2 SAMWELI 1:20 - Bibliyeeda Ghaydit

²⁰ Adoorukwiidi ng'asheesu aba Gati, Adootearsi naweadinga Ashkeloni; Adagahoosan haweega Filisti, adiidu geenung' ghwaak badahuukaasa haweega doondooyga.

2 SAMWELI 1:20 Mawu Ofanana

ESEKIELI 16:27

Asi ng'ula, aba badaydeaba suh, naamiindi geatindeanyu dalasnyi. Ak ea naasuunyi hamitaang'u, ak ea nearuutaneey aba gidagasiida weajoodigaagu, nea haweega fuga Filisti ghabwaspwas aba hiseadayeanduumeadaang'u.

ESEKIELI 16:57

Damanda miyeetaahajeewa munyindaang'u, gawuurji damandida bwada geat haweega Shaamuun, ea giika sean neaweesean, ea haweega Filisti foolnyi aba meadajeega sean.

MIKA 1:10

Adoorukwiidi ng'asheesu aba Gadi, adiidu gooyeawdi; aba Bet-le-afra abeerbeersheena aba jeeda birjeanda.

FUGA LAJA GIRGWEAGUUTKA 11:34

Hean gabiigu Yefta gheanyi mida Mispa; ak ging'ulayi gwardu jarooda hudaanyi ghwadeapta nea gwasaraman nea ghang'was; nea ea hudaanyi ghus gil; nea badaydaanyi ea manda orjeeda ghana hut nuut.

FUGA LAJA GIRGWEAGUUTKA 14:19

Hean ghwahidu headaanyi guroorooda NG'UTAMIIDA aba uurda, ak gwararang'eesa Ashkeloni ak ghabwar fih diktam ea damanamughuush bea mujiini, ng'ata gageanda dabita nyaawa, ak ghoadaw hang'weaka nyaawa miyaasiin heeda fuga ghayi rukusa ghwasiildeanga. Hean ghang'eat gabiikta gheeh ghwaan aba nyarasta.

1 SAMWELI 14:6

Hean gwayeesha Yonatan gheareemaneeda sar dabitaanyi, “Beeni, eeweaya heeda museasoodeaba fiisu meeyiilean; gwadeepa abeeda ghaweadeasa NG'UTAMIIDA aba meatkweedeanya; aba gideaba manda gida jea ghoamu ghoadeal NG'UTAMIIDA aba lealnooda ada gwandeawa fuga saang'a ghana gwandeawa fuga ng'ay.”

1 SAMWELI 17:26

Ng'ata gwayeesha Dawdi fuga miinaada aba murdeadaanyi, “Gajeataw naaha siichea ghabwar siisi bea Filistiin, nea gageanda baspaseega aba jeeda Israeli? Aba gideaba siisi ng'eaha was Filisti meeyiilean, jea goong'eawi lugooda ASEETA mideawa eaweegean?”

1 SAMWELI 17:36

Siidaang'u bea gadiyeeda nibwar ng'anyeeka ea idamoonga, ak siisi meeyiila was Filistiin gaygawuurji agi aba jeedeaba suh, aba gideaba niing'eawi lugooda ASEETA mideawa eaweega.”

1 SAMWELI 18:6

Damanda hina ghoah, nea gwaleabu Dawdi bayiiga fuga Filisti, gwarina gadeemga mujiinajeega sean bea Israeli, nea gwasarman nea ghang'was nea ghapka roonyeeda sugoocheanda was Sawli, nea gwandeawa gidoondoorajeega, nea gwasarman duumjeenga hooseaneega, nea gwandeawa haleanjeeda sisarmaniida.

1 SAMWELI 31:4

Ng'ata gwayeesha Sawli siida sareeni dabitaanyi bea ng'ucheeda, “Fakni ng'utaang'u, ak gung'udanaan, adiidu ghwahidu fiisu miyeeyiiliin ak ghang'udan nea gwashikean.” Ak ghaheawa siidaanyi sareeni dabita ng'ucheeda; aba gideaba ghabeal muuchi. Hean gageanu Sawli ng'utaanyi, ak goobeedeaysa.

1 SAMWELI 6:17

Suh umwang'nyeeka oar dahaabu aat fuga Filisti ghoah haleanjeeda ghadooweeda bea giidiinyeanda siitaw NG'UTAMIIDA: nea gaba akaleala Ashdodi, niirja gaba Gaasa, nea gaba agi Ashkeloni, niirja gaba Gati, nea gaba agi Ekroni;