2 Goriinto 4:8 - Bibliyeeda Ghaydit

⁸ Geesawaneasa aba naweadinga sean, ak ea mwasuunya uurjeengaasa; iissa geehirbabanyi, ak ghanyea meanyeahani;

NEAJEEDA EESH BEA BUUNEESSEAN

⁸ Geesawaneasa aba naweadinga sean, ak ea mwasuunya uurjeangaasa; iissa geehirbabannyi, ak ghanyea meanyeahani;

2 Goriinto 4:8 Mawu Ofanana

NYIIGHEEGA 129:2

“Nigeawiit gwasawana saawa ghang'eada gheareemaneanduumeedeanyu, ak ea majoaraan.

NYIIGHEEGA 37:33

NG'UTAMIIDA mayghwayiin siida miy geatinga weajoocheandaanyi ghana ghwanung' eeyeata ghuut damanda girgweageeda.

GHWASIILDEANGA 14:26

Siida awal gheang'da NG'UTAMIIDA gwandeawa rarooda majeek, ak diibigaaschi gayghwanyas heechea gamng'awsa.

GHWASIILDEANGA 18:10

Gheawunga NG'UTAMIIDA hilgweanda majeek gil, siida doabiiwaat iifachsa gaygaba seayu.

ISAYA 40:31

nea fuga amuughu NG'UTAMIIDA saawa gayghwanyas uurdeesh, ak gayghang'eata gaweay humng'eeda nea gaba meang'eega rabearda; ak gaygwasalda nea maygabur, ak gaygaweay aba geeshanga nea maygoohiili.

HABAKUKI 3:17

Aba gideaba shaboogheecheanda mii gooruudu deakghweeda, nea sabiibu ea mandeawana haghweega, ak eara saytuunajeega ea maji nea madameega ea manda hamita, nea seamooda ea maygwanda nooga ak muhealuutka ea maygwanda dugwa.

Yohaana 14:18

“Maydanung'useegwa heeda bananga; gaydahidu heedeang'wa.

1 Goriinto 10:13

Manda simsimda ninyaseagwa agooga mawoosa dea gealaan aba heeda siida. ASEETA doabiiwaat, nea niny ea mayghwanung'waada eesimeegwa ea ghwanaawa uurjeengeagwa, earapeadi jea eesimeegwean gaygwasin naweeda jea ariteawana ak abeeda ghoamuuschi arjeang'da.

2 Goriinto 12:10

Aba badayda Gristo, asi, naahiichi aba ng'arng'aranda, ea giing'weaka, ea sawanaduutka, ea ghabasta, ea habitkwajeega; aba gideaba damanda eawoosi ng'arng'ar, hean geawooschi majeek.

2 Goriinto 6:12

Aseasa meakghumeegwa, agooga ghoaghuumeegwa haleanjeedida oabwariinyiin.

2 Goriinto 6:4

nea iisiwuurjeewi soomjooga ASEETA abeeda geaghwarji geat aba naweadinga sean, aba naweedida haw bea milikghteaydean, aba sawanaduutka, hang'ooynacheeka habitkwajeega,

2 Goriinto 7:5

Nea eara damanda sihitaawi Makedoniya, ghanyea mwanyasa sasanuukaasa hawdeayda geanyaschi sawanaduutka aba gheatkweaka sean ak geeng'uchi aba bwadaw, nea jih gwanda muuwda.

Galattiya 4:20

Gideabali gwachi geendeayi sea agooga ghamneawa ak ghwayamwa seareedeanyu, aba gideaba ning'udan muuwda aba badahuukeagwa.

1 SAMWELI 28:15

Ng'ata ghwalamda Samweli ak gwayeesha Sawli, “Ghwasaan inyas giineayanean aba giischeeng'nooda?” Ghwasha Sawli nea gwayeesha, “Aniini geandi jeeda sawanadeeda haw; aba gideaba fuga Filisti geang'ucheewi, ninung'usean heeda ASEETA ak ea mudu gwasheaha ng'asheegeasu, aba sibanga ghana aba giirgweatka; ak geaguurneey rukunean gida jea dasin.”

1 SAMWELI 30:6

Iimuchu ea ninyareas muuchi Dawdi; aba gideaba gabaloola buuneeda gideaba gajeefuta niny lagheanga, aba gideaba buuneesean eanyareeseadi muuchi aba jeesinga nyaawa, ak gaba siisi giisan aba badahuuka orjoagaaschi ea haweagaaschi. Ak goomajeek geaw Dawdi aba heeda NG'UTAMIIDA was ASEATAANYI.

1 SAMWELI 31:4

Ng'ata gwayeesha Sawli siida sareeni dabitaanyi bea ng'ucheeda, “Fakni ng'utaang'u, ak gung'udanaan, adiidu ghwahidu fiisu miyeeyiiliin ak ghang'udan nea gwashikean.” Ak ghaheawa siidaanyi sareeni dabita ng'ucheeda; aba gideaba ghabeal muuchi. Hean gageanu Sawli ng'utaanyi, ak goobeedeaysa.