2 SAMWELI 1:2 - Bibliyeeda Ghaydit

² hean eaweeteaba samwagu, ng'ula, ghwahidu siida leabu museasooda Sawli, nea gwanda uhuuda hang'weaka beareadi, nea gwanda uhuudaanyi birjeanda. Hean nea ghwahidu heeda Dawdi, gwatkuy aba ng'eanyi ak ghaghadoawan.

2 SAMWELI 1:2 Mawu Ofanana

GIING'EETA 22:4

Eaweeteaba samwagu ghoang'wearda Abrahamu ak ghwadaah giijeeda nea sheagi.

GIING'EETA 37:29

Iidu nea gabiikna Rubeni heeda shoomanda ak ghwadaah gideaba Yosefu manda jeeda shoomanda, ghabwaashaada hang'weakaaschi,

GIING'EETA 37:34

Ng'ata ghabwaashaada Yakobo hang'weakaaschi, ak gookwealsa manandaanyi hang'weaka guniyajeega, ak gagiisan aba orjeedaanyi ea gageawiit.

GIING'EETA 43:28

Gwayeesha saawa, “Siidaang'u was soomjeanda was ghweandeanya gaba seayu, ak ea gudeamajeek.” Ak gabuy iheenga nyaawa nea gwatkuy aba madeadaanyi.

2 SAMWELI 1:3

Ak gwayeesha Dawdi niny, “Ang'iing'i gileabu yeenu?” Ghwalamda siidida ak gwayeesha niny, “Aniini geamang'awni museasooda Israeli.”

2 SAMWELI 13:19

Ng'ata gageanu Damari deareeda ak ghwayiin uhuudaanyi, ak ghabwaash hang'da geaw gwachi akwa; ak ghwayiin geatingaaschi uhuudaanyi, ak ghang'eat gawa, nea gooyeawdeada.

2 SAMWELI 14:4

Iidu nea ghwahita gatmooda leabu Dekowa heeda sugoocheanda, ghoabeada nea ghabwada jih ng'eanyi, ak gamus, nea gwayeesha, “Weadaan, Ea sugoocheanda.”

2 SAMWELI 15:32

Hean nea ghwahita Dawdi uhuuda heayeeda, was heeda sibata ASEETA, ging'ulayi, ghwahidu Hushayi bea eemeeda Arkite ak gwaroonyi niny nea sibwaash hang'daanyi nea gwanda uhuudaanyi sigeeda.

2 SAMWELI 24:20

Iidu nea ghoang'wearda Arauna, ghwadaah sugoocheanda sea fugaaschi bea gadiyeeda nea ghapka gagalu headaanyi; hean gawa Arauna roonyeeda; ak gwasissa sugoocheanda mureeda ak ghabwada jih ng'eanyi ak gakula gheamamdaanyi ng'eanyi.

2 SAMWELI 4:10

iirukunean siyagi gideaba, ‘Ng'ula, Sawli nimi,’ nea ghaghay giyeadu iita miy, ak ghaang'waanyi ak ghaalaji gheata aba Siklagi, nih gidageatindaanyi aadawji aba ng'asheagaaschi.

ESTA 4:16

“Una, ak gibwadigeat fuga Israeli sean mida ng'eanyiida Susa, ak gooluuldi geat aba badaydeanyu, adooyeagiischi nea adooleeshi eawooji samwagu, eawa ea askweari ak eara aniini ea haweegeasu bea gadiyeeda gajeeluulda geat eewuurjeewaneegwa. Hean gaydawa heeda sugoocheanda, nea mii deaweeda gil, ak inyas ghaameayi abeeda ghaameayi.”

ESTA 5:1

Eaweedeaba samwagu gookwa Esta hang'weaka sugoocheanduumeeda, ak ghamiinaada aba seamooda gheeda sugoocheanda, deaschi sea gheeda sugoocheanda. Ak goopteada sugoocheanda aba uhuuda hoorgeadaanyi bea sugoocheanduumeeda deaschi gidaghuuta gheeda.

NYIIGHEEGA 66:3

Ayeeshiina ASEETA, “Gadiyoojigaagu ea deamdeameatiidaan! Aba giteena hawunda uurdaang'u gayghapka weajoodigaagu ak ghwaat geat ng'eanyi aba madeadaang'u.

ESEKIELI 27:30

Ak gayghwayiiy buuneeda ghuusiga nyaawa aba badaydaang'u, ak saawa gaygooyeawda aba sawanadeeda, nea gwajaksa birjeanda iheenga nyaawa, nea goobargiishi aba jeeda deareeda.

HOSEYA 6:2

Iing'ata eawooji iyeenya gaygagooneasa eaweega gicha; eaweeteaba samwagu gaygagatkadeasa, ak gajeepiidana madeadaanyi.

YOELI 2:13

abwaashaada gurooruunatkeagwa, nea mii hang'weakeagwa.” Ak goobiiksi NG'UTAMIIDA was ASEETEANG'WA; aba gideaba niny dea mideawa miyeenooda, ak gwandeawa baydeayda haw; ak ea mii wusis nyaras, niny gwandeawa baydeayda muuchi, nea ghwasit ng'asheega munyas.

Mattayo 12:40

Gawuurji gida abiideata Yona jeeda ghweayeanda haw eawooji samwagu eawa ea askweari nih gichea gawuurji Orjeeda Siida gaygoobiida jeesigeeda eawooji samwagu eawa ea askweari.

Mattayo 16:21

Ghang'eada damandida gwarukusa Yesu giinealangaaschi gideaba gammiisa beata jea gawa Yerusalemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweeteaba samwagu gwaduudu.

YOSHUWA 7:6

Hean ghabwaashaada Yoshuwa hang'weakaaschi ak gwajaksa geaw ng'eanyi nea ghang'uda gheamamdaanyi ng'eanyi aba madeeda sandakwajeanda neajeeda bea NG'UTAMIIDA ea ghoah shing'ada, niny ea gweargwa Israeli; nea gang'alsa birjeanda iheenga nyaawa.

Giidaheechta 3:9

Ng'ula, gaydanung' ghoah fugiga was gheeda siinealshacheewa bea Shataani eena geawooschi Yahudi nea mawoosa ak gwanaba ng'uyeegean, ng'ula, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeey.

1 SAMWELI 20:41

Iidu nea gawa baleanda, ghang'eat Dawdi aba murdeeda lagheanga siimughuush ak ghabwada jih ng'eanyi, ak gwatkuy niba samwagu; ak gaba siisi sam gheatba nuut, ak gaba siisi ayeawusa nuut, ak gagiisan Dawdi ea ghoadaraam.

1 SAMWELI 25:23

Iidu nea ghwadaah Abigaeli Dawdi, ghwalamwajaada, ak ghwararang'aana badayda digeeda, ak goobeedeaysa madeeda Dawdi nea ghabwada jih ng'eanyi, nea gwatkuy aba ng'eanyi.

1 SAMWELI 4:12

Hean ghafwach siida Benjamini aba madeeda ng'ucheeda, ak ghwaan Shilo askweardida, nea nibwaashaada hang'weakaaschi nea ning'alsa uhuudaanyi sigeeda.

1 SAMWELI 4:16

Ng'ata gwayeesha siida Eli, “Aniini geawooschi siida leabu heeda ng'ucheeda; aniini geawapni ng'ucheeda askweareani.” Ak gwayeesha, “Ak gawuurjiin ng'ucheeda, orjeedeanyu?”