2 Goriinto 5:18 - Bibliyeeda Ghaydit

¹⁸ Amadu haleanjeeda sean gwaleabu heeda ASEETA, ghayi aduupchaneasa aseasa sea niny aba naweeda Gristo, amang'ata gagoaneasa gadiyeeda giiduupcheeda;

NEAJEEDA EESH BEA BUUNEESSEAN

¹⁸ Amaduw haleanjeessean gwaleabu heeda Aseetta, ghayi aduupchaneasa aseasa sea niny aba naweeda Gristo, amang'atta gagoaneasa gadiyeeda giduuupcheeda;

2 Goriinto 5:18 Mawu Ofanana

ISAYA 52:7

Aamiyaastaan aba iheenga giijeega geeshanga siida eatu giijasta miy, was dea rukwiida hoyyoo, eatu giijasta miy bea ng'asheega miyaas, niny gwarukwiida lealeanooda, nea gwayeenniisa Sayuni, “ASEATAANG'U goombaliischi.”

ISAYA 57:19

Aniini geasinyi haghweega ghuuta hoyyoo, hoyyoo, aba dea mida deasheagi, ea dea mida dea heeda neeki gwarugu NG'UTAMIIDA, ak gaydaahaap niny.

ESEKIELI 45:15

Ak gajeatayda gisilleanjagi aba jeeda gilinyoo ea hawanyeanda gisilga hita mooneeda bughalaji iyeenya, aba jeeda fuga Israeli. Ak gajeatayda haleanjeeda sisabwa geadi bea ghadooweeda was dearanga, ea haleanjeeda sisabwa geadi bea ghadooweeda sighwarda, ea haleanjeeda sisabwa geadi bea ghadooweeda bea hoyyoo, ea haleanjeeda jea eesina duupcheeda aba heeda nyaawa, gwarugu NG'UTAMIIDA was ASEETA.

DANIELI 9:24

“Wiikaji laadam ea damanamughuush niba gweanyeew laadam ea damanamughuush gajea damanda jea eetina fugaagu ea mujiineadaang'u ghaydidi, ak goosha munyinda, ak nea gwaduulean riing'eeda, ak gwasin giiduupcheeda, ak gweadu eaweega manda muudeanooda doabiiwaat, ak gooroor giirgweatka ea sibaneeda, ak ghwayeash heeda ghaydit muuchi.

NG'ASHEEGA LAWI 6:30

Ak ea manda haleanjeeda sighadoawanda aba badayda riing'eeda jea eayaak was dea siyeadu foojeanda wassean jeeda maheemajeanda siroondooscheesa ak gwasin giiduupcheeda aba heeda ghaydit; gajeaghwarda aba beasta.

Lukka 10:5

Nea gheeda wassean ooweayi jeeda gidamadeeda ayeena, ‘Daba gheawi hoyyoo!’

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Yohaana 3:16

Aba gideaba ASEETA ghabwariiy ng'eanyiida ea eeyi bwak ea ghoadayda Orjeedaanyi asakaleala, ak abeeda siida wassean mwas niny ea mwaroada ak abeeda ghwanyas eaweega manda muudeanooda.

Yohaana 3:27

Gwayeesha Yohana, “Siida moamu ghwanyas gida wassean geaghus dea siitaw leabu humng'eeda.

Gadiyeeda Giijasoodiga 10:36

Ak ghoanali ng'asheanda ghayi ajeaksa fuga Israeli, bea rukwiideayda giijasta miy bea hoyyoo aba naweedida bea Yesu Gristohiin, (nea niny ea Ng'utamiida buuneesean,)

Ruumi 11:36

Aba gideaba headaanyi ea naweedeaba niny ea niny gwaleabu haleanjeeda sean. Giigheambiita gammiisa niny ea ghoah damanda manda muudeanooda. Amin.

Ruumi 5:1

Asi iisigooneasa doobiiwnata aba masaweega, abeeda geanyaschi hoyyoo aba heeda ASEETA aba naweeda Ng'utamiideanya was Yesu Gristo.

1 Goriinto 1:30

Niny gumdooda eaweegeagwa gil aba jeeda Gristo Yesu, ghayi nung' ASEETA ghoah weaghuumeedeanya, ea doobiiwnateanya ea giimiinnooda, ea lealeanooda;

1 Goriinto 11:12

aba gideaba gatmooda ghayi gwarina heeda ng'eedeeda gwasunu eara ng'eedeeda ghamneawa gwajiilu gatmooda. Nea haleanjeeda sean gwaleabu heeda ASEETA.)

1 Goriinto 12:6

Iidu gwaheeli uurda gadiyeeda, nea ASEETA ea akaleala dea adoabiiw sean aba badahuuka buuneesean.

1 Goriinto 3:5

Asi Apolo ng'eaha? Ama Bawlo ng'eaha? Soomjooga ghayi nung' amwasa gil, gawuurji gidadawda Ng'utamiida giliwas sih gwasin.

1 Goriinto 8:6

iidu aba heedeanya aseasa ASEETA akaleala, was Ghweanda, was deaghayi leabu haleanjeeda sean, ak geepiideewi badaydaanyi ak gabiissa gwanda Ng'utamiinagi, was Yesu Gristo, ghayi rinna haleanjeeda sean badaydeaba niny, nea eara aseasa geepiideewi niny.

Golosaayi 1:22

ak ea niduupchi aba saseadaanyi niny aba miyeadaanyi, ak abeeda ghwanung' ahuwa fuga ghaydidi meerukunana badahuuka ng'asheega munyas aba madeadaanyi.

Ebraniya 2:17

Asi gajeenung' gawuurji sea fuga duupchi aba gheatkweaka sean, ak abeeda ghoah siida bayiida buuneeda ea dea doabiiwaat was ashoohoocheanda haw bea gadiyeeda ASEETA, ak gaygoohuun riing'eeda buuneeda.

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

1 Yohaana 2:2

nea niny ea siida jea ghoadayda leadeeda riing'eegaasa, ak ea meakghusa gaasa ak ghwahit eara riing'eega muunda ng'eanyiisean.

1 Yohaana 4:10

Nea nih ea bariinyeega, mii gideaba geabwariinyi aseasa ASEETA ghabwariinyeasa niny ak goojeagu Orjeedaanyi ghoah dea adayda leadeeda riing'eegaasa.