2 Goriinto 7:2 - Bibliyeeda Ghaydit

² Ajaaneasa gurooruunatkeagwa, aba gideaba miyeetiiysiina eara sih, ak ea miyeeng'ala sih seawshooda, ak ea miyeenyagaada aba hichpa sih.

NEAJEEDA EESH BEA BUUNEESSEAN

² Ajanneasa guroruunatkeagwa, aba gideaba miyeettiiysiina eara sih, ak ea miyeang'ala sih seawshooda, ak ea miyeanyagaada aba hichpa sih.

2 Goriinto 7:2 Mawu Ofanana

IITOODA 16:15

Hean ghwanyareas Musa muuchi, ak gwayeesha NG'UTAMIIDA, “Adumwasi haleanjeeda nyaawa bea ghadooweeda; aniini miidageandeawa saawa eara digeanagi, ak ea mii dasawan eara siyagi aba jeenyaawa.”

Mattayo 10:14

Nea siida iimwadeaptaneegwa ghana ghaheawa gooleeysiit ng'asheegeagwa, iyooriteawi gheedida ghana mujiineedida, ghoalalakti birjeanda mida geeshangeagwa.

Mattayo 10:40

“Siida deaptaneegwa ghwadeaptanaan aniini, nea siida deaptanaan, ghwadeapta siida ghayi ajeaknean.

Lukka 10:8

Iyoahiti mujiineeda wassean sideaptaneegwa, ayaaga gisigooneegwa;

Gadiyeeda Giijasoodiga 20:33

Ak ea mii dashissa ghaang' lapiyeeda siida ghana dahaabu ghana eagweega.

Ruumi 16:18

Aba gideaba fuga sina ng'asheesu magadiyeesiina Ng'utamiideanya was Gristo, saawa gagadiiyeesa jeesinga nyaawa, nea gaba geat aba ng'asheega nyaawa bea ng'uyeega iissa gwareengani gurooruunatka fuga manang'i fughareani.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

2 Goriinto 11:16

Asi gearugu gicha gideaba, adaghwanung' siida doaw gili eawooschi dasha; earapeadi oanung' dasinuun, amwastanaan siitasha, ak abeeda eara aniini ghaaghwarji geaw gilimwanang'.

2 Goriinto 11:9

Nea aniini damanda sindeayeewi nea geegasayi weetean, ghanyea mii dasawan siida wassean, aba gideaba haleanjeeda eagasayi gagoonan fuga eaduupcheewi leabu Makedoniya. Ak geaheeleewi geaw haleanjeeda sean ak ea measawaneegwa aba gida wassean.

2 Goriinto 4:2

Siheawi ng'asheega baspaseega, ea naweadinga ng'uyyeenya; ak geaheawi gideaba gajeesna milmilanda ghana eeyamujeena sea ng'asheanda ASEETA, geaghus aba ng'asheega huumeanda sirugu aba eeshpwara ak geaghwarji geat aba giliwas fughareemba sih aba madeeda ASEETA.

Filippi 2:29

Asi adeapta niny aba hooseaneega sean aba naweeda Ng'utamiida, ak fuga uurji nih gammiisa gideaba gajeataw mureeda,

Golosaayi 4:10

Ghoaghadeegwa Aristarkoyda eandeayeesi ghealooniga sea Marko, was orjeeda hudagheamata Barnaba, (iitaanyi noanyaschi gideaba iihidu heedeang'wa ghoadeapchi),

1 Desaloniikke 2:10

Agooga goowooschi muushoodiga, ak gwasunu eara ASEETA, ea gidaghaydita ea gidadoabiiwaata ak gabiissa ea meeyeateena ghuut searoojigaasa aba heeda fugeagwa mideawa masaweega;

Filimoon 1:12

Geajeagu gabiigu headaang'u, aba gideaba niny gurooroodeanyu.

Filimoon 1:17

Asi iyoonung' doaw siida ooguuyeewi, deaptaayda niny gida gwachi jea deaptaaydanaan aniini.

2 Yohaana 1:10

Siida iihidu heedeang'wa nea meana giinealshooni, abeeda ea adideapti aba gheang'u nea adiigeacheewi;