2 Goriinto 13:5 - Bibliyeeda Ghaydit

⁵ Asi asawsiina geat agooga, adaaha ea ghoang'waanyi masaweegeagwa. Asima geat, agooga. Ghana moanali agooga gideaba Yesu Gristo gwanda jeesingeagwa? Geaghus aba huumwa araanya gideaba gajeesimeegwa!

NEAJEEDA EESH BEA BUUNEESSEAN

⁵ Asi asawsiina geat agooga, adaaha ea ghoang'ng'waannyi masaweegeagwa. Asma geat, agooga. Ghana moanali agooga gideaba Yeesu Gristo gwanda jeesingeagwa? Geaghus aba huumwa araanya gideaba gajeesmeegwa!

2 Goriinto 13:5 Mawu Ofanana

NYIIGHEEGA 119:59

Ak geasikteawi naweadingaagu, ghaasaji geeshteanyu gagal ng'asheagaagu imuuwu;

NYIIGHEEGA 17:3

Ang'iing'i ginali gurooroodeanyu, ak ea nihidu heedeanyu eawa, ak ea nisikteawean, ak nisimnyean, ea maydeaksean munyinda; nea mii darukuna ghuuteanyu ng'asheanda mwahida.

NYIIGHEEGA 26:2

Ea NG'UTAMIIDA, sikteawean ak gisimnyean; sikteawana gurooroodeanyu ea fughareedeanyu.

YEREMIYA 6:30

Saawa geeguura lapiyeeda mudugwarachi gil, aba gideaba NG'UTAMIIDA nijakta saawa.”

HEAREEGA 3:40

Eesawsiina naweadingaasa ak, geebiiksi NG'UTAMIIDA!

ESEKIELI 18:28

Aba gideaba gooteemshi ak ghwanung'waada giidiinyeanyeekaaschi sean ghayi sin aba huumwa gayghwanyas giibinda mayghami.

HAGAYI 1:5

Asi ghamneawa gwayi NG'UTAMIIDA bea lugweega: Asi ang'ula gideabeadi.

HAGAYI 1:7

“Asi gwayi NG'UTAMIIDA bea lugweega: Asi ang'ula gideabeadi.

Yohaana 14:23

Ghwasha Yesu nea gwayeesha, “Siida iibwariinyan gayghoang'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaanyi ak geepiidi headaanyi.

Yohaana 15:4

Oopiidana jeedeanyu, nea geabiidi jeesingeagwa. Gawuurji gidamoamuusta damealeanda gwaji haghweega nea gaba geaw, nea mwanoasa sabiibu, gwasunu eara agooga, moamuusi ajiila haghweega iimoopiidani jeedeanyu.

Yohaana 17:23

aniini gaydeabiida jeenyaawa nea giibiidi ang'iing'i jeedeanyu; gideabali geemajeek ak ghoah gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gida ibwariiydanaan aniini.

Yohaana 17:26

Ak ea naanung' ghwanal gheawungaagu, ak gaydanung' ghwanal, abeeda bariinyeega ghayi ibwariinyaan aniiniin goobiida jeesinga nyaawa, ak geabiidi aniini jeenyaawa.”

Yohaana 6:56

Siida iiyak saseedeanyu ak ghwali foojeandeanyu gaygoobiida jeedeanyu, nea eara aniini gaydeabiida jeadaanyi.

Yohaana 6:6

Gwarukuta ng'asheanji nea gwasim, nea ghwanal niny gichea gwasin.

Ruumi 1:28

Hean nea ghwadaah gideaba mwahida gideaba gayghamwas ASEETA, ghwanung'waada ASEETA gwasin searoojiga munyas gasa fugheerga nyaawa.

Ruumi 8:10

Nea Gristo ii mida jeesingeagwa earapeadi sasanuukeagwa nimeewa aba riing'eedean, gurooruunatkeagwa ea majeekcheewi aba doobiiwnata.

1 Goriinto 11:28

Nea siida ea dasikteawana geaw, ak ghwaak mukaate ak ghwaleayda gikoombe.

1 Goriinto 11:31

Ama inyeeda ghwanyawa geergweaksi geat huumwa, ghwanyawa ea majeergweakseasa.

1 Goriinto 3:16

Moanali gideaba agooga goowooschi gheeda sibata ASEETA bea ASEETA, ea gideaba Guroorooda ASEETA gwanda jeedeang'wa?

1 Goriinto 6:15

Heapi nea ea moanali gideaba sasanuukeagwa damealga Gristohi? Asi gay dageanu damealga Gristo ak ghaanung' ghoah damealga giiweakshoocheanda? Manda!

1 Goriinto 6:19

Moanali gideaba sasanuukeagwa gheeda sibata ASEETA gil bea Guroorooda Ghaydit mida jeedeang'wa, ghayi gooneegwa ASEETA? Nea sasanuukeagwa ea mii geagwa gil.

1 Goriinto 6:2

Moanali gideaba fuga ghaydidi gaygoorgweaksa ng'eanyiida? Ama abeeda ng'eanyiida iijea oorgweaksiina agooga, abeeda ea moahiidi iyoorgweaksi ng'asheega manang'i?

1 Goriinto 9:24

Neada ea moanali gideaba fuga galeada iissa gwasalda sean gang'aleali, nea siida jea ghwanyas shiipka ea agi? Asi agaleada ak ghoanyaschi.

1 Goriinto 9:27

aba sareani geasawanyi saseedeanyu nea geagadiiyi, ak ea mwaahuuwi siida rukwiisa giijasta buuneeda suurja, amadu ghaahuuyi aniini siida jea eaheawa.

2 Goriinto 6:16

Neada gwanda neajeemba naaha dageascheeda gheeda sibata ASEETA sea sanaamu? Aba gideaba aseasa geewooschi gheeda sibata ASEETA majeek; ak gawuurji ginyaashta ASEETA nea gwayi, “Gaydeabiida jeenyaawa, nea gaydaneayeewa jeenyaawa, ak gaydoaw aniini ASEETA nyaawa, nea ghoah saawa fugeasu.

Galattiya 2:20

Geengooran sea Gristo, ak geawooschi majeek ak ea mii aniini gil, Gristo eamajeek aba jeedeanyu, ak majeeknata eandeawi ghamneawa aba saseeda, geandeawi aba masaweega Orjeeda ASEETA, dea bwariinyan ak gabeagu eaweagaaschi aba badaydeanyu.

Galattiya 4:19

Ea diibigeasu manang'i, geasawani muuchi aba badahuukeagwa, ea eeyi bwak ea ghwadaajiit Gristo aba jeesingeagwa!

Galattiya 6:4

Ak daba siisi sawsa gadiyeadaanyi nea gabageaw, ak gayghwanyas gichea ghaghwara geaw niny aba gadiyeadaanyi, nea mii hichpa sih nuut gil.

Efeeso 3:17

nea goobiida Gristo jeesingeagwa aba naweeda masaweega, ak geeng'eapseegwa jeeda bariinyeega,

Golosaayi 1:23

Asi iyoopiidi jeeda masaweega, ak ghoamiinaadi nea noahang'waanyiichi, nea meayameegwa aba heeda giijasta miy oayiinyi, ghayi sirukwiisa haleanjeeda sean mida hiing'eadayda humng'eeda, nea aniini Bawlo geawooschi siidaanyi bea gadiyeeda.

Golosaayi 1:27

Aba jeenyaawa ghwaloat ASEETA ak ghwanung' ghwanal Eemoojiga giteena hawunda meanang'oocheanduumeeda ea makcheameeda gheambalmeadaanyi was Gristoyda mida jeedeang'wa, was rarooda giigheambiita.

Golosaayi 2:19

ak ea mwanoasa geat sea uhuuda, nea aba niny ghoang'waay geat saseesean aba roobuutka ea mayiishka, ak gwaheedu aba heenooda leabu heeda ASEETA.

Golosaayi 2:7

nea goongooreadi hawungeagwa ak geemajeegeegwa aba jeadaanyi ak gamajeegiit masaweegeagwa, ak gawuurji gidaghayi siinaaldaneegwa, nea goobadiisacheesi.

1 Dimotteo 2:15

Ak gay ghwalaalaan aba jeataanyi iimajeegiit aba badayda masaweega ea bariinyeega ea giimiinnooda ea jeeda mida gheadeenda.

2 Dimoteo 3:8

Nih gawuurji gidaghayi heawaata geaba Yane ea Yambure ng'asheega Musa ak eara fiisu ghaheawa huumeandida ak suh ea fuga nidatasa fughareenga nyaawa gil, ak ea siheawa aba ng'asheega masaweega.

Ditto 1:13

Muuwuunooni huumwa gil. Asi awoowsiina saawa nea ging'waniidi, ak abeeda gamajeegiit aba jeeda masaweega,

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

Ditto 2:2

Fuga hees gagasa gwandeawa gheadeenda, miina gheanyanga buuneeda, mideawa fughareenga, mideawa masaweega huumwa, mideawa bariinyeega huumwa ea majeeknata.

Ebraniya 12:15

Ang'ula adaghanyi siisi mwanyasa dagheerjeanduumeeda ASEETA; ak ea manda “hawunyeanda ng'weaninda” ama ridu gweadu jaliida, nea aba nih ghang'ut fuga saang'a ririnnyeanda;

Ebraniya 4:1

Asi heeleesiinda beata jeeda giibindaanyi gwanda heeda, ak gidabal geabeali ak ea mwaramwasa sih aba jeedeang'wa ak geergweaksiina gideaba mwanyasa.

Ebraniya 6:8

Ama jih halaghweenga ea ng'oobeeshta, ea marachi gil ea ghwariikghta eamwaashta; nea mudeanoadaanyi ea ghwardeayda.

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

1 Betro 5:9

Ak ghoaheawi niny, awasa majeek aba masaweega, nea ghoanali gideaba sawanadeeda ghwanyas fuga ghaheanya mida muunda ng'eanyiida.

Giidaheechta 2:5

Asi apkaada gidabwaanyi, ak giduukuuni ak gibiiksi gadiyoojiga ghayi iisini bea madeeda. Ak iimisini, gaydahidu headaang'u, ak gaydageanda hoorgeeda gheaboonyaneadaang'u aba heeda mida, ea eaghus duukuunana.