2 Goriinto 11:6 - Bibliyeeda Ghaydit

⁶ Earapeadi aniini eawooschi siida moamu gabalooliin, nih mii gideawuurjeewi aba fughareeda gil; naweadinga sean sinung'unyi ghwadaajiit ng'asheesu aba heedeang'wa aba haleanjeeda sean.

NEAJEEDA EESH BEA BUUNEESSEAN

⁶ Earappeadi aniini eawoschi siida moammu gabalooliin, nii mii gideawuurjeewi aba fughareeda gil; naweadinga sean sinung'unyi ghwadaajiit ng'asheesu aba heedeang'wa aba haleanjeessean.

2 Goriinto 11:6 Mawu Ofanana

Efeeso 3:4

Ak iyoasoomi ng'asheesu aang'oarjiin, abeeda gajajeeng'ni gida aanaldi gili funyaat bea Gristohiin,

2 Goriinto 4:2

Siheawi ng'asheega baspaseega, ea naweadinga ng'uyyeenya; ak geaheawi gideaba gajeesna milmilanda ghana eeyamujeena sea ng'asheanda ASEETA, geaghus aba ng'asheega huumeanda sirugu aba eeshpwara ak geaghwarji geat aba giliwas fughareemba sih aba madeeda ASEETA.

1 Goriinto 1:17

Aba gideaba Gristo ghayi meajeaknean deabaatiisan, goojeaknean darukwiida giijasta miy nea meakna bareaynata weaghuumeeda, ak abeeda ea moawa beehiida Gristo gidamwadaagha.

1 Goriinto 1:21

Nea, aba weaghuumeeda ASEETA, ghanyea mwanala ng'eanyiida ASEETA aba naweeda weaghuumeeda, goohoosan ASEETA aba naweeda leendeedida bea ng'asheega sirukwiidiin ak abeeda geelealu fugiga nimwasiin.

2 Goriinto 12:12

Nea gwadeagwajeega giijasoocheanda huumwa sisin aba jeedeang'wa aba milikghteayda sean, aba gwadeagwajeega ea deamdeamanga ea gadiyoojiga hees.

2 Goriinto 10:10

Aba gideaba gwayeena, “Barawajeegaaschi ea durumani nea gwandeawa uurda nea saseadaanyi iimida hiji ea ng'arng'ar, nea eara girgweageadaanyi geefool.”

2 Goriinto 5:11

Asi, geanali gissiwaldi gheang'da Ng'utamiida, iissa geaghurghurji buuneeda; nea gidasiwuurjeewi ghwanal ASEETA, ak ghaararji gideaba ea nalaat eara aba jeesinga fughareengeagwa.

1 Goriinto 2:13

Ak geerukwiidi gili aba ng'asheega maleapna weaghuumeeda anaal fih siida geaghus dea anaal fih Guroorooda, ak gwaroobu huumeanda guroorooda aba heeda fuga mideawa Guroorooda.

2 Goriinto 7:2

Ajaaneasa gurooruunatkeagwa, aba gideaba miyeetiiysiina eara sih, ak ea miyeeng'ala sih seawshooda, ak ea miyeenyagaada aba hichpa sih.

1 Goriinto 12:8

Aba gideaba siyagi aba Guroorooda geataw gwaruku weaghuumeeda, nea geataw nuut gwaruku ng'asheega aba fughareeda aba gidabwariiyda Guroorooda,

2 Goriinto 6:6

ea aba alooheeda, ea fughareeda, ea giihang'ooyda, ea inyeanda jeeda, ea aba Guroorooda Ghaydit, ea bariinyeega huumwa,