2 Goriinto 4:2 - Bibliyeeda Ghaydit

² Siheawi ng'asheega baspaseega, ea naweadinga ng'uyyeenya; ak geaheawi gideaba gajeesna milmilanda ghana eeyamujeena sea ng'asheanda ASEETA, geaghus aba ng'asheega huumeanda sirugu aba eeshpwara ak geaghwarji geat aba giliwas fughareemba sih aba madeeda ASEETA.

NEAJEEDA EESH BEA BUUNEESSEAN

² Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

2 Goriinto 4:2 Mawu Ofanana

1 SUGOODIGA 18:34

Ak gwayeesha, “Abiikta deaba iyeenya”; ak gwasindunu niba iyeenya, ak gwayeesha gicha, “Asina niba samwagu”; ak gwasindunu niba samwagu.

Ruumi 1:16

Aba gideaba maydabwaspwas aba Giijasta Miy, bea gideaba uurda ASEETA gil dea eadu lealeanooda aba heeda siida wassean mideawa masaweega, heeda siida Yahudi aba madeeda ak gabassa siida Yunani.

Ruumi 6:21

Abeeda ghoanyaschi alooheemba naaha aba damandida oosini ng'asheegiga ghamneawa nung' ghahameagwa ng'eanyiini? Aba gideaba huuydeandeaba ng'asheesu miyeeda gil.

1 Goriinto 4:5

Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

2 Goriinto 11:3

Iidu ghaabeali, gawuurji gidaghayi reenganiida ichibooda Hawa aba milmilandaanyi, gajeehuteawi fughareengeagwa ak ghoanung'waadi doobiiwnata ea alooheeda Gristo.

2 Goriinto 11:6

Earapeadi aniini eawooschi siida moamu gabalooliin, nih mii gideawuurjeewi aba fughareeda gil; naweadinga sean sinung'unyi ghwadaajiit ng'asheesu aba heedeang'wa aba haleanjeeda sean.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahiida ng'asheanda ASEETA; gagasa eewuurjeewana fuga mideawa doobiiwnata, was fuga adaw ASEETA gadiyeeda, aba madeeda ASEETA iissa geebalooli aba badayda Gristo.

2 Goriinto 5:11

Asi, geanali gissiwaldi gheang'da Ng'utamiida, iissa geaghurghurji buuneeda; nea gidasiwuurjeewi ghwanal ASEETA, ak ghaararji gideaba ea nalaat eara aba jeesinga fughareengeagwa.

2 Goriinto 6:8

aba mureeda ea nyoota mureeda, iisisimaneasa ng'asheega munyas ghana eesimaneasa ng'asheega miyaas. Ak geenung' eahuuwa fuga reengani buuneeda nea geeruku huumeanda;

2 Goriinto 7:14

Aba gideaba iyaaghwarji geaw aba madeadaanyi aba ng'asheanda wassean aba badahuukeagwa, ea maydabwaspwas; gaygawuurji haleanjeeda sean sirukuneegwa huumwa gil, ak eara ghwaroodeang'wa bea geat aba madeeda Dito ea niiw huumwa.

Efeeso 4:14

aba gideaba adeebiikti gicha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeameeda bea giinealshooda fughareenga, aba milmilanda buuneeda ea seechmeeda nea geayaachi naweedinga reengani buuneeda.

Efeeso 5:12

Aba gideaba gaba baspaseega rukunooda ng'asheega sisin aba makcheameeda;