1 SAMWELI 9:16 - Bibliyeeda Ghaydit

¹⁶ “Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”

1 SAMWELI 9:16 Mawu Ofanana

2 SAMWELI 3:18

Asi ghamneawa asina ng'asheanji; aba gideaba nirukuna badayda Dawdi gideaba, ‘Aba geatinda siideanyu was Dawdi gaydalealu fugeasu was Israeli aba geatinga fuga Filisti, ea aba geatinga weajoodiga nyaawa sean.’”

2 SUGOODIGA 20:5

“Biikta ak giyeeshi Hesekiya was siida ambal fugeasu. Gwayi NG'UTAMIIDA was ASEETA Dawdi was ghweandeang'wa; naayiinyi musiischoadaang'u, ak ea naadaayi dabeakaagu ng'ula gaydanung' haabwa; ak eaweedeaba samwagu gaysiyeang'da una gheeda NG'UTAMIIDA.

NYIIGHEEGA 102:1

Ea NG'UTAMIIDA, iinya mooshteanyu bea ghawooda! Dahina shookeasu headaang'u!

NYIIGHEEGA 106:44

Ng'ata gang'ula sawanaduutka nyaawa, damanda iinya shooka nyaawa.

NYIIGHEEGA 25:18

Ng'ula ghabasteanyu ea sawanadeedeanyu, ak gisamsi riing'eegeasu sean.

GHWASIILDEANGA 16:9

Siida inyeesa ghwadaawdaaw ng'asheagaaschi, ak heechea ghoala sean gayghoadoabiiw NG'UTAMIIDA.

YEREMIYA 32:8

Hean ghwahidu heedeanyu Hanameli was orjeeda dea ghamiiyya aba jeeda doodooda furiischoodiga gawuurji gidanyaashta ng'asheanda NG'UTAMIIDA ak gwayeeshiinean, ‘Eaniyean shaaha madamnyeandeanyu mida Anatoti mida ng'eanyiida Benjamini, atina ak gigeandi ghoah daang'u, nea eara giitinooda gwadoobiiwseey asi shaaha.’ Ak geajeeng'u gideaba ng'asheanji nih ng'asheanda NG'UTAMIIDA gil.

1 SAMWELI 10:1

Ng'ata gageanu Samweli gideeshteayda nagheeda ak goodalealsa uhuuda Sawli, ak ghwasam gheata nea gwayeesha, “Neada ea mii ghoamwaarnyi NG'UTAMIIDA huwa sugoocheanda jea goombal fugaaschi was Israeli? Ak gajambala fuga NG'UTAMIIDA ak gaylealni aba geatinga weajoodiga nyaawa neaweesa. Ak gili gayghoah gwadeagooda aba headaang'u gideaba nimwaarnyi NG'UTAMIIDA huwa sugoocheanda jea ghoahaaghwa fugaaschi.

1 SAMWELI 14:20

Iidu Sawli ea fuga sean mideawa gwasalda ak gaweay ng'ucheeda; ak ging'ulayi, ng'utpa giliwas sih googeal heeda siida gheanyaawa, ak gwaheedu deakghuyandeeda.

1 SAMWELI 14:23

Hean gwalealu NG'UTAMIIDA Israeli eaweedida; ak gawa ng'ucheeda ea ghwasuut Bet-afeni.

1 SAMWELI 15:1

Ng'ata gwayeesha Samweli Sawli, “Aniini goojeaknean NG'UTAMIIDA damwaarnyi huwa sugoocheanda jea goombal fugaaschi was Israeli; asi ghamneawa iinya ng'asheega NG'UTAMIIDA.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 16:3

Ak giguursi Yese ghwaan lukghumajeega, ak gaydaahiimneey gichea sina; ak gajamearnean siida jea darukuneey.”