeeda gajeeluulda geat eewuurjeewaneegwa. Hean gaydawa heeda sugoocheanda, nea mii deaweeda gil, ak inyas ghaameayi abeeda ghaameayi.”

AYUBU 1:21

Ak gwayi, “Geejiilan nea geawooschi dawiish, ak gaydang'amwa badayda ng'eanyiida nea geawooschi dawiish NG'UTAMIIDA dea goonan ak NG'UTAMIIDA ea dea geaniida gagasa eakghaambiit gheawunga NG'UTAMIIDA.”

IITOODA 13:20

ak ea ng'eanyiida uurjiini, ng'eanyiida miyeeneadi ghana bearji jalooda, ak gwanda dareabeeta ghana mandana. Asi oomajeega geat ak gooyeadu haghweega ng'eanyiida.” Nea aba damandida ea damanda heasa haghweega madeeda bea sabiibu.

1 Goriinto 16:13

Oang'wearni, nea ghoamiinaadi muuchi aba jeeda masaweegeagwa, adaruusiita nea ghoanyaschi uurda.

GIIPKEATA DIIGHEANDA 31:6

Adaruusiita nea goobea gurooruunatka meanyi, adaghang'udeagwa giyoonda nea adoawali saawa; aba gideaba NG'UTAMIIDA was ASEATAANG'U niny dea iideayeewi gil, mayghoashoanyaneey nea maygwanung'seey heeda.”

GIIPKEATA DIIGHEANDA 31:7

Hean gaguursa Musa Yoshuwa ak gwayeesha aba madeeda fuga Israeli sean, “Daruusiida nea gibea guroorooda mwaayi aba gideaba gajadeayeewana fiisu jeeda ng'eanyiida ghayi aksa NG'UTAMIIDA habeawooda ghweaniga nyaawa gideaba gayghoadaw saawa, ak gayhearasiina saawa.

Ebraniya 11:33

nea aba naweeda masaweega ghwajoar darooraka, ak ghwanung' eesin gitoabiiw, ak ghwanyas heeleesiinda, ak ghwarat ghuusiga ng'anyeeka,

Ebraniya 13:6

Hean abeeda gajeamuusa eerukuna nea geesikteawi gideaba, “Ng'utamiida weedaneedeanyu gil, ak aniini ea maydaawal ng'eang'i; siida gaygwasimanean naaha?”

YOSHUWA 1:18

Siida wassean jea ghaheawa diigheandaang'u, nea mooleeysiiniit ng'asheagaagu sean irukusi niny, abeeda gajeenuus. Daruusiida nea gimwaanyiidi muuchi.”

YOSHUWA 1:9

Neada ea mii aniini? Dea rukuneey gideaba daruusiida nea gibeahi meaynata miy; adibeali nea adihirbabani aba gideaba NG'UTAMIIDA was ASEATAANG'U gaymideawana heechea una sean.”

FUGA LAJA GIRGWEAGUUTKA 10:15

Gwayeesha fuga Israeli NG'UTAMIIDA, “Aseasa sisinyi riing'eeda; simaneasa gididaahi ea doabiwaat aba headaang'u; geemuscheey, lealneasa eaweecheanji.”

1 SAMWELI 14:12

Ak gaguursa fuga lugooda Yonatan sea siidaanyi sar dabita, ak gwayeesha, “Abeeni heedeanya, ak gajeahiimneegwa gil.” Ak gwayeesha Yonatan siidaanyi sar dabita, “Beeni eani geeshteanyu; aba gideaba niyiin NG'UTAMIIDA saawa geatinga fuga Israeli.”

1 SAMWELI 14:6

Hean gwayeesha Yonatan gheareemaneeda sar dabitaanyi, “Beeni, eeweaya heeda museasoodeaba fiisu meeyiilean; gwadeepa abeeda ghaweadeasa NG'UTAMIIDA aba meatkweedeanya; aba gideaba manda gida jea ghoamu ghoadeal NG'UTAMIIDA aba lealnooda ada gwandeawa fuga saang'a ghana gwandeawa fuga ng'ay.”

1 SAMWELI 17:32

Ng'ata gwayeesha Dawdi Sawli, “Adaghabeal gurooroomba sih aba badaydeaba siisi; gaygawa siidaang'u bea gadiyeeda gang'uchi sea siisi bea Filistiin.”

1 SAMWELI 3:18

Hean gwarukusa Samweli ng'asheega sean nea mwafunyana niny gil. Ak gwayeesha, “Nih NG'UTAMIIDA; nung'waada gwasin gidadaah gideaba aamiy aba headaanyi.”

1 SAMWELI 4:9

Oahhang'waanya geat, ak goowuurjeewi headiga, Ea Filisti, ak ea deahuuy soomjooga fuga Ebraniya ak gawuurji gidaghayi wasta saawa soomjoagaasa; oomajeekta geat headiga ak goong'uchi.”