1 SAMWELI 7:6 - Bibliyeeda Ghaydit

⁶ Hean ghabwat geat aba Mispa, ak gwaramu beega ak ghoahiida aba madeeda NG'UTAMIIDA, ak gooluulda geat eaweedida, nea gwayi, “Aseasa sisinyi riing'eeda aba madeeda NG'UTAMIIDA.” Ak goorooroochi Samweli fuga Israeli aba Mispa.

1 SAMWELI 7:6 Mawu Ofanana

GIING'EETA 31:49

Ak gaguura gheawungaaschi Galedi, ak gaguura daraneeda Mispa, aba gideaba gwayi, “Gidabal goobiida NG'UTAMIIDA gang'ula aba dageascheedeanya ang'iing'i ea aniini, damanda siwoosi dardaawaat.

2 SAMWELI 14:14

Aseasa gajeemeewa eesa sean, geewuurjeewi beega weayeesa ng'eanyi, mwoamu eebiikta eeramu gicha; nea ASEETA ea maygageanda eaweega iissa gayghoapkaat ng'asheega sirukusa ak gayghwanyas sugoocheanda gichea goodeeldeayda siida mang'aw.

1 SUGOODIGA 8:47

inyas gabumbuniidi gurooruunatka aba ng'eanyiida ghayi siyaat ghoah soomjooga, ak gwaduukuuna, ak gamusnyi aba ng'eanyiida weajoodiga nyaawa, nea gwayi, ‘Sisinyi riing'eeda, ea ng'asheega gwaneadi ea gea munyas’;

1 DAMANYOOJIGA 11:18

hean ghabwasay fugiga assamwaguun museasooda Filisti, ak gwaramu beega aba healadeeda aba Betlehemu mida ghuuta dooshta, ak gweadu ak ghoadaw Dawdi. Ak ea mwali Dawdi; ak ghoahiida aba madeeda NG'UTAMIIDA,

2 DAMANYOOJIGA 20:3

Hean ghang'ut muuwda Yehoshafati, ng'ata ghang'eat gagaseada NG'UTAMIIDA, aba ng'ata gwarukuta giiluuldeaydeaba geat aba jeeda ng'eanyiida sean bea Yuda.

NEHEMIYA 9:27

Ak aba seareani ghoah gidiyiisi saawa geatinda weajoodiga nyaawa, geanung' gwasawana saawa; ak aba damandida bea sawanaduutka nyaawaan, hean gooyeawuseey ak giileeysiit saawa nea gindi humng'eeda; nea aba baydeaydaang'u haw giidawi saawa lealeanooda leabu saawa aba geatinda weajoodiga nyaawa.

AYUBU 16:20

Gafoolan fugeasu earooroocheewi nea aniini geabutpuusi ASEETA dabeaka nea ghaamwaschi.

AYUBU 3:24

Aba gideaba sawanadeedeanyu ghwahitaayda gil hamita gil, nea giimuumdeanyu gawuurji beega weay.

AYUBU 33:27

niny iissa gwasarman aba madeeda buuneeda, nea gwayi: ‘Aniini neasinyi riing'eeda, ak ghaanung' ghwaschoarda ng'asheega doobiiweadi, ak ea meawala ng'asheanji aba heedeanyu.

AYUBU 40:4

“Ng'ula, aniini geawooschi gidamwadaagha muuchi, gaydarukuneey naaha, ghaayiinyi geatindeanyu ghuuteanyu.

AYUBU 42:6

Ak ghamneawa geaduukuuni nea ghaayeashi geaw birjeanda ea deareeda, ak ghaadaayi aniini geawooschi gidamwadaagha.”

NYIIGHEEGA 106:6

Aseasa sisinyi riing'eeda sea ghweanigaasa; sisinyi ng'asheega munyas, ak ea sisinyi munyinda.

NYIIGHEEGA 119:136

Gheanyangeasu gooreamna ghealooniga beega, aba gideaba buuneeda mwaang'waanya deaweedajeagaagu.

NYIIGHEEGA 42:3

Dabeakeasu niiw daghwardeanyu askweari ea eawa, nea gwayeeniisean buuneeda galeaga sean, “Gwanda yeenu ASEATAANG'U?”

NYIIGHEEGA 6:6

Neaburji aba giiseaneegeasu; giliwas eawa iissa ghaashapchi bulaliideanyu aba dabeaka; ak ghaashapchi gideadiiwi uhuudeanyu aba dabeaka.

NYIIGHEEGA 62:8

Ea buuneeda, akghusa ASEETA galeagasean; ajaada gurooruunatkeagwa aba madeadaanyi; ASEETA niny dea simng'awiisi.

YEREMIYA 31:19

Aba huumwa iisiyamwan geaduukuuni Ama ng'ata giinealshooda sinalan, Hean ghaang'waanyi madeang'deanyu, ak ghaabwaspwaschi, Asaha ak geahirbabanyi, aba gideaba geageandi baspaseega gheareemaneanduumeedeanyu’.

YEREMIYA 36:9

Hean gweaydeaba muut bea sugoocheanduumeeda Yehoyakimu orjeeda Yosiya, sugoocheanda Yuda, nea sheedeaba shageash gil, fuga sean mida Yerusalemu, ea fuga sean fuga Yerusalemu leabu mujiinajeega sean bea Yuda, hean geerukuta giiluuldeaydeaba geat aba madeeda NG'UTAMIIDA.

YEREMIYA 9:1

Gideabali ghwayamwa uhuudeanyu ghoah beega, ea gheanyangeasu ghoah eeniga dabeaka, danyas gheata deayeawdi askweari ea eawa aba bayiiga hudeaba fugeasu!

HEAREEGA 2:11

Gheanyangeasu nibur aba dabeaka; jeedeanyu nideawiit; gurooroodeanyu geayamsi badayda ng'eanyiida aba sawanadeeda aba gideaba bayiiga huda fugeasu, aba gideaba diibiga manang'i ea gea reer goohiili aba dang'adga mujiini.

HEAREEGA 3:49

“Gheanyangeasu gaygagulda dabeaka moosha, nea mwang'ada,

HEAREEGA 5:16

Shiipka niibit aba iheengaasa; eeshageada, aba gideaba sisinyi riing'eeda!

ESEKIELI 20:4

Gajargweaksiina saawa siida gajargweaksiina saawa? Hean nung' ghwanal saawa nyarasta ghweaniga nyaawa.

HOSEYA 5:1

Oaleaydiit, Ea ashoohoodiga! Ayiing'sheena, Ea gheeh Israeli! Oaleaydiit, ea gheeda sugoocheanda. Aba gideaba girgweaksiinda gabeaheegwa agooga; agooga noowooschi gadageeda aba Mispa, ea ghaseeda siwiilsa badayda ng'eanyiida Dabori.

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

NG'ASHEEGA LAWI 16:29

“Ak gayghoah deaweeda aba heedeang'wa eaweega manda muudeanooda nea aba sheedeaba ispwa, eaweeteaba damanamughuush bea sheeda, gajarada jalooda, ak ea majasna gadiyeeda, adea siideaba ng'eang'i gil ghanea rabascheanda mida jeedeang'wa;

NG'ASHEEGA LAWI 26:40

“Nea iiduukuuna munyasnacheeka nyaawa ea munyasnacheeka ghweaniga nyaawa aba jeeda ng'asheega munyas simanean, nea ghabeada gidameagasiidani,

Lukka 15:18

Gaydang'eat dawa heeda ghweandeanyu ak geayeeshi niny, “Bwaabwa neadiiysi humng'eeda ea madeadaang'u;

YOSHUWA 18:26

Mispa, ea Gefira, ea Mosa,

FUGA LAJA GIRGWEAGUUTKA 10:10

Ng'ata gooyeawusa fuga Israeli NG'UTAMIIDA nea gwayeeniisa, “Aseasa sisinneey riing'eeda, aba gideaba sinung'i heeda ASEETEANYA ak geegadiyeesi Baali.”

FUGA LAJA GIRGWEAGUUTKA 10:15

Gwayeesha fuga Israeli NG'UTAMIIDA, “Aseasa sisinyi riing'eeda; simaneasa gididaahi ea doabiwaat aba headaang'u; geemuscheey, lealneasa eaweecheanji.”

FUGA LAJA GIRGWEAGUUTKA 2:4

Ng'ata malaykajeanda NG'UTAMIIDA nea gwarukusa ng'asheesu heeda fuga sean bea Israeli, gagatkat buuneeda ghuusiga nyaawa ak gooyeawda.

FUGA LAJA GIRGWEAGUUTKA 20:23

Hean gwadiyeada fuga Israeli ak gooyeawdi aba madeeda NG'UTAMIIDA ea ghoah shing'ada, ak goobearsa NG'UTAMIIDA nea gwayeesha, “Gaydawa dariikghta dang'uchi sea Benjamini was orjeeda giyeanya?” Ak gwayeesha NG'UTAMIIDA, “Asi aweayeena ang'ucheewana.”

FUGA LAJA GIRGWEAGUUTKA 20:26

Ak fuga sean bea Israeli, fiisu seaniin, gwadiyeada gaweay Beteli, ak gooyeawdi, goobiitpiit aba madeeda NG'UTAMIIDA, ak gooluulda geat eaweedida ea ghoah shing'ada; ak ghwayiin lukghumajeega sigwariida ea haleanjeeda sisabwa geadi was gea hoyyoo aba madeeda NG'UTAMIIDA.

FUGA LAJA GIRGWEAGUUTKA 3:10

Ng'ata ghwahidu headaanyi guroorooda NG'UTAMIIDA, ak ghoah siichea gwalaja girgweaguutka fuga Israeli; Iing'ata gwarita gawa ng'ucheeda, hean ghwayiin NG'UTAMIIDA geatingaaschi sugoocheanda Mesopotamiya siguura Gushani-rishatayimu, ama ng'ata ghwajoar Gushani-rishatayimu.

1 SAMWELI 1:15

Hean ghwasha Hana nea gwayeesha, “Manda, ng'utamiideanyu, aniini geawooschi gatmooda giisaneat; aniini moang'wa dali difaayi ghana gidaboogidi fih, aniini ghayiinyi gurooroodeanyu madeeda NG'UTAMIIDA.

1 SAMWELI 10:17

Iimuchu gaguursa Samweli buuneeda ak ghabwada geat aba madeeda NG'UTAMIIDA aba Mispa;

1 SAMWELI 12:10

Hean gooyeawusa NG'UTAMIIDA, nea gwayi, ‘Sisinyi riing'eeda, aba gideaba sinung'usi heeda NG'UTAMIIDA, ak geegadiyeesi Baali ea Ashtaroti; ak ghamneawa gilealnaneasa geatinga weajoodigaasa, ak gajeegadiyeeseey ang'iing'i.’

1 SAMWELI 7:15

Ak ghoahaaghwa Samweli Israeli askwearjoojiga sean bea eaweagaaschi.