2 Goriinto 10:5 - Bibliyeeda Ghaydit

⁵ Ak geenyarji fughareenga sean gasa goodiing'u geat aba badayda fughareeda ASEETA, ak geaghaschi giliwas fughara ak abeeda gwasissa mureeda Gristo,

NEAJEEDA EESH BEA BUUNEESSEAN

⁵ Ak geenyarji fughareenga sean gasa godiing'u geat appadayda fughareeda Aseetta, ak geaghaschi giliwas fughara ak abeeda gwasissa mureeda Gristo,

2 Goriinto 10:5 Mawu Ofanana

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

2 SUGOODIGA 19:22

‘Siida imeanyay nea giing'eaway ng'eaha? Siida iijuursi ng'eaha, nea dea ing'ulay aba weashweashta ng'eaha? Dea ghaydit bea Israeli.

2 SUGOODIGA 19:28

Aba gideaba ginyareeksean ea gidighwardi geaw, naayiinyi sean. Ak aba badaydeaba nih, gaydayiin sidageedeanyu ghwanaghaang' sareadaang'u, nea ghaarachi ghuutaang'u aba ghealoadaang'u ak ghaadealdaneey bwadaw naweeda ghayi ileabu.

AYUBU 42:6

Ak ghamneawa geaduukuuni nea ghaayeashi geaw birjeanda ea deareeda, ak ghaadaayi aniini geawooschi gidamwadaagha.”

NYIIGHEEGA 10:4

Siida muy iissa aba ghwarjeeda mida madeeda gheanyangaaschi ea magaseadayi niny; fughareadaanyi sean iissa gwayi, “ASEETA mandana.”

NYIIGHEEGA 139:2

Ang'iing'i ginali giibinda heedeanyu ea nung'usiinda bea heeda. Ang'iing'i ginali gideapteadaydi ea gida aamiinaadaydi; ak ea nijeeng'u fughareedeanyu nea guwoosi sheagi.

NYIIGHEEGA 18:27

Aba gideaba ang'iing'i gaylealni fuga sisawan, nea gheanyanga ghwarjeeda gayhiing'ni.

NYIIGHEEGA 18:44

Hean nea ghwanyas iiteanyu gwasinnean mureeda; ak ghapka rabasta heedeanyu nea gwatkunyean.

RITEAYDA 5:2

Ghwalamda Farao ak gwayeesha, “NG'UTAMIIDA ng'eaha, jea dayiiy ghuutaanyi ea dasiksa fuga Israeli gaweay? Aniini NG'UTAMIIDA mwaanali, ak ea maydasiksa fuga Israeli gaweay.”

GHWASIILDEANGA 15:26

Giiteemshooda siida muy sicheeda gil aba heeda NG'UTAMIIDA nea ng'asheega miyaasiin gaygoohoosan niny.

GHWASIILDEANGA 24:9

Giiteemshooda siida dasha riing'eeda gil, nea siida machiida buuneeda gayghwanung' ghwanyareas buuneeda.

ISAYA 2:17

Ak weashweashta siida gajeahiing'u, nea ghwarjeeda buuneeda gajeerareang'u; ak gajeakghaambiit NG'UTAMIIDA ak ghwahit eaweecheanji.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

ISAYA 59:7

Geeshanga nyaawa gang'eang'eesa sinooda ng'asheega munyas, ak ghwalamwach ghoahiida foojeanda manda giidiinyeanda; aba giiteemshoonyaawa gooteemsheesa ng'asheega munyas, raghoonyeanda ea ng'asheega dataseadi gwanda jeeda naweadinga nyaawa bea bareanda.

ISAYA 60:14

Ak gayghapka orjooga fuga ghayi ghabwasnyi headaang'u ak ghwahiiy geat aba madeadaang'u; ea gea ghayi foolnyi sean gaygwatkuy aba madeeda geeshangaagu, ak gajeeguureewaneey Mujiineeda NG'UTAMIIDA, Sayuneeda dea Ghaydit Asagi bea Israeli.

YEREMIYA 23:29

Ng'ata gwayi NG'UTAMIIDA, ng'asheandeanyu mawuurji beasta, ea gameangooda inyeesa gwanyarja lagheanga ea ghoah basanga?

YEREMIYA 4:14

Ea Yerusalemu ahuuna munyinda mida gurooroadaang'u, ak abeeda gajeelealneey. Ghamneawa gajateemsheesiina ng'asheega munyas aba jeadaang'u ea ghoah eeju?

ESEKIELI 17:24

Ak gayghwanal geediga sean bea madamnyeanda gideaba aniini NG'UTAMIIDA gil, inyeessa ghaanung' gaweay ng'eanyi geediga geawi. Nea ghaanung' gaweay humng'eeda geediga nuweagi, nea ghaanung' gagajeamiidi geediga shabeadi nea ghaftu geediga gajeami ng'asheanji gearugu aniini NG'UTAMIIDA nea ng'asheanji geasinyi aniini.”

DANIELI 4:37

Asi ghamneawa aniini Nebukadinesa, ghaaghaambiichi nea geasisi mureeda nea geagwarsi sugoocheanda mida humng'eeda; aba gideaba gadiyoojigaaschi sean aamiyaas nea naweadingaaschi ghwadoabiiw; nea fuga ghwarjeeda gayghwahiing'u.

Mattayo 15:19

Aba gideaba jeeda guroorooda gwarituuna giiteemshajeega munyas, nuusta siida, mealuuleega, hiseadayeanduumeeda, mareanghuumeeda, muuwuunooda ng'uyyeega, ea beeshta siida.

Lukka 1:51

Ak ea niihiimu uurda aba geatindaanyi, nea Ghoadabwaarda fuga ghwarjajeega aba jeesinga nyaawa,

Ruumi 1:21

Ak earapeadi nal ASEETEAN ghanyea masisiina mureeda niny gawuurji ASEETA ghana gabadiischeesa niny, hean ghoah duguuga mwadaagha aba iheenga nyaawa nea fughareenga nyaawa marachi gil geanung' gamisaniit.

Ruumi 1:5

nea aba badaydeaba niny ghayi geanyaschi dagheerjeanduumeeda ea giijasoocheanduumeeda ak ghwanyas mureeda ea masaweega aba gheawungaaschi aba jeeda eemoojiga sean;

Ruumi 16:26

ak geatahaach ghamneawa aba ramooranga sing'waar amadu ghwanal eemoojiga, aba gidaghayi rukuteayda ASEETA manda muudeanooda, ak abeeda gwasin mureeda aba masaweega–

Ruumi 7:23

amadu ghaadaayi aba saseedeanyu deaweeda nuut nea gang'uchi sea deaweedeeda fughareedeanyu ak ghwanung' doaw giing'oonyaneeda deaweedeeda riing'eeda mida jeeda saseedeanyuun.

1 Goriinto 1:19

Aba gideaba geang'waar, “Gaydanyarja weaghuumeeda fuga weaghoodi, nea fughareenga fuga mideawa fughareeda gaydaheawa.”

1 Goriinto 3:19

Aba gideaba weaghuumeedeaba ng'eanyiini leendeeda gil aba heeda ASEETA. Aba gideaba geang'waar, “Siida ang'oonyi siida weaghoot aba jeeda milmilanda nyaawa,”

2 Goriinto 11:20

Aba gideaba iissa ghoamilikghti eara siida nung' ahuwa giing'oonyanga ghana ghwanukghutaneegwa, ghana ghwanyagaadawaneegwa, ghana ghwayiineegwa heetiyeada, ghana ghwalas gheamamuunatkeagwa.

2 Goriinto 9:13

Aba simsimdeaba gadiyeeni, gajoakghaambiida ASEETA aba mureedeang'wa aba masooda Giijasta miy bea Gristo, ea aba badayda inyeanda jeesingeagwa oatawji saawa ea buuneesean;

GIIPKEATA DIIGHEANDA 15:9

Ng'ula adiidu gwanda gurooroadaang'u ng'asheanda muy mii doabiiwaat, ak giyeeni, ‘gweaydeaba ispwa, gweayda siksiinda gil niriighu,’ ak giimunyasiidayi gheanyangaagu aba heeda siida bwarbwar bea eemeadaang'u, ak gaygooyeawusa NG'UTAMIIDA aba badaydaang'u, ak abeeda gayghoah riing'eeda aba headaang'u.

Filippi 4:7

Nea hoyyooyda ASEETA, adaraam fughareenga sean, gaygafur jeesingeagwa ea fughareengeagwa aba jeeda Gristo Yesu.

2 Desaloniikke 2:4

diida heewachiin ak goodiing'u geaw aba badayda gili wasean siguuriideawa aseeta ghana gilinyoo eebada, ea eeyi bwak ea gageanu hoorgeadaanyi aba jeeda gheeda sibata ASEETA, ak ghoahiimu geaw gideaba niny ASEETA.

2 Desaloniikke 2:8

Abeeda diita mandeawana deaweedean gajeatahaach, ak abeeda gaygwanuus Ng'utamiida was Yesu aba aroosta ghuutaanyi ak gwanyarja niny aba deaktaanyi ea hinoadaanyi.

Ebraniya 4:12

Aba gideaba ng'asheanda ASEETA ea majeek ak gagadiiy ak gwandeawa eaweega, ak gwandeawa uurda, ak ea ng'aniip ea ghang'al ng'uta ng'aniip meadajeega sean, iissa ghang'ut ak gooheeli fughareeda ea guroorooda, ea roobuutka ea gudadeeda, ak ghoamu gwasikteawa fughareenga ea gidabwariiy guroorooda.

Ebraniya 5:9

amadu nea siimajeek ghoah giing'eeta lealeanooda mamuudeana aba heeda buuneesean sissa niny mureeda,

1 Betro 1:2

ghayi siloat ak goojeakta ASEETA was Bwaabwa ak ghoamiidu Guroorooda aba mureeda aba badayda Yesu Gristo nea geapuuna foojeandaanyi: Gagasa eelakuuneegwa dagheerjeanduumeeda ea hoyyoo.

1 Betro 1:22

Nea ghoamiidu jeesingeagwa aba mureedeang'wa aba heeda huumeanda aba bariinyeega huumwa aba heeda orjoogiyya, abwariinya geat huumwa aba jeeda guroorooda.