1 SAMWELI 8:3 - Bibliyeeda Ghaydit

³ Iidu orjoagaaschi ea mwaada geeshta ghwaan, ak ghwayam geat gagasa lapiya; iissa geeseawa nea gahuta gitoabiiw.

1 SAMWELI 8:3 Mawu Ofanana

2 SAMWELI 15:4

Ak gabiikta gwayi Absalomu gicha, “Inyeeda gwachi geawooschi siida laja girgweaguutka aba jeeda ng'eanyiida! Gwachi abeeda giliwas sih mideawa ng'asheanda ghana girgweageeda gayghwahidu heedeanyu, ak gaydaadaw aniini gitoabiiw.”

NYIIGHEEGA 15:5

nea meadayiida lapiyeadaanyi nea gagasa gooheadeesa gil, ak ea mageaniida haleanjeeda seawshooda aba sawanda siida manda giidiinyeanda. Siida sina ng'asheesu majeegeanda damanda manda muudeanooda.

NYIIGHEEGA 26:10

fuga sina ng'asheega munyas aba geatinga nyaawa, nea geatinga nyaawa bea dugwa ghwanyiit seawshooda.

RITEAYDA 18:21

Ea meakghusa nih, aba jeedeaba fiisu seaniin gassa fuga awali gheang'da ASEETA, fuga doobiiweadi, was fuga magasa seawshooda, ak ginung' goombal fiisu, buuneeda ambal sagalamnyoojiga ea fuga was bughalajeega ea fuga was haradam ea damanamughuushcheeka, ea gea ambal damanamughuushcheeka.

RITEAYDA 23:6

“Adihuti gitoobiiwsa siidaang'u bwarbwar aba jeeda girgweageadaanyi.

RITEAYDA 23:8

Adiing'waanyi lapiyeeda seawshooda, aba gideaba seawshooda gayghwanung' gang'oowiidi gheanyanga fuga ang'wearu ak ghwadatas girgweageeda fuga doobiiweadi.

REEKUSIINDA 2:19

Ak gayghwanal ng'eaha gideaba gayghoah weaghoocheanda ghana gideaba gajea dasha? Ak eara nih ea marachi gil.

ISAYA 1:23

Fugaagu hees nischoarda, fuga nyaawa duupchi ea mareanghooga gil. Ak gaba nih bwariiy seawshooda nea gagasa haleanjeeda guskuseega. Ak ea moadawa bananga gitoobiiwsa, nea eara girgweageeda masiinung'weanda ea meeyeasiina saawa.

ISAYA 33:15

Siida giibinda doabiiwaat gil, nea gwaruku ng'asheega miyaas, nea magasa meanang'oocheanduumeeda agita gheanyanga buuneeda. Ak ea mayghamwas seawshooda earahay ak ea magasa ghwayiiy iita ng'asheega ng'ucheeda, nea magasa gideaba gayghwadaah ng'asheega munyas.

MIKA 3:11

Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

GIIPKEATA DIIGHEANDA 16:19

Adiidu gighwani huumeanda doabiiwaat, adiidu gisini shiitmeeda; nea adigeandi haleanjeeda seawshooda, aba gideaba seawshooda iissa gwadukuta gheanyanga siida bwaraawu ak ghwayam girgweageeda fuga doobiiweadi.

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida sheang'nyachi gil, ak ea mii siida bwariiy lapiya,

1 Dimotteo 6:10

Aba gideaba gumdooda ng'asheega munyas sean gweadu bariinyeega lapiya, ak buuneeda mwaatkwa ea ninung'waada masaweega aba bariinyeesu bea lapiyaan ea gwasawan jeesinga nyaawa.

1 SAMWELI 12:2

Ak ghamneawa, goong'ulayi, sugoocheanda nukwa gwanda madeedeang'wa; nea aniini ea naawaasiichi ak ea niweeshiit uhuudeanyu, ak goong'ulayi, orjoogeasu goondeawi; ak geendeaydooschi sea agooga ghang'eada damanda eawoosi gheareemaneeda ea ghoah ghamneawa.

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.