1 SAMWELI 7:17 - Bibliyeeda Ghaydit

¹⁷ Ak iissa gabiikiida Rama, aba gideaba gwanda gheanyi hoowa, ak eara aba hoowa iissa ghoahaaghwiida fuga Israeli doobiiwnata. Ak gwadeeksa NG'UTAMIIDA heeda wagiida aba hoowa.

1 SAMWELI 7:17 Mawu Ofanana

GIING'EETA 33:20

Ak gwadeeksa heeda wagiida ak gaguura El-Elohe-Israeli.

GIING'EETA 35:7

ak ghwadeas heeda wagiida aba hoowa, ak gaguura gheawungeaba ng'eanyiita El-beteli, aba gideaba hoowa heeda ahiimsiina geaw ASEETA niny damanda mang'awa aba heeda orjeeda ghaamwadi.

ISAYA 10:29

Niighaawa giigheawda, ak gaweay gwalil aba Geba; fuga Rama niboadan aba muuwda, nea gea mida Gibeya ea Sawli nimng'aw.

FUGA LAJA GIRGWEAGUUTKA 4:5

Inyeesa goopteada Debora aba guumda miileanda mida dageascheeda Rama ea Beteli mida jeeda ng'eanyiida heayeeniga bea Efraimu; inyeesa fuga Israeli ghapka girgweageeda headaanyi.

FUGA LAJA GIRGWEAGUUTKA 6:24

Ng'ata gwasissa Gideoni heeda wagiida NG'UTAMIIDA aba hoowa ak gaguura gheawungaaschi Yehofa-Shalomu; eara ghamneawa gudu gwanda hoowa bea Ofra bea eemeeda Abieseri.

1 SAMWELI 1:1

Ghayi gwanda siyagi bea mujiineeda Rama bea eemeeda Sofimu mida ng'eanyiida heayeeda Efraimu, siguura gheawungaaschi Elikana orjeeda Yerohamu, Yerohamu gaba Elihu, Elihu gaba Dohu, Dohu gaba Sufu bea eemeeda Efraimu.

1 SAMWELI 1:19

Muchu ghang'eat ng'eat sakteayda duw ak ghamwaash NG'UTAMIIDA; amang'ata ghwayam geat gabiikta gheanyaawa mida Rama. Ak gwandeayi Elikana sea gatmoadaanyi was Hana, ak ghoapkaat NG'UTAMIIDA niny;

1 SAMWELI 11:15

Gaweay buuneesean Gilgali, ak geembiit Sawli ghoah sugoocheanda aba madeeda NG'UTAMIIDA aba Gilgali. Ak geabwar lukghumajeega was ghadooweeda bea hoyyoo aba madeeda NG'UTAMIIDA, ak gahoosan muuchi Sawli sea fuga sean bea Israeli.

1 SAMWELI 14:35

Ng'ata ghwadeas Sawli heeda wagiida bea NG'UTAMIIDA; nih heeda wagiida deas bea madeeda gil sissa NG'UTAMIIDA.

1 SAMWELI 15:34

Muchu gawa Samweli ng'eanyiida Rama; nea ghwascheang'da Sawli gawa gheanyi mida Gibeya.

1 SAMWELI 2:11

Ng'ata gabiikta Elikana ghoah aba Rama. Nea orjeeda gagadiiyeesa NG'UTAMIIDA, aba madeeda Eli was ashoohoocheanda.

1 SAMWELI 28:3

Iimuchu ghami Samweli, ak gooyeawda buuneesean aba badaydaanyi ak geebung'sa Rama was mujiineadaanyi. Ak ghahoan Sawli giijoodiga ea beeneediga aba jeeda ng'eanyiida.

1 SAMWELI 8:4

Ng'ata ghabwat geat gweargwa Israeli ak gaweay heeda Samweli aba Rama,

1 SAMWELI 9:12

Ghwasha nea gwayeesha, “Gwanda hiji; ng'ula, gwanda madeadaang'u. Lamwajaada; aba gideaba gudea hinoadaanyi gil gwaleabu mujiini, aba gideaba gaygwasin buuneeda lukghumeeda askweareani aba heetiyeada sibata ASEETA.